ਦੁਨੀਆ ਦਾ ਸਭ ਤੋਂ 450 ਸਾਲ ਤੋਂ ਵੱਧ ਪੁਰਾਣਾ ਰੁੱਖ ਅੱਗ ਦੀ ਲਪੇਟ ਵਿੱਚ

ਬਚਾਉਣ ਦੀਆਂ ਕੋਸ਼ਿਸ਼ਾਂ ਜਾਰੀ

ਅਮਰੀਕਾ ਦੇ ਓਰੇਗਨ ਰਾਜ ਵਿੱਚ ਸਥਿਤ ਇੱਕ ਇਤਿਹਾਸਕ ਡਗਲਸ ਫਰ ਟ੍ਰੀ ਨੂੰ ਅੱਗ ਲੱਗ ਗਈ ਹੈ, ਜਿਸ ਨਾਲ ਇਸਦੇ ਉਪਰਲੇ 50 ਫੁੱਟ ਤੋਂ ਵੱਧ ਹਿੱਸੇ ਸੜ ਗਏ ਹਨ। ਇਹ ਰੁੱਖ, ਜਿਸਨੂੰ ਕੋਕੁਇਲ ਟ੍ਰੀ ਜਾਂ ਡੋਰਨਰ ਫਰ ਵਜੋਂ ਵੀ ਜਾਣਿਆ ਜਾਂਦਾ ਹੈ, 450 ਸਾਲ ਤੋਂ ਵੱਧ ਪੁਰਾਣਾ ਹੈ ਅਤੇ 325 ਫੁੱਟ ਉੱਚਾ ਹੈ। ਇਹ ਦੁਨੀਆ ਦੇ ਸਭ ਤੋਂ ਉੱਚੇ ਗੈਰ-ਰੈੱਡਵੁੱਡ ਰੁੱਖਾਂ ਵਿੱਚੋਂ ਇੱਕ ਹੈ।

ਅੱਗ ਕਿਵੇਂ ਲੱਗੀ?

ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋਇਆ ਹੈ ਕਿ ਅੱਗ ਕਿਵੇਂ ਲੱਗੀ, ਪਰ ਮਾਹਰਾਂ ਦਾ ਮੰਨਣਾ ਹੈ ਕਿ ਇਹ ਬਿਜਲੀ ਡਿੱਗਣ ਕਾਰਨ ਹੋ ਸਕਦੀ ਹੈ। ਅੱਗ ਲਗਾਤਾਰ ਸੜ ਰਹੀ ਹੈ ਅਤੇ ਬੁਝਾਉਣ ਵਾਲੇ ਇਸਨੂੰ ਕਾਬੂ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।

ਬਚਾਅ ਕਾਰਜ ਅਤੇ ਚੁਣੌਤੀਆਂ

ਅੱਗ ਬੁਝਾਉਣ ਲਈ ਡਰੋਨਾਂ ਅਤੇ ਹੈਲੀਕਾਪਟਰਾਂ ਦੀ ਮਦਦ ਲਈ ਜਾ ਰਹੀ ਹੈ। ਅਧਿਕਾਰੀਆਂ ਨੇ ਅੱਗ ਬੁਝਾਉਣ ਵਾਲਿਆਂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਉਨ੍ਹਾਂ ਨੂੰ ਰੁੱਖ ਦੇ ਬਿਲਕੁਲ ਨੇੜੇ ਜਾਣ ਤੋਂ ਰੋਕਿਆ ਹੈ, ਕਿਉਂਕਿ ਇਸ ਦੀਆਂ ਵੱਡੀਆਂ ਟਾਹਣੀਆਂ ਟੁੱਟ ਕੇ ਡਿੱਗ ਰਹੀਆਂ ਹਨ। ਇਸੇ ਕਾਰਨ ਲੋਕਾਂ ਦਾ ਖੇਤਰ ਵਿੱਚ ਦਾਖਲਾ ਵੀ ਬੰਦ ਕਰ ਦਿੱਤਾ ਗਿਆ ਹੈ। ਓਰੇਗਨ ਦੇ ਲੋਕ ਚਿੰਤਤ ਹਨ ਕਿ ਉਨ੍ਹਾਂ ਦੀ ਸੈਂਕੜੇ ਸਾਲ ਪੁਰਾਣੀ ਵਿਰਾਸਤ ਬਚੇਗੀ ਜਾਂ ਨਹੀਂ।

ਰੁੱਖ ਦੀ ਖਾਸੀਅਤ

ਡੋਰਨਰ ਫਰ ਰੁੱਖ ਦਾ ਤਣਾ 11.5 ਫੁੱਟ ਚੌੜਾ ਹੈ ਅਤੇ ਇਹ ਕੋਸਟ ਰੇਂਜ ਪਹਾੜਾਂ ਵਿੱਚ ਸਥਿਤ ਹੈ, ਜਿੱਥੇ ਵੱਡੀ ਗਿਣਤੀ ਵਿੱਚ ਸੈਲਾਨੀ ਹਾਈਕਿੰਗ ਲਈ ਆਉਂਦੇ ਹਨ। ਇਸ ਰੁੱਖ ਨੂੰ ਬਚਾਉਣ ਲਈ ਹਰ ਸੰਭਵ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।