5 ਮਿਲੀਅਨ ਡਾਲਰ ਵਿੱਚ ਅਮਰੀਕੀ ਨਾਗਰਿਕਤਾ: ਪ੍ਰਵਾਸੀਆਂ ਲਈ ਟਰੰਪ ਦੀ ਆਫ਼ਰ

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਮੀਰ ਪ੍ਰਵਾਸੀਆਂ ਲਈ ਅਖੌਤੀ "ਗੋਲਡਨ ਕਾਰਡ" ਰਾਹੀਂ ਅਮਰੀਕੀ ਨਾਗਰਿਕਤਾ ਪ੍ਰਾਪਤ ਕਰਨਾ ਆਸਾਨ ਬਣਾਉਣ ਦੀ ਯੋਜਨਾ ਬਣਾ ਰਹੇ ਹਨ ਜੋ ਕਿ 5 ਮਿਲੀਅਨ ਡਾਲਰ ਵਿੱਚ ਖਰੀਦੇ ਜਾ ਸਕਦੇ ਹਨ। ਅਮਰੀਕੀ ਰਾਸ਼ਟਰਪਤੀ ਨੇ ਕਿਹਾ ਕਿ ਇਹ "ਗੋਲਡਨ ਕਾਰਡ" ਵਿਦੇਸ਼ੀਆਂ ਨੂੰ ਗ੍ਰੀਨ-ਕਾਰਡ ਰੈਜ਼ੀਡੈਂਸੀ ਸਟੇਟਸ ਅਤੇ ਅਮਰੀਕੀ ਨਾਗਰਿਕਤਾ ਦਾ ਰਸਤਾ ਪ੍ਰਦਾਨ ਕਰਨਗੇ ਅਤੇ ਭਵਿੱਖਬਾਣੀ ਕੀਤੀ ਹੈ ਕਿ 10 ਲੱਖ ਕਾਰਡ ਵੇਚੇ ਜਾਣਗੇ।

ਟਰੰਪ ਦੇ ਅਨੁਸਾਰ, ਇਹ ਪਹਿਲ ਰਾਸ਼ਟਰੀ ਕਰਜ਼ੇ ਨੂੰ ਜਲਦੀ ਹੀ ਘਟਾ ਸਕਦੀ ਹੈ। ਉਨ੍ਹਾਂ ਪੱਤਰਕਾਰਾਂ ਨੂੰ ਦੱਸਿਆ ਕਿ ਉਹ "EB-5" ਪ੍ਰਵਾਸੀ ਨਿਵੇਸ਼ਕ ਵੀਜ਼ਾ ਪ੍ਰੋਗਰਾਮ ਨੂੰ "ਗੋਲਡ ਕਾਰਡ" ਨਾਲ ਬਦਲ ਦੇਣਗੇ, ਜੋ ਵੱਡੀ ਰਕਮ ਵਾਲੇ ਵਿਦੇਸ਼ੀ ਨਿਵੇਸ਼ਕਾਂ ਨੂੰ ਅਮਰੀਕੀ ਨੌਕਰੀਆਂ ਪੈਦਾ ਕਰਨ ਜਾਂ ਸੁਰੱਖਿਅਤ ਰੱਖਣ ਲਈ ਸਥਾਈ ਨਿਵਾਸੀ ਬਣਨ ਦੀ ਆਗਿਆ ਦਿੰਦਾ ਹੈ।

EB-5 ਪ੍ਰੋਗਰਾਮ ਅਮਰੀਕੀ ਕਾਰੋਬਾਰਾਂ ਵਿੱਚ ਨਿਵੇਸ਼ ਕਰਨ ਦਾ ਵਾਅਦਾ ਕਰਨ ਵਾਲੇ ਵਿਦੇਸ਼ੀਆਂ ਨੂੰ "ਗ੍ਰੀਨ ਕਾਰਡ" ਦਿੰਦਾ ਹੈ।

"ਅਸੀਂ ਇੱਕ ਗੋਲਡ ਕਾਰਡ ਵੇਚਣ ਜਾ ਰਹੇ ਹਾਂ...ਅਸੀਂ ਉਸ ਕਾਰਡ ਦੀ ਕੀਮਤ ਲਗਭਗ $5 ਮਿਲੀਅਨ ਰੱਖਣ ਜਾ ਰਹੇ ਹਾਂ," ਟਰੰਪ ਨੇ ਕਿਹਾ।

ਉਸਨੇ ਅੱਗੇ ਕਿਹਾ "ਇਹ ਤੁਹਾਨੂੰ ਗ੍ਰੀਨ ਕਾਰਡ ਦੇ ਵਿਸ਼ੇਸ਼ ਅਧਿਕਾਰ ਦੇਵੇਗਾ ਅਤੇ ਨਾਲ ਹੀ ਇਹ (ਅਮਰੀਕੀ) ਨਾਗਰਿਕਤਾ ਪ੍ਰਾਪਤ ਕਰਨ ਦਾ ਇੱਕ ਰਸਤਾ ਵੀ ਹੋਵੇਗਾ, ਅਤੇ ਅਮੀਰ ਲੋਕ ਇਸ ਕਾਰਡ ਨੂੰ ਖਰੀਦ ਕੇ ਸਾਡੇ ਦੇਸ਼ ਵਿੱਚ ਆਉਣਗੇ," ।