PPF ਵਿੱਚ ਹਰ ਮਹੀਨੇ 500 ਰੁਪਏ ਦਾ ਨਿਵੇਸ਼ ਬਣਾਏਗਾ ਲੱਖਪਤੀ

ਨਵੀਂ ਦਿੱਲੀ: ਜੇਕਰ ਤੁਸੀਂ ਕਿਸੇ ਅਜਿਹੀ ਸਕੀਮ ਵਿੱਚ ਨਿਵੇਸ਼ ਕਰਨ ਦੀ ਯੋਜਨਾ ਬਣਾ ਰਹੇ ਹੋ ਜਿੱਥੇ ਤੁਹਾਡਾ ਪੈਸਾ ਸੁਰੱਖਿਅਤ ਹੋਵੇ ਅਤੇ ਤੁਹਾਨੂੰ ਯਕੀਨੀ ਅਤੇ ਵਧੀਆ ਰਿਟਰਨ ਮਿਲੇ, ਤਾਂ ਪਬਲਿਕ ਪ੍ਰੋਵੀਡੈਂਟ ਫੰਡ ਸਕੀਮ ਤੁਹਾਡੇ ਲਈ ਸਹੀ ਸਾਬਤ ਹੋ ਸਕਦੀ ਹੈ। ਫਿਲਹਾਲ ਇਸ ਸਕੀਮ ਤਹਿਤ 7.1% ਸਲਾਨਾ ਵਿਆਜ ਦਿੱਤਾ ਜਾ ਰਿਹਾ ਹੈ।

ਤੁਸੀਂ ਹਰ ਮਹੀਨੇ ਸਿਰਫ਼ 500 ਰੁਪਏ ਦਾ ਨਿਵੇਸ਼ ਕਰਕੇ ਆਸਾਨੀ ਨਾਲ ਕਰੋੜਪਤੀ ਬਣ ਸਕਦੇ ਹੋ। ਇਸ ਤੋਂ ਇਲਾਵਾ ਇਸ ਸਕੀਮ 'ਚ ਨਿਵੇਸ਼ ਕਰਕੇ ਤੁਸੀਂ ਇਨਕਮ ਟੈਕਸ ਛੋਟ ਦਾ ਵੀ ਫਾਇਦਾ ਲੈ ਸਕਦੇ ਹੋ। ਇਸ ਸਕੀਮ ਦੇ ਨਾਲ, ਅਸੀਂ ਤੁਹਾਨੂੰ ਇਹ ਵੀ ਦੱਸ ਰਹੇ ਹਾਂ ਕਿ ਤੁਸੀਂ ਹਰ ਮਹੀਨੇ ਨਿਵੇਸ਼ ਕਰਕੇ ਕਿੰਨਾ ਫੰਡ ਪੈਦਾ ਕਰ ਸਕਦੇ ਹੋ।

500 ਰੁਪਏ ਵਿੱਚ ਖੋਲ੍ਹਿਆ ਜਾ ਸਕਦਾ ਖਾਤਾ

ਇੱਕ PPF ਖਾਤਾ ਖੋਲ੍ਹਣ ਲਈ ਲੋੜੀਂਦੀ ਘੱਟੋ-ਘੱਟ ਰਕਮ 500 ਰੁਪਏ ਹੈ। ਇੱਕ ਵਿੱਤੀ ਸਾਲ ਵਿੱਚ ਘੱਟੋ-ਘੱਟ 500 ਰੁਪਏ ਦੀ ਜਮ੍ਹਾਂ ਰਕਮ ਦੀ ਲੋੜ ਹੁੰਦੀ ਹੈ, ਜਦੋਂ ਕਿ ਵੱਧ ਤੋਂ ਵੱਧ ਨਿਵੇਸ਼ ਸੀਮਾ 1.5 ਲੱਖ ਰੁਪਏ ਸਾਲਾਨਾ ਰੱਖੀ ਗਈ ਹੈ।

ਪਰਿਪੱਕਤਾ ਦੀ ਮਿਆਦ 15 ਸਾਲਾਂ ਤੱਕ

PPF ਖਾਤਾ 15 ਸਾਲਾਂ ਵਿੱਚ ਪਰਿਪੱਕ ਹੋ ਜਾਂਦਾ ਹੈ। ਜੇਕਰ ਤੁਸੀਂ ਚਾਹੋ, ਤਾਂ ਤੁਸੀਂ ਮਿਆਦ ਪੂਰੀ ਹੋਣ ਤੋਂ ਬਾਅਦ ਪੂਰਾ ਪੈਸਾ ਕਢਵਾ ਸਕਦੇ ਹੋ। ਹਾਲਾਂਕਿ, ਜੇਕਰ ਤੁਹਾਨੂੰ ਪੈਸੇ ਦੀ ਜ਼ਰੂਰਤ ਨਹੀਂ ਹੈ ਤਾਂ ਇਸ ਨੂੰ 5 ਸਾਲ ਲਈ ਵਧਾਇਆ ਜਾ ਸਕਦਾ ਹੈ, ਇਸਦੇ ਲਈ ਮਿਆਦ ਪੂਰੀ ਹੋਣ ਤੋਂ ਪਹਿਲਾਂ ਇੱਕ ਸਾਲ ਵਧਾਉਣਾ ਹੋਵੇਗਾ।

12500 ਰੁਪਏ ਦਾ ਨਿਵੇਸ਼ ਕਰਨ ਉੱਤੇ ਮਿਲੇਗਾ 1.02 ਕਰੋੜ ਰੁਪਏ

ਇਸ ਸਕੀਮ ਦੇ ਜ਼ਰੀਏ ਜੇਕਰ ਤੁਸੀਂ 1 ਕਰੋੜ ਰੁਪਏ ਦਾ ਫੰਡ ਤਿਆਰ ਕਰਨਾ ਚਾਹੁੰਦੇ ਹਾਂ ਤਾਂ ਤੁਹਾਨੂੰ 25 ਸਾਲ ਤੱਕ ਹਰ ਮਹੀਨੇ 12500 ਰੁਪਏ ਨਿਵੇਸ਼ ਕਰਨੇ ਹੋਣਗੇ। ਜੇਕਰਤੁਸੀ 10 ਹਜ਼ਾਰ ਰੁਪਏ ਮਹੀਨਾ ਨਿਵੇਸ਼ ਕਰਦੇ ਹੋ ਤਾਂ 25 ਸਾਲ ਬਾਅਦ 81.76 ਲੱਖ ਰੁਪਏ ਮਿਲਣਗੇ।