ਕੇਂਦਰ ਵਲੋਂ ਪੰਜਾਬ ਨੂੰ ਮਿਲਿਆ ਤੋਹਫ਼ਾ

ਲੋਕਾਂ ਨੂੰ ਮਿਲੇਗਾ ਫ਼ਾਇਦਾ

ਪੰਜਾਬ ਦੇ ਲੋਕਾਂ ਲਈ ਇੱਕ ਵੱਡੀ ਖ਼ਬਰ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਸ਼ਨੀਵਾਰ ਨੂੰ ਵੀਡੀਓ ਕਾਨਫਰੰਸਿੰਗ ਰਾਹੀਂ ਫਿਰੋਜ਼ਪੁਰ ਅਤੇ ਨਵੀਂ ਦਿੱਲੀ ਵਿਚਕਾਰ ਚੱਲਣ ਵਾਲੀ ਨਵੀਂ ਵੰਦੇ ਭਾਰਤ ਐਕਸਪ੍ਰੈਸ ਰੇਲਗੱਡੀ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ।

ਇਹ ਰੇਲਗੱਡੀ ਉੱਤਰੀ ਰੇਲਵੇ 'ਤੇ ਚੱਲੇਗੀ ਅਤੇ ਇਸ ਰੂਟ 'ਤੇ ਸਭ ਤੋਂ ਤੇਜ਼ ਰੇਲਗੱਡੀ ਹੋਵੇਗੀ।

⏱️ ਰੂਟ ਅਤੇ ਸਮਾਂ-ਸਾਰਣੀ

ਰੂਟ ਫਿਰੋਜ਼ਪੁਰ - ਫਰੀਦਕੋਟ - ਬਠਿੰਡਾ - ਨਵੀਂ ਦਿੱਲੀ

ਯਾਤਰਾ ਦਾ ਸਮਾਂ 6 ਘੰਟੇ 40 ਮਿੰਟ

ਟਰੇਨ ਨੰਬਰ 26461-26462

ਰੁਕਣ ਵਾਲੇ ਸਟੇਸ਼ਨ ਫਰੀਦਕੋਟ, ਬਠਿੰਡਾ, ਧੂਰੀ, ਪਟਿਆਲਾ, ਅੰਬਾਲਾ ਕੈਂਟ, ਪਾਣੀਪਤ

ਫਿਰੋਜ਼ਪੁਰ ਤੋਂ ਰਵਾਨਗੀ ਸਵੇਰੇ 7:35 ਵਜੇ

ਨਵੀਂ ਦਿੱਲੀ ਪਹੁੰਚ ਦੁਪਹਿਰ 2:35 ਵਜੇ

ਨਵੀਂ ਦਿੱਲੀ ਤੋਂ ਰਵਾਨਗੀ ਸ਼ਾਮ 4:00 ਵਜੇ

ਫਿਰੋਜ਼ਪੁਰ ਪਹੁੰਚ ਰਾਤ 10:35 ਵਜੇ

ਆਰਥਿਕ ਲਾਭ ਅਤੇ ਵਿਸਥਾਰ

ਲਾਭ: ਰੇਲਵੇ ਮੰਤਰਾਲੇ ਦਾ ਕਹਿਣਾ ਹੈ ਕਿ ਇਸ ਨਵੀਂ ਰੇਲਗੱਡੀ ਤੋਂ ਵਪਾਰ, ਸੈਰ-ਸਪਾਟਾ ਅਤੇ ਰੁਜ਼ਗਾਰ ਦੇ ਮੌਕਿਆਂ ਨੂੰ ਹੁਲਾਰਾ ਮਿਲਣ ਦੀ ਉਮੀਦ ਹੈ। ਇਸ ਨਾਲ ਸਰਹੱਦੀ ਖੇਤਰਾਂ ਦੇ ਸਮਾਜਿਕ ਅਤੇ ਆਰਥਿਕ ਵਿਕਾਸ ਵਿੱਚ ਯੋਗਦਾਨ ਪਵੇਗਾ ਅਤੇ ਰਾਸ਼ਟਰੀ ਬਾਜ਼ਾਰਾਂ ਨਾਲ ਬਿਹਤਰ ਏਕੀਕਰਨ ਨੂੰ ਉਤਸ਼ਾਹਿਤ ਹੋਵੇਗਾ।

ਹੋਰ ਵਿਸਥਾਰ: ਰੇਲਵੇ ਵਿਭਾਗ ਨੇ ਟ੍ਰੇਨ ਨੰਬਰ 22485-22486 ਨਵੀਂ ਦਿੱਲੀ - ਮੋਗਾ ਇੰਟਰਸਿਟੀ ਐਕਸਪ੍ਰੈਸ (ਵਾਇਆ ਲੁਧਿਆਣਾ) ਨੂੰ ਵੀ ਅੱਜ ਤੋਂ ਫਿਰੋਜ਼ਪੁਰ ਤੱਕ ਵਧਾਉਣ ਲਈ ਸਹਿਮਤੀ ਦੇ ਦਿੱਤੀ ਹੈ।