IPL 2025: ਪੰਜਾਬ ਕਿੰਗਜ਼ ਨੂੰ ਵੱਡਾ ਝਟਕਾ

ਲਾਕੀ ਫਰਗੂਸਨ ਟੂਰਨਾਮੈਂਟ ਤੋਂ ਬਾਹਰ

ਆਈਪੀਐਲ 2025 ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੀ ਪੰਜਾਬ ਕਿੰਗਜ਼ ਨੂੰ ਵੱਡਾ ਝਟਕਾ ਲੱਗਾ ਹੈ। ਟੀਮ ਦੇ ਮੁੱਖ ਤੇਜ਼ ਗੇਂਦਬਾਜ਼ ਲਾਕੀ ਫਰਗੂਸਨ ਸੱਟ ਕਾਰਨ ਟੂਰਨਾਮੈਂਟ ਤੋਂ ਬਾਹਰ ਹੋ ਗਏ ਹਨ। ਫਰਗੂਸਨ ਦੀ ਗੈਰਹਾਜ਼ਰੀ ਕਪਤਾਨ ਸ਼੍ਰੇਅਸ ਅਅੱਯਰ ਦੀ ਅਗਵਾਈ ਹੇਠ ਖੇਡ ਰਹੀ ਟੀਮ ਲਈ ਗੰਭੀਰ ਚਿੰਤਾ ਦਾ ਵਿਸ਼ਾ ਬਣੀ ਹੋਈ ਹੈ।

ਜ਼ਖਮੀ ਮੋਢਾ

ਫਰਗੂਸਨ ਸਨਰਾਈਜ਼ਰਜ਼ ਹੈਦਰਾਬਾਦ ਵਿਰੁੱਧ ਮੈਚ ਦੌਰਾਨ ਜ਼ਖਮੀ ਹੋਏ। ਛੇਵੇਂ ਓਵਰ ਦੀ ਦੂਜੀ ਗੇਂਦ ਸੁੱਟਣ ਤੋਂ ਬਾਅਦ, ਉਹ ਖੱਬੇ ਪੈਰ ਦੇ ਕਮਰ ਹਿੱਸੇ ਵਿੱਚ ਦਰਦ ਕਾਰਨ ਗੇਂਦਬਾਜ਼ੀ ਛੱਡ ਕੇ ਫਿਲਡ਼ ਤੋਂ ਬਾਹਰ ਚਲੇ ਗਏ। ਫਿਜ਼ੀਓ ਨਾਲ ਸਲਾਹ-ਮਸ਼ਵਰਾ ਕਰਨ ਉਪਰੰਤ ਉਹ ਵਾਪਸ ਮੈਦਾਨ 'ਚ ਨਹੀਂ ਲੋਟੇ। ਇਸ ਮੈਚ ਵਿੱਚ ਹੈਦਰਾਬਾਦ ਨੇ ਆਈਪੀਐਲ ਇਤਿਹਾਸ ਦੀ ਦੂਜੀ ਸਭ ਤੋਂ ਵੱਡੀ ਦੌੜ ਪਿੱਛੇ ਕਰਦਿਆਂ ਅੱਠ ਵਿਕਟਾਂ ਨਾਲ ਜਿੱਤ ਦਰਜ ਕੀਤੀ।

ਪੰਜਾਬ ਕੋਲ ਕਿਹੜੇ ਵਿਕਲਪ ਹਨ?

ਫਰਗੂਸਨ ਦੀ ਜਗ੍ਹਾ ਭਰਨ ਲਈ ਪੰਜਾਬ ਕਿੰਗਜ਼ ਕੋਲ ਕੁਝ ਵਿਕਲਪ ਮੌਜੂਦ ਹਨ:

ਜ਼ੇਵੀਅਰ ਬਾਰਟਲੇਟ (ਆਸਟ੍ਰੇਲੀਆ) – ਤੇਜ਼ ਗੇਂਦਬਾਜ਼ ਜਿਸਦੇ ਕੋਲ ਪੇਸ ਤੇ ਲਾਈਨ ਦਾ ਵਧੀਆ ਸੰਯੋਗ ਹੈ।

ਅਜ਼ਮਤੁੱਲਾ ਉਮਰਜ਼ਈ (ਅਫਗਾਨਿਸਤਾਨ) – ਇੱਕ ਆਲਰਾਊਂਡਰ ਜੋ ਗੇਂਦ ਅਤੇ ਬੱਲੇ ਨਾਲ ਯੋਗਦਾਨ ਦੇ ਸਕਦਾ ਹੈ।

ਵਿਜੇ ਕੁਮਾਰ ਵੈਸ਼ਾਖ (ਭਾਰਤ) – ਇਸ ਸੀਜ਼ਨ ਵਿੱਚ ਹਾਲੇ ਤੱਕ ਸਿਰਫ਼ ਇੱਕ ਮੈਚ ਖੇਡਿਆ ਹੈ ਪਰ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਕੀਤਾ।

ਸੱਟਾਂ ਨਾਲ ਲਗਾਤਾਰ ਸੰਘਰਸ਼

ਫਰਗੂਸਨ ਦੀ ਇਹ ਤੀਜੀ ਵੱਡੀ ਸੱਟ ਹੈ ਜੋ ਨਵੰਬਰ 2024 ਤੋਂ ਬਾਅਦ ਸਾਹਮਣੇ ਆਈ ਹੈ। ਫਰਵਰੀ 2025 ਵਿੱਚ UAE ਵਿੱਚ ਖੇਡੀ ILT20 ਲੀਗ ਦੌਰਾਨ ਉਹ ਹੈਮਸਟ੍ਰਿੰਗ ਦੀ ਸੱਟ ਕਾਰਨ ਆਈਸੀਸੀ ਚੈਂਪੀਅਨਜ਼ ਟਰਾਫੀ ਤੋਂ ਬਾਹਰ ਹੋ ਗਿਆ ਸੀ। ਇਸ ਤੋਂ ਪਹਿਲਾਂ, ਉਹ ਸ਼੍ਰੀਲੰਕਾ ਵਿਰੁੱਧ ਵਨਡੇ ਸੀਰੀਜ਼ ਵਿੱਚ ਪੱਠੇ ਦੀ ਸੱਟ ਕਾਰਨ ਨਹੀਂ ਖੇਡ ਸਕਿਆ।

ਪੰਜਾਬ ਦੀ ਗੇਂਦਬਾਜ਼ੀ ਲਾਈਨਅਪ ਉੱਤੇ ਅਸਰ

ਪੰਜਾਬ ਦੀ ਟੀਮ, ਜਿਸਨੇ ਹੁਣ ਤੱਕ ਆਪਣੇ ਪੰਜ ਮੈਚਾਂ ਵਿੱਚੋਂ ਚਾਰ ਵਿੱਚ 200 ਤੋਂ ਵੱਧ ਦੌੜਾਂ ਦਿੰਦੀਆਂ ਹਨ, ਲਾਕੀ ਫਰਗੂਸਨ ਦੀ ਗੈਰਹਾਜ਼ਰੀ 'ਚ ਹੋਰ ਮੁਸ਼ਕਿਲ ਵਿੱਚ ਫਸ ਸਕਦੀ ਹੈ। ਉਨ੍ਹਾਂ ਦੀ ਉਪਸਥਿਤੀ ਗੇਂਦਬਾਜ਼ੀ ਹਮਲੇ ਦੀ ਰੀੜ੍ਹ ਦੀ ਹੱਡੀ ਸੀ।