TikTok ਅਮਰੀਕਾ ਵਿੱਚ ਦੁਬਾਰਾ ਲਾਂਚ ਹੋਣ ਵਾਲਾ ਹੈ

ਡੋਨਾਲਡ ਟਰੰਪ ਦੀ ਵਾਪਸੀ ਨਾਲ TikTok ਨੂੰ ਅਮਰੀਕਾ ਵਿੱਚ ਵਾਪਸ ਲਾਂਚ ਹੋਣ ਦੀ ਇਜਾਜ਼ਤ ਮਿਲ ਗਈ।

TikTok ਨੇ 170 ਮਿਲੀਅਨ ਉਪਭੋਗਤਾਵਾਂ ਅਤੇ 7 ਮਿਲੀਅਨ ਛੋਟੇ ਕਾਰੋਬਾਰਾਂ ਲਈ ਸੇਵਾਵਾਂ ਮੁੜ ਸ਼ੁਰੂ ਕਰਨ ਦੀ ਘੋਸ਼ਣਾ ਕੀਤੀ।

ਕੰਪਨੀ ਨੇ ਟਰੰਪ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਹੁਣ ਕਿਸੇ ਜ਼ੁਰਮਾਨੇ ਦੀ ਚਿੰਤਾ ਨਹੀਂ ਰਹੇਗੀ।

ਐਪ ਸਟੋਰਾਂ 'ਤੇ ਮੁੜ ਉਪਲਬਧ

Apple ਅਤੇ Google ਨੇ ਪਹਿਲਾਂ TikTok ਨੂੰ ਹਟਾ ਦਿੱਤਾ ਸੀ, ਪਰ ਹੁਣ ਇਹ ਦੁਬਾਰਾ ਐਪ ਸਟੋਰਾਂ 'ਤੇ ਆ ਗਿਆ।

ਉਪਭੋਗਤਾਵਾਂ ਨੂੰ ਨਵਾਂ ਐਪ ਡਾਊਨਲੋਡ ਕਰਨ ਦੀ ਸਲਾਹ ਦਿੱਤੀ ਜਾ ਰਹੀ ਹੈ।

ਟਰੰਪ ਨੇ ਕੰਪਨੀਆਂ ਨੂੰ TikTok 'ਤੇ ਦਬਾਅ ਨਾ ਪਾਉਣ ਲਈ ਕਿਹਾ।

ਟਰੰਪ ਦਾ ਨਵਾਂ ਕਾਰਜਕਾਰੀ ਹੁਕਮ

ਸੋਮਵਾਰ ਨੂੰ ਟਰੰਪ ਇੱਕ ਕਾਰਜਕਾਰੀ ਹੁਕਮ ਜਾਰੀ ਕਰਨਗੇ, ਜਿਸ ਨਾਲ ਪਾਬੰਦੀਆਂ ਲਈ ਸਮਾਂ ਮਿਆਦ ਵਧਾਈ ਜਾਵੇਗੀ।

ਉਨ੍ਹਾਂ ਨੇ ਕਿਹਾ ਕਿ ਨਵੇਂ ਆਦੇਸ਼ ਦੀ ਪੂਰੀ ਸੰਭਾਵਨਾ ਹੈ ਕਿ TikTok ਬੰਦ ਹੋਣ ਤੋਂ ਬਚ ਜਾਵੇ।

ਰਾਸ਼ਟਰੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ TikTok ਲਈ ਨਵੀਆਂ ਨੀਤੀਆਂ ਬਣਾਉਣ ਦਾ ਵਾਅਦਾ।

TikTok ਦੀ 50% ਮਲਕੀਅਤ

ਟਰੰਪ TikTok ਦੀ 50% ਮਲਕੀਅਤ ਅਮਰੀਕਾ ਵਿੱਚ ਹੋਣ ਦੀ ਚਾਹਤ ਰੱਖਦੇ ਹਨ।

ਉਨ੍ਹਾਂ ਮੁੜ ਦਾਅਵਾ ਕੀਤਾ ਕਿ TikTok ਦੀ ਕੀਮਤ ਬਹੁਤ ਵੱਧ ਸਕਦੀ ਹੈ, ਜੇਕਰ ਇਸ ਉੱਤੇ ਉਨ੍ਹਾਂ ਦੀ ਮਨਜ਼ੂਰੀ ਹੋਵੇ।

TikTok ਦਾ ਭਵਿੱਖ ਸੰਯੁਕਤ ਉੱਦਮ ਦੀ ਨਵੀਂ ਨੀਤੀ ਤੇ ਨਿਰਭਰ ਕਰੇਗਾ।

Biden ਸਰਕਾਰ ਦੀ ਪਾਬੰਦੀ

ਪਿਛਲੀ ਸਰਕਾਰ ਨੇ TikTok 'ਤੇ ਸੁਰੱਖਿਆ ਕਾਰਨਾਂ ਕਰਕੇ ਪਾਬੰਦੀ ਲਗਾਈ ਸੀ।

TikTok ਨੇ ਸ਼ਨੀਵਾਰ ਨੂੰ ਆਪਣੀ ਸੇਵਾ ਅਸਥਾਈ ਤੌਰ 'ਤੇ ਬੰਦ ਕਰ ਦਿੱਤੀ ਸੀ।

ਹੁਣ ਨਵੀਆਂ ਤਕਨੀਕੀ ਅਤੇ ਕਾਨੂੰਨੀ ਤਿਆਰੀਆਂ ਜਾਰੀ ਹਨ।

ਦਰਅਸਲ ਡੋਨਾਲਡ ਟਰੰਪ ਦੇ ਆਉਣ ਨਾਲ TikTok ਨੂੰ ਵੱਡੀ ਰਾਹਤ ਮਿਲੀ ਹੈ। TikTok ਅਮਰੀਕਾ ਵਿੱਚ ਦੁਬਾਰਾ ਲਾਂਚ ਹੋਣ ਵਾਲਾ ਹੈ। ਇਹ ਐਪ ਸਟੋਰਾਂ 'ਤੇ ਵਾਪਸ ਆ ਗਿਆ ਹੈ। ਕੰਪਨੀ ਨੇ ਇਸ ਲਈ ਟਰੰਪ ਦਾ ਧੰਨਵਾਦ ਕੀਤਾ ਹੈ। ਕੰਪਨੀ ਨੇ ਕਿਹਾ ਕਿ ਉਹ ਸੇਵਾ ਪ੍ਰਦਾਤਾਵਾਂ ਨਾਲ ਹੋਏ ਸਮਝੌਤੇ ਮੁਤਾਬਕ ਸੇਵਾਵਾਂ ਨੂੰ ਮੁੜ ਸ਼ੁਰੂ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਕੰਪਨੀ ਨੇ ਸੇਵਾ ਪ੍ਰਦਾਤਾਵਾਂ ਨੂੰ ਲੋੜੀਂਦੀ ਸਪੱਸ਼ਟਤਾ ਅਤੇ ਵਿਸ਼ਵਾਸ ਪ੍ਰਦਾਨ ਕਰਨ ਲਈ ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਟਰੰਪ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਕੋਲ ਹੁਣ 170 ਮਿਲੀਅਨ (17 ਕਰੋੜ) ਅਮਰੀਕੀਆਂ ਨੂੰ TikTok ਦੀ ਪੇਸ਼ਕਸ਼ ਕਰਨ ਅਤੇ 7 ਮਿਲੀਅਨ (70 ਲੱਖ) ਤੋਂ ਵੱਧ ਛੋਟੇ ਕਾਰੋਬਾਰਾਂ ਨੂੰ ਵਧਾਉਣ ਦਾ ਮੌਕਾ ਹੈ। ਕਿਸੇ ਤਰ੍ਹਾਂ ਦੇ ਜ਼ੁਰਮਾਨੇ ਦਾ ਸਾਹਮਣਾ ਨਹੀਂ ਕਰਨਾ ਪਵੇਗਾ।