Navy ਦੇ ਜੰਗੀ ਜਹਾਜ਼ਾਂ ‘ਤੇ ਤੈਨਾਤ MiG-29K ਦੇ Sub-systems ਹੁਣ India ਵਿੱਚ ਤਿਆਰ ਕੀਤੇ ਜਾਣਗੇ

ਨਵੀਂ ਦਿੱਲੀ, 11 ਅਪ੍ਰੈਲ : ਭਾਰਤ ਨੇ ਰੱਖਿਆ ਖੇਤਰ ਵਿੱਚ ਆਤਮਨਿਰਭਰਤਾ ਨੂੰ ਮਜ਼ਬੂਤ ਕਰਨ ਵੱਲ ਇੱਕ ਵੱਡਾ ਕਦਮ ਚੁੱਕਿਆ ਹੈ। ਭਾਰਤੀ ਨੌਸੈਨਾ ਨੇ ਸਵਦੇਸ਼ੀਕਰਨ ਨੂੰ ਉਤਸ਼ਾਹਿਤ ਕਰਦੇ ਹੋਏ ਦੇਸ਼ ਦੀਆਂ ਕੰਪਨੀਆਂ ਨੂੰ ਰੂਸੀ ਮੂਲ ਦੇ MiG-29K ਲੜਾਕੂ ਜਹਾਜ਼ਾਂ ਲਈ ਲੋੜੀਂਦੇ ਸਬ-ਸਿਸਟਮ ਤਿਆਰ ਕਰਨ ਲਈ ਸੱਦਾ ਦਿੱਤਾ ਹੈ। ਭਾਰਤੀ ਨੌਸੈਨਾ ਨੇ ਦੇਸ਼ ਦੀਆਂ ਪ੍ਰਮੁੱਖ ਕੰਪਨੀਆਂ ਤੋਂ ਜਾਣਕਾਰੀ ਦੀ ਮੰਗ (RFI) ਜਾਰੀ ਕੀਤੀ ਹੈ। ਇਸ ਦਾ ਉਦੇਸ਼ MiG-29K/KUB ਜਹਾਜ਼ਾਂ ਲਈ ਮਹੱਤਵਪੂਰਨ ਉਪ-ਪ੍ਰਣਾਲੀਆਂ ਦਾ ਸਵਦੇਸ਼ੀ ਡਿਜ਼ਾਇਨ ਅਤੇ ਵਿਕਾਸ ਕਰਨਾ ਹੈ, ਤਾਂ ਜੋ ਵਿਦੇਸ਼ੀ ਨਿਰਭਰਤਾ ਘਟਾਈ ਜਾ ਸਕੇ।

ਸਬ-ਸਿਸਟਮ ਕੀ ਹੁੰਦੇ ਹਨ?

ਸਬ-ਸਿਸਟਮ ਕਿਸੇ ਵੀ ਵੱਡੇ ਸਿਸਟਮ ਦਾ ਮਹੱਤਵਪੂਰਨ ਹਿੱਸਾ ਹੁੰਦੇ ਹਨ, ਜੋ ਉਸਦੀ ਕਾਰਗੁਜ਼ਾਰੀ ਨੂੰ ਸੁਚਾਰੂ ਬਣਾਉਂਦੇ ਹਨ। ਉਦਾਹਰਨ ਵਜੋਂ, ਕੰਪਿਊਟਰ ਨੂੰ ਠੰਢਾ ਰੱਖਣ ਵਾਲਾ ਕੂਲਿੰਗ ਸਿਸਟਮ ਵੀ ਇੱਕ ਸਬ-ਸਿਸਟਮ ਹੁੰਦਾ ਹੈ, ਜੋ ਮੁੱਖ ਪ੍ਰਣਾਲੀ ਦੀ ਕਾਰਗੁਜ਼ਾਰੀ ਬਣਾਈ ਰੱਖਣ ਵਿੱਚ ਮਦਦ ਕਰਦਾ ਹੈ। MiG-29K ਇੱਕ ਅਧੁਨਿਕ ਸੁਪਰਸੋਨਿਕ ਮਲਟੀ-ਰੋਲ ਲੜਾਕੂ ਜਹਾਜ਼ ਹੈ, ਜਿਸਨੂੰ ਹਰ ਮੌਸਮ ਵਿੱਚ ਓਪਰੇਸ਼ਨ ਲਈ ਡਿਜ਼ਾਇਨ ਕੀਤਾ ਗਿਆ ਹੈ। ਇਹ ਭਾਰਤੀ ਨੌਸੈਨਾ ਲਈ ਇੱਕ ਮਹੱਤਵਪੂਰਨ ਕੈਰੀਅਰ-ਅਧਾਰਿਤ ਸਟਰਾਈਕ ਫਾਈਟਰ ਹੈ।

ਵਿਮਾਨਵਾਹਕ ਪੋਤਾਂ ‘ਤੇ ਤੈਨਾਤੀ

ਇਹ ਲੜਾਕੂ ਜਹਾਜ਼ INS ਵਿਕ੍ਰਮਾਦਿਤਿਆ ਅਤੇ INS ਵਿਕਰਾਂਤ ਵਰਗੇ ਵਿਮਾਨਵਾਹਕ ਪੋਤਾਂ ‘ਤੇ ਤੈਨਾਤ ਹੈ, ਜਿੱਥੋਂ ਇਹ ਹਵਾਈ ਵਚਸਵ, ਸਮੁੰਦਰੀ ਹਮਲੇ ਅਤੇ ਦੁਸ਼ਮਣ ਦੀਆਂ ਗਤੀਵਿਧੀਆਂ ‘ਤੇ ਨਜ਼ਰ ਰੱਖਣ ਦਾ ਕੰਮ ਕਰਦਾ ਹੈ। ਨੌਸੈਨਾ ਨੇ ਕੰਪਨੀਆਂ ਨੂੰ ‘ਗ੍ਰਾਊਂਡ ਆਟੋਮੇਟਿਡ ਟੈਸਟ ਸਿਸਟਮ (NASK 1-29K)’ ਅਤੇ ‘ਕੈਰੀਅਰ-ਅਧਾਰਿਤ ਆਟੋਮੇਟਿਡ ਟੈਸਟ ਸਿਸਟਮ (KSAK 1-29K)’ ਦੇ ਵਿਕਾਸ ਲਈ ਸੱਦਾ ਦਿੱਤਾ ਹੈ। ਇਹ ਸਿਸਟਮ ਜਹਾਜ਼ਾਂ ਦੀ ਜਾਂਚ ਅਤੇ ਰਖਰਖਾਅ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ।

ਆਤਮਨਿਰਭਰ ਭਾਰਤ ਵੱਲ ਵੱਡਾ ਕਦਮ

ਇਸ ਪ੍ਰੋਜੈਕਟ ਵਿੱਚ ਉਹਨਾਂ ਕੰਪਨੀਆਂ ਨੂੰ ਤਰਜੀਹ ਦਿੱਤੀ ਜਾਵੇਗੀ, ਜਿਨ੍ਹਾਂ ਕੋਲ ਮਜ਼ਬੂਤ ਤਕਨੀਕੀ ਸਮਰੱਥਾ, ਪੂਰਾ ਢਾਂਚਾ ਅਤੇ ਆਰਥਿਕ ਸਰੋਤ ਹਨ। ਇਹ ਪਹਲ ਨਾ ਸਿਰਫ਼ ਰੱਖਿਆ ਖੇਤਰ ਵਿੱਚ ਸਵਦੇਸ਼ੀ ਤਕਨਾਲੋਜੀ ਨੂੰ ਉਤਸ਼ਾਹਿਤ ਕਰੇਗੀ, ਬਲਕਿ ਭਾਰਤ ਦੀ ਰਣਨੀਤਿਕ ਸਮਰੱਥਾ ਨੂੰ ਵੀ ਮਜ਼ਬੂਤ ਕਰੇਗੀ। ਇਸ ਨਾਲ ‘ਆਤਮਨਿਰਭਰ ਭਾਰਤ’ ਮੁਹਿੰਮ ਨੂੰ ਨਵੀਂ ਰਫ਼ਤਾਰ ਮਿਲਣ ਦੀ ਉਮੀਦ ਹੈ।