ਚੇਤਾਵਨੀ, ਤਿੰਨ ਮਹੀਨਿਆਂ ਵਿੱਚ ਆ ਸਕਦੀ ਹੈ ਭਿਆਨਕ ਸੁਨਾਮੀ, ਲੋਕਾਂ 'ਚ ਚਿੰਤਾ ਵਧੀ

ਜਪਾਨੀ ਕਲਾਕਾਰ ਅਤੇ ਭਵਿੱਖਵੇਤਾ ਰੀਓ ਤਾਤਸੁਕੀ, ਜੋ ਕਿ ਲੋਕਾਂ ਵਿੱਚ "ਜਾਪਾਨੀ ਬਾਬਾ ਵੇਂਗਾ" ਦੇ ਨਾਂਅ ਨਾਲ ਜਾਣੀ ਜਾਂਦੀ ਹੈ, ਨੇ ਆਪਣੀ ਨਵੀਂ ਭਵਿੱਖਬਾਣੀ ਜਾਰੀ ਕਰਕੇ ਦੁਨੀਆ ਭਰ ਵਿੱਚ ਚਿੰਤਾ ਵਧਾ ਦਿੱਤੀ ਹੈ। ਰੀਓ ਦੇ ਅਨੁਸਾਰ, ਤਿੰਨ ਮਹੀਨਿਆਂ ਬਾਅਦ, ਯਾਨੀ ਜੁਲਾਈ 2025 ਵਿੱਚ, ਦੁਨੀਆ ਇੱਕ ਭਿਆਨਕ ਸੁਨਾਮੀ ਦਾ ਸਾਹਮਣਾ ਕਰ ਸਕਦੀ ਹੈ।

ਰੀਓ ਦਾ ਦਾਅਵਾ ਹੈ ਕਿ ਉਸਨੇ ਆਪਣੇ ਸੁਪਨੇ ਵਿੱਚ ਪ੍ਰਸ਼ਾਂਤ ਮਹਾਸਾਗਰ ਦੇ ਉਬਲਦੇ ਪਾਣੀ ਅਤੇ ਸਮੁੰਦਰੀ ਜਵਾਲਾਮੁਖੀ ਦੇ ਫਟਣ ਦੀ ਦ੍ਰਿਸ਼ਟੀ ਵੇਖੀ। ਉਸ ਅਨੁਸਾਰ, ਜਾਪਾਨ ਦੇ ਕਈ ਹਿੱਸੇ ਇਸ ਕੁਦਰਤੀ ਆਫ਼ਤ ਨਾਲ ਪ੍ਰਭਾਵਿਤ ਹੋ ਸਕਦੇ ਹਨ।

ਪਿਛਲੀਆਂ ਭਵਿੱਖਬਾਣੀਆਂ ਸੱਚ ਸਾਬਤ ਹੋਈਆਂ

ਤਾਤਸੁਕੀ ਦੀਆਂ ਪਹਿਲਾਂ ਦੀਆਂ ਕਈ ਭਵਿੱਖਬਾਣੀਆਂ — ਜਿਵੇਂ 2011 ਦੀ ਜਾਪਾਨ ਸੁਨਾਮੀ ਅਤੇ 1995 ਦੇ ਕੋਬੇ ਭੂਚਾਲ — ਸੱਚ ਹੋ ਚੁੱਕੀਆਂ ਹਨ। ਇਨ੍ਹਾਂ ਅਨੁਭਵਾਂ ਦੇ ਆਧਾਰ 'ਤੇ ਕਈ ਲੋਕ ਉਸਦੀ ਨਵੀਂ ਭਵਿੱਖਬਾਣੀ ਨੂੰ ਵੀ ਗੰਭੀਰਤਾ ਨਾਲ ਲੈ ਰਹੇ ਹਨ।

ਵਿਗਿਆਨਕ ਪੁਸ਼ਟੀ ਨਹੀਂ

ਹਾਲਾਂਕਿ, ਇਨ੍ਹਾਂ ਦਾਵਿਆਂ ਬਾਰੇ ਕੋਈ ਵਿਗਿਆਨਕ ਜਾਂ ਅਧਿਕਾਰਿਕ ਸੰਸਥਾ ਵੱਲੋਂ ਹੁਣ ਤੱਕ ਕੋਈ ਪੁਸ਼ਟੀ ਨਹੀਂ ਹੋਈ ਹੈ। ਰੀਓ ਦੇ ਦਾਅਵੇ ਉਸਦੇ ਸੁਪਨਿਆਂ 'ਤੇ ਆਧਾਰਿਤ ਹਨ, ਜੋ ਉਹ ਲੰਬੇ ਸਮੇਂ ਤੋਂ ਆਪਣੀ ਡਾਇਰੀ ਵਿੱਚ ਲਿਖਦੀ ਰਹੀ ਹੈ।

ਲੋਕਾਂ 'ਚ ਫਿਰ ਡਰ ਦਾ ਮਾਹੌਲ

ਰੀਓ ਦੇ ਨਵੇਂ ਦਾਅਵਿਆਂ ਤੋਂ ਬਾਅਦ ਸੋਸ਼ਲ ਮੀਡੀਆ ਅਤੇ ਆਮ ਲੋਕਾਂ ਵਿਚ ਚਿੰਤਾ ਅਤੇ ਉਤਸੁਕਤਾ ਦੋਵਾਂ ਵਧ ਗਈਆਂ ਹਨ। ਕੁਝ ਲੋਕ ਇਹਨੂੰ ਰੋਚਕ ਮੰਨ ਰਹੇ ਹਨ, ਜਦਕਿ ਹੋਰ ਲੋਕ ਇਸਨੂੰ ਗੰਭੀਰ ਚੇਤਾਵਨੀ ਵਜੋਂ ਵੇਖ ਰਹੇ ਹਨ।

❝ਇਹ ਖ਼ਬਰ ਸਿਰਫ਼ ਰੀਓ ਤਾਤਸੁਕੀ ਦੇ ਨਿੱਜੀ ਦਾਵਿਆਂ 'ਤੇ ਆਧਾਰਿਤ ਹੈ। ਇਸ ਬਾਰੇ ਕਿਸੇ ਰਾਸ਼ਟਰੀ ਜਾਂ ਅੰਤਰਰਾਸ਼ਟਰੀ ਭੂਗੋਲ ਜਾਂ ਮੌਸਮ ਵਿਭਾਗ ਵੱਲੋਂ ਅਜੇ ਤੱਕ ਕੋਈ ਅਧਿਕਾਰਿਕ ਸੂਚਨਾ ਜਾਰੀ ਨਹੀਂ ਕੀਤੀ ਗਈ।❞