ਐਲਨ ਮਸਕ 'ਤੇ ਹੈਰਾਨ ਕਰਨ ਵਾਲਾ ਦਾਅਵਾ, ਧੀ ਨੇ ਕਰ ਦਿੱਤਾ ਵੱਡਾ ਖੁਲਾਸਾ

ਵਾਸ਼ਿੰਗਟਨ:

ਐਕਸ (ਪਹਿਲਾਂ ਟਵਿੱਟਰ) ਦੇ ਸੰਸਥਾਪਕ ਅਤੇ ਟੈਸਲਾ-ਸਪੇਸਐਕਸ ਦੇ ਸੀਈਓ ਐਲੋਨ ਮਸਕ ਇੱਕ ਵਾਰ ਫਿਰ ਚਰਚਾ ਵਿੱਚ ਹਨ। ਉਨ੍ਹਾਂ ਦੀ ਧੀ ਵਿਵੀਅਨ ਜੇਨਾ ਵਿਲਸਨ ਨੇ ਐਲੋਨ ਮਸਕ 'ਤੇ ਇੱਕ ਚੌਕਾਉਣ ਵਾਲਾ ਦਾਅਵਾ ਕੀਤਾ ਹੈ। ਵਿਵੀਅਨ ਦਾ ਕਹਿਣਾ ਹੈ ਕਿ ਐਲੋਨ ਮਸਕ ਪੁੱਤਰ ਪੈਦਾ ਕਰਨ ਦੀ ਇੱਛਾ ਰੱਖਦੇ ਹਨ ਅਤੇ ਇਸੇ ਕਰਕੇ IVF (ਇਨ ਵਿਟਰੋ ਫਰਟੀਲਾਈਜ਼ੇਸ਼ਨ) ਤਕਨੀਕ ਦੀ ਵਰਤੋਂ ਕਰਦੇ ਹਨ।

ਵਿਵੀਅਨ ਦਾ ਦਾਅਵਾ – ਲਿੰਗ ਚੋਣ ਲਈ ਭੁਗਤਾਨ

ਰਿਪੋਰਟ ਅਨੁਸਾਰ, ਵਿਵੀਅਨ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਥ੍ਰੈਡਸ 'ਤੇ ਪੋਸਟ ਕਰਕੇ ਦੱਸਿਆ ਕਿ ਮਸਕ ਨੇ IVF ਰਾਹੀਂ ਲਿੰਗ ਚੋਣ ਲਈ ਪੈਸਾ ਦਿੱਤਾ। ਵਿਵੀਅਨ ਦਾ ਕਹਿਣਾ ਹੈ ਕਿ "ਮਸਕ ਲਈ ਲਿੰਗ ਸਿਰਫ਼ ਇੱਕ ਚੀਜ਼ ਹੈ, ਜਿਸਨੂੰ ਖਰੀਦਿਆ ਜਾਂਦਾ ਅਤੇ ਭੁਗਤਾਨ ਕੀਤਾ ਜਾਂਦਾ ਹੈ।"

ਵਿਵੀਅਨ, ਜੋ ਪਹਿਲਾਂ ਜ਼ੇਵੀਅਰ ਮਸਕ ਸੀ, ਨੇ 2022 ਵਿੱਚ ਆਪਣਾ ਲਿੰਗ ਤਬਦੀਲ ਕਰਵਾਇਆ ਅਤੇ ਕਾਨੂੰਨੀ ਤੌਰ 'ਤੇ ਆਪਣਾ ਨਾਮ ਅਤੇ ਪਛਾਣ ਬਦਲ ਲਈ। ਉਸ ਨੇ ਮਸਕ ਨਾਲ ਰਿਸ਼ਤਾ ਵੀ ਤੋੜ ਲਿਆ।

ਐਲੋਨ ਮਸਕ ਦੇ 14 ਬੱਚੇ – ਵਧਦੀ ਪਰਿਵਾਰਕ ਵਿਵਾਦਨਾ

ਐਲੋਨ ਮਸਕ ਦੇ 14 ਬੱਚੇ ਹਨ, ਜੋ 3 ਵੱਖ-ਵੱਖ ਔਰਤਾਂ ਤੋਂ ਹਨ। ਉਨ੍ਹਾਂ ਦੀਆਂ ਕੁਝ ਹੋਰ ਧੀਆਂ ਹਨ:

ਅਜ਼ੁਰ ਅਤੇ ਆਰਕੇਡੀਆ – ਮਾਂ ਸ਼ੈਰਨ ਜ਼ਿਲਿਸ (ਨੀਅਰਲਿੰਕ ਕਾਰਜਕਾਰੀ)

ਐਕਸਾ ਡਾਰਕ ਸਾਈਡਰੀਅਲ – ਮਾਂ ਗ੍ਰਾਈਮਜ਼ (ਸੰਗੀਤਕਾਰ)

ਫੋਰਬਸ ਦੀ ਰਿਪੋਰਟ ਮੁਤਾਬਕ, ਮਸਕ ਦੇ 5 ਬੱਚੇ IVF ਰਾਹੀਂ ਪੈਦਾ ਹੋਏ ਹਨ ਅਤੇ ਉਨ੍ਹਾਂ ਵਿੱਚੋਂ ਸਾਰੇ ਪੁੱਤਰ ਹਨ।

ਮਸਕ ਦੀ ਚੁੱਪੀ – ਕੋਈ ਜਵਾਬ ਨਹੀਂ

ਵਿਵੀਅਨ ਦੇ ਦਾਅਵਿਆਂ 'ਤੇ ਐਲੋਨ ਮਸਕ ਵੱਲੋਂ ਕੋਈ ਸਿੱਧੀ ਟਿੱਪਣੀ ਨਹੀਂ ਕੀਤੀ ਗਈ। ਜਦਕਿ ਵਿਵਾਦ ਨੇ ਸੋਸ਼ਲ ਮੀਡੀਆ 'ਤੇ ਚਰਚਾ ਨੂੰ ਹੋਰ ਤੇਜ਼ ਕਰ ਦਿੱਤਾ ਹੈ।

IVF ਰਾਹੀਂ ਲਿੰਗ ਚੋਣ ਕਈ ਦੇਸ਼ਾਂ ਵਿੱਚ ਵਿਵਾਦਪੂਰਨ ਅਤੇ ਗੈਰ-ਕਾਨੂੰਨੀ ਹੈ, ਜਿਸਦਾ ਮਕਸਦ ਲਿੰਗ ਭੇਦਭਾਵ ਨੂੰ ਰੋਕਣਾ ਹੈ। ਭਾਰਤ, ਕੈਨੇਡਾ ਅਤੇ ਚੀਨ ਵਿੱਚ ਇਹ ਪਾਬੰਦੀ ਹੇਠ ਹੈ।