Canada: ਹਿੰਸਾ ਮਾਮਲੇ ਚ ਪੀਲ ਪੁਲਿਸ ਮੁਸਤੈਦ, ਮਸ਼ਕੂਕਾਂ ਖ਼ਿਲਾਫ਼ ਅਰੈਸਟ ਵਰੰਟ ਜਾਰੀ
ਬਰੈਮਟਨ : ਬਰੈਂਪਟਨ ਵਿੱਚ ਪੀਲ ਪੁਲਿਸ ਨੇ ਗੁਰਦੁਆਰਿਆਂ ਵਿਰੁੱਧ ਸਾਜ਼ਿਸ਼ ਰਚਣ ਵਾਲਿਆਂ ਵਿਚ ਸ਼ਾਮਲ ਕਈ ਜਣਿਆਂ ਦੇ ਅਰੈਸਟ ਵਾਰੰਟ ਜਾਰੀ ਕੀਤੇ ਹਨ। ਦਰਅਸਲ ਪੀਲ ਪੁਲਿਸ ਨੇ ਕੁਝ ਹਿੰਦੂ ਨੌਜਵਾਨਾਂ ਦੀ ਚੈਟ ਨੂੰ ਸਰਚ ਕੀਤਾ ਹੈ ਉਸ ਚੈਟ ਵਿੱਚ ਉਹ ਆਡੀਓ ਮੈਸੇਜ ਭੇਜ ਕੇ ਇਹ ਆਖ ਰਹੇ ਹਨ ਕਿ ਪੈਟਰੋਲ ਬੰਬ ਤਿਆਰ ਕੀਤੇ ਜਾਣ ਅਤੇ ਗੁਰਦੁਆਰੇ ਉੱਤੇ ਹਮਲਾ ਕੀਤਾ ਜਾਵੇ।
ਇਸ ਦੇ ਨਾਲ ਹੀ ਖਬਰ ਇਹ ਵੀ ਹੈ ਕਿ ਉਨਾਂ ਹਿੰਦੂ ਨੌਜਵਾਨਾਂ ਦੀ ਇਹ ਚੈਟ ਲੀਕ ਹੋ ਗਈ ਹੈ ਪੁਲਿਸ ਨੇ ਕਾਰਵਾਈ ਕਰਦੇ ਹੋਏ ਕਈ ਨੌਜਵਾਨਾਂ ਨੂੰ ਗ੍ਰਫਤਾਰ ਵੀ ਕੀਤਾ ਹੈ। ਇਹਨਾਂ ਦੀ ਲੀਕ ਹੋਈ ਚੈਟ ਵਿੱਚ ਇਹ ਆਖ ਰਹੇ ਹਨ ਕਿ ਖਾਲਸਤਾਨੀਆਂ ਨੂੰ ਅਤੇ ਪੁਲਿਸ ਨੂੰ ਨਿਸ਼ਾਨਾ ਬਣਾਇਆ ਜਾਵੇਗਾ।। ਉਹਨਾਂ ਨੌਜਵਾਨਾਂ ਦੇ ਨਾਮ ਇਸ ਤਰ੍ਹਾਂ ਹਨ ।
ਅਰਮਾਨ ਗਹਿਲੋਤ ਵਾਸੀ ਕਿਚਨਰਦਾ ਤੇ 24 ਸਾਲ ਉਮਰ। 22 ਸਾਲਾ ਅਰਪਤ। ਇਹਨਾਂ ਉੱਤੇ ਦੋਸ਼ ਲੱਗੇ ਹਨ ਕਿ ਇਹ ਪੁਲਿਸ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ ਅਤੇ ਬੋਲ ਕੇ ਦੂਸਰਿਆਂ ਲਈ ਸਾਜਿਸ਼ ਰਚ ਰਹੇ ਹਨ। ਦੋਸ਼ਾਂ ਵਿੱਚ ਇਹ ਵੀ ਹੈ ਕਿ ਇਹ ਦੂਸਰਿਆਂ ਨੂੰ ਜਾਨੋ ਮਾਰਨ ਦੀਆਂ ਧਮਕੀਆਂ ਦੇ ਰਹੇ ਹਨ ਅਤੇ ਪਲਾਨ ਬਣਾ ਰਹੇ ਹਨ।
ਜ਼ਿਕਰਯੋਗ ਹੈ ਕਿ ਇਹ ਸਾਰੀ ਚੈਟ ਦਾ ਖੁਲਾਸਾ ਜਿਸ ਵਟਸਐਪ ਗਰੁੱਪ ਤੋਂ ਹੋਇਆ ਹੈ ਉਸਦਾ ਨਾਮ ਹਿੰਦੂ ਏਕਤਾ ਗਰੁੱਪ ਦੱਸਿਆ ਜਾ ਰਿਹਾ ਹੈ।