ਵਕਫ਼ ਬਿੱਲ : ''ਮੰਦਰਾਂ, ਗੁਰਦੁਆਰਿਆਂ ਅਤੇ ਗਿਰਜਾਘਰਾਂ ਦੀ ਵਾਰੀ ਕਦੋਂ ਆਵੇਗੀ ?"

ਸੰਜੇ ਸਿੰਘ ਦਾ ਵੱਡਾ ਬਿਆਨ – "80% ਰਾਖਵਾਂਕਰਨ ਵਾਲਾ ਬਿੱਲ ਲਿਆਓ, ਤੁਹਾਨੂੰ ਹਾਰ ਪਹਿਨਾਵਾਂਗਾ"

ਨਵੀਂ ਦਿੱਲੀ : ਵਕਫ਼ ਸੋਧ ਬਿੱਲ, ਜੋ ਕਿ ਲੋਕ ਸਭਾ ਅਤੇ ਰਾਜ ਸਭਾ ਦੋਵਾਂ ਵੱਲੋਂ ਪਾਸ ਕੀਤਾ ਜਾ ਚੁੱਕਾ ਹੈ, ਹੁਣ ਰਾਸ਼ਟਰਪਤੀ ਦੀ ਮਨਜ਼ੂਰੀ ਲਈ ਭੇਜਿਆ ਜਾਵੇਗਾ। ਇਸ ਬਿੱਲ 'ਤੇ ਰਾਜ ਸਭਾ ਵਿੱਚ ਹੋਈ ਚਰਚਾ ਦੌਰਾਨ ਆਮ ਆਦਮੀ ਪਾਰਟੀ (AAP) ਦੇ ਸੰਸਦ ਮੈਂਬਰ ਸੰਜੇ ਸਿੰਘ ਨੇ ਆਪਣੀ ਤਿੱਖੀ ਪ੍ਰਤੀਕਿਰਿਆ ਦਿੱਤੀ।

ਉਨ੍ਹਾਂ ਕਿਹਾ ਕਿ "ਜੇ ਤੁਸੀਂ ਹਿੰਦੂ ਟਰੱਸਟਾਂ ਅਤੇ ਕਮੇਟੀਆਂ ਵਿੱਚ ਦਲਿਤਾਂ, ਆਦਿਵਾਸੀਆਂ ਅਤੇ ਪਛੜੇ ਹਿੰਦੂਆਂ ਨੂੰ 80% ਰਾਖਵਾਂਕਰਨ ਦੇਣ ਲਈ ਬਿੱਲ ਲਿਆਉ, ਤਾਂ ਮੈਂ ਤੁਹਾਡਾ ਸਮਰਥਨ ਕਰਾਂਗਾ ਅਤੇ ਤੁਹਾਨੂੰ ਹਾਰ ਪਹਿਨਾਵਾਂਗਾ।"

ਸੰਜੇ ਸਿੰਘ ਨੇ ਸਮਾਜ ਵਿੱਚੋਂ ਛੂਤ-ਛਾਤ ਦੀ ਬਿਮਾਰੀ ਖਤਮ ਕਰਨ ਦੀ ਗੱਲ ਕਰਦੇ ਹੋਏ, ਅਗਲੇ ਸੰਸਦੀ ਸੈਸ਼ਨ ਵਿੱਚ ਇਸ ਤਰ੍ਹਾਂ ਦੇ ਬਿੱਲ ਦੀ ਮੰਗ ਕੀਤੀ।

RSS ‘ਤੇ ਵੀ ਸਵਾਲ

ਸੰਜੇ ਸਿੰਘ ਨੇ ਰਾਸ਼ਟਰੀ ਸਵੈਮ ਸੇਵਕ ਸੰਘ (RSS) ਉੱਤੇ ਹਮਲਾ ਕਰਦਿਆਂ ਕਿਹਾ, "ਤੁਸੀਂ ਦਲਿਤਾਂ ਅਤੇ ਪਛੜਿਆਂ ਦੀ ਚਿੰਤਾ ਕਰਨ ਦੀ ਗੱਲ ਕਰਦੇ ਹੋ, ਪਰ 100 ਸਾਲਾਂ ਵਿੱਚ ਤੁਸੀਂ ਇੱਕ ਵੀ ਦਲਿਤ, ਆਦਿਵਾਸੀ ਜਾਂ ਔਰਤ ਨੂੰ RSS ਦਾ ਮੁਖੀ ਨਹੀਂ ਬਣਾਇਆ।"

ਕੇਂਦਰ ਸਰਕਾਰ 'ਤੇ ਨਿਸ਼ਾਨਾ

ਉਨ੍ਹਾਂ ਕਿਹਾ ਕਿ ਮੋਦੀ ਸਰਕਾਰ ਵਕਫ਼ ਸੋਧ ਬਿੱਲ ਰਾਹੀਂ ਧਾਰਮਿਕ ਜਾਇਦਾਦਾਂ ‘ਤੇ ਕਬਜ਼ਾ ਕਰਨਾ ਚਾਹੁੰਦੀ ਹੈ, ਅਤੇ ਬਾਅਦ ‘ਚ ਇਹ ਜ਼ਮੀਨ ਆਪਣੇ ਨਜ਼ਦੀਕੀ ਉਦਯੋਗਪਤੀਆਂ ਨੂੰ ਦੇਣੀ ਹੈ।

ਉਨ੍ਹਾਂ ਸਵਾਲ ਕੀਤਾ:

"ਤੁਸੀਂ ਵਕਫ਼ ਦੀ ਗੱਲ ਕਰ ਰਹੇ ਹੋ, ਪਰ ਮੰਦਰਾਂ, ਗੁਰਦੁਆਰਿਆਂ ਅਤੇ ਗਿਰਜਾਘਰਾਂ ਦੀ ਵਾਰੀ ਕਦੋਂ ਆਉਵੇਗੀ?"

ਉਨ੍ਹਾਂ ਕਿਹਾ ਕਿ ਜੇ ਇਹ ਬਿੱਲ ਮੁਸਲਮਾਨ ਭਾਈਚਾਰੇ ਦੇ ਹਿੱਤ ਵਿੱਚ ਹੈ, ਤਾਂ ਛੂਤ-ਛਾਤ ਖ਼ਤਮ ਕਰਨ ਲਈ ਵੀ ਕਾਨੂੰਨ ਲਿਆਉਣਾ ਚਾਹੀਦਾ ਹੈ।

📢 ਵਕਫ਼ ਬਿੱਲ ‘ਤੇ ਰਾਜਨੀਤਿਕ ਤਾਪਮਾਨ ਵੱਧ ਰਿਹਾ – ਕਈ ਪਾਸੇ ਤੋਂ ਵਿਰੋਧ ਅਤੇ ਹਮਾਇਤ ਜਾਰੀ