ਸਾਲ ਦਾ ਆਖਰੀ ਸੂਰਜ ਗ੍ਰਹਿਣ ਅੱਜ: ਸਮਾਂ ਅਤੇ ਸਥਾਨ

ਅੱਜ, 21 ਸਤੰਬਰ 2025 ਨੂੰ, ਸਾਲ ਦਾ ਆਖਰੀ ਅੰਸ਼ਕ ਸੂਰਜ ਗ੍ਰਹਿਣ ਲੱਗ ਰਿਹਾ ਹੈ। ਇਹ ਖਗੋਲੀ ਘਟਨਾ ਪਿਤ੍ਰੂ ਪੱਖ ਦੀ ਅਮਾਵਸਿਆ ਦੇ ਦਿਨ ਵਾਪਰ ਰਹੀ ਹੈ।

ਗ੍ਰਹਿਣ ਦਾ ਸਮਾਂ ਅਤੇ ਭਾਰਤ 'ਤੇ ਪ੍ਰਭਾਵ

ਸ਼ੁਰੂ ਹੋਣ ਦਾ ਸਮਾਂ: ਭਾਰਤੀ ਸਮੇਂ ਅਨੁਸਾਰ ਇਹ ਗ੍ਰਹਿਣ ਅੱਜ ਰਾਤ 11:00 ਵਜੇ ਸ਼ੁਰੂ ਹੋਵੇਗਾ।

ਖ਼ਤਮ ਹੋਣ ਦਾ ਸਮਾਂ: ਇਹ ਕੱਲ੍ਹ, 22 ਸਤੰਬਰ, ਸਵੇਰੇ 3:24 ਵਜੇ ਖ਼ਤਮ ਹੋਵੇਗਾ।

ਭਾਰਤ ਵਿੱਚ ਪ੍ਰਭਾਵ: ਇਹ ਸੂਰਜ ਗ੍ਰਹਿਣ ਭਾਰਤ ਵਿੱਚ ਦਿਖਾਈ ਨਹੀਂ ਦੇਵੇਗਾ। ਇਸ ਲਈ, ਇੱਥੇ ਇਸ ਦਾ ਕੋਈ ਸੂਤਕ ਕਾਲ ਲਾਗੂ ਨਹੀਂ ਹੋਵੇਗਾ ਅਤੇ ਧਾਰਮਿਕ ਜਾਂ ਹੋਰ ਗਤੀਵਿਧੀਆਂ 'ਤੇ ਕੋਈ ਪਾਬੰਦੀ ਨਹੀਂ ਹੋਵੇਗੀ।

ਕਿੱਥੇ ਦਿਖਾਈ ਦੇਵੇਗਾ?

ਇਹ ਗ੍ਰਹਿਣ ਮੁੱਖ ਤੌਰ 'ਤੇ ਨਿਊਜ਼ੀਲੈਂਡ, ਅੰਟਾਰਕਟਿਕਾ ਅਤੇ ਦੱਖਣੀ ਪ੍ਰਸ਼ਾਂਤ ਮਹਾਂਸਾਗਰ ਦੇ ਆਲੇ-ਦੁਆਲੇ ਦੇ ਖੇਤਰਾਂ ਵਿੱਚ ਦਿਖਾਈ ਦੇਵੇਗਾ। ਸਭ ਤੋਂ ਵੱਧ ਪ੍ਰਭਾਵ ਨਿਊਜ਼ੀਲੈਂਡ ਦੇ ਦੱਖਣੀ ਸਮੁੰਦਰੀ ਇਲਾਕਿਆਂ ਵਿੱਚ ਦੇਖਿਆ ਜਾਵੇਗਾ, ਜਿੱਥੇ ਸੂਰਜ ਦਾ ਲਗਭਗ 85% ਹਿੱਸਾ ਢਕਿਆ ਜਾਵੇਗਾ।

ਇਸ ਤੋਂ ਇਲਾਵਾ, ਨਿਊਜ਼ੀਲੈਂਡ ਦੇ ਆਕਲੈਂਡ ਅਤੇ ਵੈਲਿੰਗਟਨ, ਅਤੇ ਆਸਟ੍ਰੇਲੀਆ ਦੇ ਸਿਡਨੀ, ਕ੍ਰਾਈਸਟਚਰਚ ਤੇ ਹੋਬਾਰਟ ਵਰਗੇ ਸ਼ਹਿਰਾਂ ਵਿੱਚ ਵੀ ਅੰਸ਼ਕ ਗ੍ਰਹਿਣ ਦਿਖਾਈ ਦੇਵੇਗਾ। ਏਸ਼ੀਆ, ਅਫਰੀਕਾ, ਯੂਰਪ, ਅਤੇ ਅਮਰੀਕਾ ਦੇ ਜ਼ਿਆਦਾਤਰ ਹਿੱਸਿਆਂ ਵਿੱਚ ਇਹ ਗ੍ਰਹਿਣ ਨਜ਼ਰ ਨਹੀਂ ਆਵੇਗਾ।