ਇਨ੍ਹਾਂ ਫਿਲਮਾਂ ਦਾ ਬਾਕਸ ਆਫਿਸ 'ਤੇ ਜ਼ਬਰਦਸਤ ਮੁਕਾਬਲਾ

ਮੁੰਬਈ : ਇਨ੍ਹੀਂ ਦਿਨੀਂ ਬਾਕਸ ਆਫਿਸ 'ਤੇ ਜ਼ਬਰਦਸਤ ਮੁਕਾਬਲਾ ਚੱਲ ਰਿਹਾ ਹੈ। ਇਕ ਪਾਸੇ 'ਭੂਲ ਭੁਲਾਇਆ 3' ਅਤੇ 'ਸਿੰਘਮ ਅਗੇਨ' ਇਕ ਦੂਜੇ ਨਾਲ ਮੁਕਾਬਲਾ ਕਰ ਰਹੀਆਂ ਹਨ। ਦੂਜੇ ਪਾਸੇ ਸਾਊਥ ਸੁਪਰਸਟਾਰ ਸੂਰੀਆ ਦੀ ਫਿਲਮ ' ਕੰਗੂਵਾ ' 14 ਨਵੰਬਰ ਨੂੰ ਰਿਲੀਜ਼ ਹੋਈ ਸੀ, ਜਿਸ ਨੂੰ ਟੱਕਰ ਦੇਣ ਲਈ ਵਿਕਰਾਂਤ ਮੈਸੀ 15 ਨਵੰਬਰ ਨੂੰ ਆਪਣੀ ਫਿਲਮ 'ਦਿ ਸਾਬਰਮਤੀ ਰਿਪੋਰਟ' ਲੈ ਕੇ ਆਏ ਸਨ।

ਦੋਵਾਂ ਫਿਲਮਾਂ ਨੂੰ ਲੈ ਕੇ ਦਰਸ਼ਕਾਂ 'ਚ ਕਾਫੀ ਕ੍ਰੇਜ਼ ਦੇਖਣ ਨੂੰ ਮਿਲ ਰਿਹਾ ਹੈ। ਖਬਰਾਂ ਇਹ ਵੀ ਆਈਆਂ ਕਿ ਵਿਕਰਾਂਤ ਮੈਸੀ ਦੀ ਫਿਲਮ ਨੂੰ ਪਹਿਲੇ ਦਿਨ ਸਟੈਂਡਿੰਗ ਓਵੇਸ਼ਨ ਮਿਲੀ। ਆਓ ਜਾਣਦੇ ਹਾਂ ਬਾਕਸ ਆਫਿਸ 'ਤੇ ਕੌਣ ਕਿਸ ਨੂੰ ਪਛਾੜ ਰਿਹਾ ਹੈ?

ਸਾਊਥ ਸੁਪਰਸਟਾਰ ਸੂਰਿਆ ਦੀ ਫਿਲਮ 'ਕੰਗੂਵਾ' 14 ਨਵੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਸੀ। ਫਿਲਮ 'ਚ ਬੌਬੀ ਦਿਓਲ ਅਤੇ ਦਿਸ਼ਾ ਪਟਾਨੀ ਵੀ ਅਹਿਮ ਭੂਮਿਕਾਵਾਂ 'ਚ ਹਨ। ਫਿਲਮ ਨੇ ਸ਼ੁਰੂਆਤੀ ਦਿਨ ਕਾਫੀ ਧਮਾਲ ਮਚਾ ਦਿੱਤੀ ਸੀ ਪਰ ਰਿਲੀਜ਼ ਦੇ ਦੂਜੇ ਦਿਨ ਸੂਰਿਆ ਦੀ ਫਿਲਮ ਦੀ ਹਾਲਤ ਵਿਗੜਦੀ ਨਜ਼ਰ ਆ ਰਹੀ ਸੀ।

ਕਾਬਿਲੇਗੌਰ ਹੈ ਕਿ 'ਕੰਗੂਵਾ' ਨੂੰ ਲੈ ਕੇ ਉਮੀਦ ਸੀ ਕਿ ਇਹ ਫਿਲਮ ਰਿਲੀਜ਼ ਹੁੰਦੇ ਹੀ ਕਈ ਰਿਕਾਰਡ ਤੋੜੇਗੀ ਪਰ ਸੈਕਨੀਲਕ ਦੀ ਰਿਪੋਰਟ ਮੁਤਾਬਕ ਫਿਲਮ ਨੇ ਪਹਿਲੇ ਦਿਨ ਸਿਰਫ 24 ਕਰੋੜ ਰੁਪਏ ਹੀ ਕਮਾ ਲਏ। ਰਿਲੀਜ਼ ਦੇ ਦੂਜੇ ਦਿਨ ਫਿਲਮ ਦੀ ਕੁੱਲ ਕਮਾਈ 9 ਕਰੋੜ ਰੁਪਏ ਰਹੀ। ਦੋਵਾਂ ਦਿਨਾਂ ਦੇ ਅੰਕੜਿਆਂ ਨੂੰ ਮਿਲਾ ਕੇ ਫਿਲਮ ਦੀ ਕੁੱਲ ਕਮਾਈ 33 ਕਰੋੜ ਰੁਪਏ ਹੋ ਗਈ।

ਵਿਕਰਾਂਤ ਮੈਸੀ, ਰਾਸ਼ੀ ਖੰਨਾ ਅਤੇ ਰਿਧੀ ਡੋਗਰਾ ਦੀ ਫਿਲਮ 'ਦਿ ਸਾਬਰਮਤੀ ਰਿਪੋਰਟ' ਰਿਲੀਜ਼ ਤੋਂ ਪਹਿਲਾਂ ਹੀ ਵਿਵਾਦਾਂ 'ਚ ਘਿਰ ਗਈ ਸੀ। ਗੁਜਰਾਤ ਦੇ ਗੋਧਰਾ ਕਾਂਡ 'ਤੇ ਆਧਾਰਿਤ ਇਸ ਫਿਲਮ ਨੂੰ ਦੇਖਣ ਲਈ ਲੋਕ ਕਾਫੀ ਉਤਸ਼ਾਹਿਤ ਸਨ। ਜਦੋਂ ਇਹ ਫਿਲਮ 15 ਨਵੰਬਰ ਨੂੰ ਰਿਲੀਜ਼ ਹੋਈ ਤਾਂ ਦਰਸ਼ਕਾਂ ਨੇ ਥੀਏਟਰ ਦੀਆਂ ਸੀਟਾਂ 'ਤੇ ਖੜ੍ਹੇ ਹੋ ਕੇ ਫਿਲਮ ਨੂੰ ਖੂਬ ਤਾੜੀਆਂ ਦਿੱਤੀਆਂ, ਜਿਸ ਦੀ ਇਕ ਵੀਡੀਓ ਵੀ ਵਾਇਰਲ ਹੋਈ ਸੀ ਪਰ ਕਮਾਈ ਦੇ ਲਿਹਾਜ਼ ਨਾਲ ਫਿਲਮ ਨੇ ਪਹਿਲੇ ਦਿਨ ਹੀ ਨਿਰਾਸ਼ ਕੀਤਾ।