Salman Khan: ਬਿੱਗ ਬੌਸ 19 ਦੇ ਫਾਈਨਲ ਚ ਧਰਮਿੰਦਰ ਨੂੰ ਯਾਦ ਕਰ ਰੋਏ ਸਲਮਾਨ ਖਾਨ, ਕਹੀ ਇਹ ਗੱਲ

Salman Khan Bigg Boss 19: ਸਲਮਾਨ ਖਾਨ ਨੇ ਇੱਕ ਵਾਰ ਫਿਰ ਰਿਐਲਿਟੀ ਸ਼ੋਅ "ਬਿੱਗ ਬੌਸ 19" ਦੀ ਮੇਜ਼ਬਾਨੀ ਕੀਤੀ। ਸ਼ੋਅ ਕਾਫ਼ੀ ਰੋਮਾਂਚਕ ਸੀ। 7 ਦਸੰਬਰ ਨੂੰ ਫਾਈਨਲ ਐਪੀਸੋਡ ਸ਼ਾਨਦਾਰ ਰਿਹਾ। ਸ਼ੋਅ ਦੌਰਾਨ ਸਲਮਾਨ ਖਾਨ ਨੂੰ ਸਵਰਗੀ ਅਦਾਕਾਰ ਧਰਮਿੰਦਰ ਯਾਦ ਕਰਦੇ ਦੇਖਿਆ ਗਿਆ। ਧਰਮਿੰਦਰ ਨੂੰ ਯਾਦ ਕਰਦਿਆਂ ਸਲਮਾਨ ਆਪਣੇ ਹੰਝੂ ਨਾ ਰੋਕ ਸਕੇ। ਹੁਣ ਉਹਨਾਂ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਿਹਾ ਹੈ। 

ਭਰੀਆਂ ਅੱਖਾਂ ਤੇ ਆਵਾਜ਼ ਨਾਲ ਬੋਲੇ, "ਕੱਲ੍ਹ ਧਰਮਿੰਦਰ ਦਾ ਜਨਮਦਿਨ ਹੈ"

ਸਲਮਾਨ ਖਾਨ ਨੇ ਕਿਹਾ, "ਪਹਿਲੀ ਵਾਰ, ਮੈਂ ਦੇਖਿਆ ਹੈ ਕਿ ਇਸ ਵਾਰ ਬਣਾਏ ਗਏ ਸਾਰੇ ਮੀਮ ਅਤੇ ਰੀਲ ਬਿਲਕੁਲ ਪਿਆਰੇ ਸਨ। ਉਹਨਾਂ ਦਾ 24 ਨਵੰਬਰ ਨੂੰ ਦੇਹਾਂਤ ਹੋ ਗਿਆ।" ਸਲਮਾਨ ਖਾਨ ਦੀਆਂ ਅੱਖਾਂ ਵਿੱਚ ਹੰਝੂ ਆ ਗਏ। ਸਲਮਾਨ ਨੇ ਰੋਂਦੇ ਹੋਏ ਕਿਹਾ, "ਉਹ ਮੇਰੇ ਪਿਤਾ ਦੇ ਦੋਸਤ ਸਨ। ਕੱਲ੍ਹ, 8 ਦਸੰਬਰ ਨੂੰ ਧਰਮਜੀ ਦਾ ਜਨਮਦਿਨ ਹੈ। ਮੇਰੀ ਪਿਓ ਦਾ ਜਨਮਦਿਨ ਹੈ।" ਦੇਖੋ ਇਹ ਵੀਡੀਓ 

>

ਸਲਮਾਨ ਬੋਲੇ, "ਪਰਿਵਾਰ ਕਿਵੇਂ ਮਹਿਸੂਸ ਕਰ ਰਿਹਾ ਹੋਵੇਗਾ?"

ਧਰਮਿੰਦਰ ਦੇ ਨਾਮ ਦਾ ਜ਼ਿਕਰ ਸੁਣ ਕੇ ਸਲਮਾਨ ਖਾਨ ਦੀਆਂ ਅੱਖਾਂ ਤੇ ਗਲਾ ਭਰ ਆਏ। ਆਪਣੇ ਆਪ ਨੂੰ ਕਾਬੂ ਕਰਦਿਆਂ, ਉਸਨੇ ਅੱਗੇ ਕਿਹਾ, "ਰੱਬ ਤੁਹਾਨੂੰ ਸਾਰਿਆਂ ਨੂੰ ਅਸੀਸ ਦੇਵੇ, ਧਰਮਜੀ।" ਫਿਰ ਉਸਨੇ ਪ੍ਰਤੀਯੋਗੀਆਂ ਨੂੰ ਕਿਹਾ, "ਰੱਬ ਤੁਹਾਨੂੰ ਸਾਰਿਆਂ ਨੂੰ ਅਸੀਸ ਦੇਵੇ।" ਧਰਮਿੰਦਰ ਦੇ ਨਾਮ ਦਾ ਜ਼ਿਕਰ ਆਉਂਦੇ ਹੀ, ਸਾਰੇ ਮੁਕਾਬਲੇਬਾਜ਼ ਖੜ੍ਹੇ ਹੋ ਗਏ। ਸਲਮਾਨ ਖਾਨ ਨੇ ਅੱਗੇ ਕਿਹਾ, "ਜੇ ਮੈਂ ਇਸ ਤਰ੍ਹਾਂ ਮਹਿਸੂਸ ਕਰ ਰਿਹਾ ਹਾਂ, ਤਾਂ ਸੰਨੀ ਬੌਬੀ, ਈਸ਼ਾ, ਹੇਮਾ ਜੀ, ਪ੍ਰਕਾਸ਼ ਆਂਟੀ ਅਤੇ ਉਨ੍ਹਾਂ ਦੇ ਪਰਿਵਾਰ ਕਿਵੇਂ ਮਹਿਸੂਸ ਕਰ ਰਹੇ ਹੋਣਗੇ?"