ਰੇਲ ਹਾਦਸਾ: 11 ਡੱਬੇ ਪਟੜੀ ਤੋਂ ਉਤਰੇ, 30 ਤੋਂ ਵੱਧ ਟਰੇਨਾਂ ਰੱਦ

ਗਾਜ਼ੀਆਬਾਦ : ਤੇਲੰਗਾਨਾ ਦੇ ਪੇਡਾਪੱਲੀ ਜ਼ਿਲ੍ਹੇ 'ਚ ਅੱਜ ਰੇਲ ਹਾਦਸਾ ਵਾਪਰ ਗਿਆ। ਰਾਘਵਪੁਰਮ ਅਤੇ ਰਾਮਗੁੰਡਮ ਵਿਚਕਾਰ ਰੇਲ ਪਟੜੀ ਤੋਂ ਇੱਕ ਮਾਲ ਗੱਡੀ ਪਟੜੀ ਤੋਂ ਉਤਰ ਗਈ। ਇਸ 44 ਵੈਗਨ ਟਰੇਨ ਦੇ 11 ਡੱਬੇ ਪਟੜੀ ਤੋਂ ਉਤਰ ਗਏ ਅਤੇ ਪਲਟ ਗਏ। ਇਹ ਰੇਲ ਗੱਡੀ ਲੋਹੇ ਨੂੰ ਲੈ ਕੇ ਗਾਜ਼ੀਆਬਾਦ ਤੋਂ ਕਾਜ਼ੀਪੇਟ ਜਾ ਰਹੀ ਸੀ।

ਹਾਦਸਾ ਬੀਤੀ ਰਾਤ ਵਾਪਰਿਆ, ਜਿਸ ਦੀ ਜਾਣਕਾਰੀ ਅੱਜ ਸਵੇਰੇ ਸਾਹਮਣੇ ਆਈ। ਰੇਲ ਗੱਡੀ ਦੇ ਪਟੜੀ ਤੋਂ ਉਤਰਨ ਕਾਰਨ ਰੇਲ ਰੂਟ ਵਿੱਚ ਵਿਘਨ ਪਿਆ ਹੈ, ਇਸ ਲਈ ਰੇਲਵੇ ਨੇ ਰੂਟ 'ਤੇ ਚੱਲਣ ਵਾਲੀਆਂ 30 ਤੋਂ ਵੱਧ ਟਰੇਨਾਂ ਨੂੰ ਰੱਦ ਕਰ ਦਿੱਤਾ ਹੈ। ਕਈ ਟਰੇਨਾਂ ਦੇ ਰੂਟ ਬਦਲ ਦਿੱਤੇ ਗਏ ਹਨ।