ਪੰਜਾਬ ਦੇ 9 ਜ਼ਿਲ੍ਹਿਆਂ ਵਿੱਚ ਹੀਟਵੇਵ ਚੇਤਾਵਨੀ

 ਤਾਪਮਾਨ 43.5 ਡਿਗਰੀ ਤੱਕ: 18 ਮਈ ਤੋਂ ਰਾਹਤ, 19 ਨੂੰ ਮੀਂਹ ਦੀ ਸੰਭਾਵਨਾ

ਅੱਜ ਪੰਜਾਬ ਦੇ ਨੌਂ ਜ਼ਿਲ੍ਹਿਆਂ ਵਿੱਚ ਭਾਰੀ ਗਰਮੀ ਦੀ ਲਹਿਰ ਨੂੰ ਲੈ ਕੇ ਪੀਲਾ ਅਲਰਟ ਜਾਰੀ ਕੀਤਾ ਗਿਆ ਹੈ। ਭਾਰਤੀ ਮੌਸਮ ਵਿਭਾਗ (IMD) ਦੇ ਤਾਜ਼ਾ ਅੰਕੜਿਆਂ ਅਨੁਸਾਰ, ਸੂਬੇ ਵਿੱਚ ਤਾਪਮਾਨ ਆਮ ਤੌਰ 'ਤੇ 2.9 ਡਿਗਰੀ ਸੈਲਸੀਅਸ ਵੱਧ ਰਿਕਾਰਡ ਕੀਤਾ ਗਿਆ ਹੈ, ਜਿਸ ਕਾਰਨ ਹੀਟਵੇਵ ਦੀ ਸਥਿਤੀ ਬਣੀ ਹੋਈ ਹੈ।

ਸਭ ਤੋਂ ਉੱਚਾ ਤਾਪਮਾਨ ਬਠਿੰਡਾ 'ਚ

ਬਠਿੰਡਾ ਵਿੱਚ ਤਾਪਮਾਨ 43.5°C ਤੱਕ ਪਹੁੰਚ ਗਿਆ, ਜੋ ਸੂਬੇ ਵਿੱਚ ਸਭ ਤੋਂ ਵੱਧ ਰਿਕਾਰਡ ਕੀਤਾ ਗਿਆ ਹੈ। ਹੋਰ ਸ਼ਹਿਰਾਂ ਦੇ ਅੰਕੜੇ ਹੇਠ ਲਿਖੇ ਹਨ:

ਚੰਡੀਗੜ੍ਹ – 41.7°C

ਅੰਮ੍ਰਿਤਸਰ – 41.2°C

ਲੁਧਿਆਣਾ – 41.8°C

ਪਟਿਆਲਾ – 41.4°C

ਪਿਛਲੇ 24 ਘੰਟਿਆਂ ਵਿੱਚ ਜ਼ਿਆਦਾਤਰ ਸਟੇਸ਼ਨਾਂ ਤੇ ਤਾਪਮਾਨ ਵਿੱਚ 0.5°C ਤੋਂ 1.5°C ਤੱਕ ਵਾਧਾ ਦਰਜ ਹੋਇਆ ਹੈ।

ਕਿਹੜੇ ਜ਼ਿਲ੍ਹਿਆਂ ਲਈ ਜਾਰੀ ਹੋਇਆ ਅਲਰਟ?

IMD ਵੱਲੋਂ ਜਿਹਨਾਂ 9 ਜ਼ਿਲ੍ਹਿਆਂ ਵਿੱਚ ਹੀਟਵੇਵ ਦੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ, ਉਹ ਹਨ:

ਫਾਜ਼ਿਲਕਾ

ਫਿਰੋਜ਼ਪੁਰ

ਫਰੀਦਕੋਟ

ਮੁਕਤਸਰ

ਬਠਿੰਡਾ

ਪਟਿਆਲਾ

ਮੋਹਾਲੀ

ਫਤਿਹਗੜ੍ਹ ਸਾਹਿਬ

ਮਾਨਸਾ

ਸੰਗਰੂਰ ਅਤੇ ਪਟਿਆਲਾ ਵਿੱਚ ਕੱਲ੍ਹ ਵੀ ਗਰਮੀ ਦੀ ਲਹਿਰ ਜਾਰੀ ਰਹੇਗੀ। ਉੱਤਰੀ ਪੰਜਾਬ ਇਸ ਤੋਂ ਪ੍ਰਭਾਵਿਤ ਨਹੀਂ ਹੋਵੇਗਾ।

ਅਗਲੇ ਦਿਨਾਂ ਦਾ ਮੌਸਮ – ਰਾਹਤ ਅਤੇ ਮੀਂਹ

17 ਮਈ: ਉੱਤਰੀ ਅਤੇ ਮੱਧ ਪੰਜਾਬ ਵਿੱਚ ਮੌਸਮ ਆਮ ਰਹੇਗਾ, ਪਰ ਦੱਖਣੀ ਹਿੱਸਿਆਂ ਵਿੱਚ ਗਰਮੀ ਜਾਰੀ ਰਹੇਗੀ।

18 ਮਈ: ਸੂਬੇ ਭਰ ਵਿੱਚ ਗਰਮੀ ਤੋਂ ਰਾਹਤ ਮਿਲਣ ਦੀ ਸੰਭਾਵਨਾ ਹੈ।

19 ਮਈ: ਉੱਤਰ-ਪੱਛਮੀ ਪੰਜਾਬ ਵਿੱਚ ਗਰਜਾਂ, ਬਿਜਲੀ ਅਤੇ ਮੀਂਹ ਦੀ ਸੰਭਾਵਨਾ ਜਤਾਈ ਗਈ ਹੈ।

ਅੱਜ ਦੇ ਮੁੱਖ ਤਾਪਮਾਨ: ਸ਼ਹਿਰਾਂ ਦੀ ਸਥਿਤੀ

ਅੰਮ੍ਰਿਤਸਰ – ਅਸਮਾਨ ਸਾਫ਼; ਤਾਪਮਾਨ: 25°C ਤੋਂ 42°C

ਜਲੰਧਰ – ਅਸਮਾਨ ਸਾਫ਼; ਤਾਪਮਾਨ: 23°C ਤੋਂ 40°C

ਲੁਧਿਆਣਾ – ਅਸਮਾਨ ਸਾਫ਼; ਤਾਪਮਾਨ: 24°C ਤੋਂ 42°C

ਪਟਿਆਲਾ – ਅਸਮਾਨ ਸਾਫ਼; ਤਾਪਮਾਨ: 25°C ਤੋਂ 43°C

ਮੋਹਾਲੀ – ਅਸਮਾਨ ਸਾਫ਼; ਤਾਪਮਾਨ: 25°C ਤੋਂ 41°C

ਸਾਵਧਾਨੀ ਦੀ ਲੋੜ

ਮੌਸਮ ਵਿਭਾਗ ਵੱਲੋਂ ਜਨਤਾ ਨੂੰ ਸੂਚਿਤ ਕੀਤਾ ਗਿਆ ਹੈ ਕਿ ਸੂਰਜ ਦੀ ਸਿੱਧੀ ਰੋਸ਼ਨੀ ਤੋਂ ਬਚਣ, ਹਲਕੇ ਅਤੇ ਢਿੱਲੇ ਕੱਪੜੇ ਪਹਿਨਣ ਅਤੇ ਵੱਧ ਤੋਂ ਵੱਧ ਪਾਣੀ ਪੀਣ ਦੀ ਸਲਾਹ ਦਿੱਤੀ ਗਈ ਹੈ। ਉਮਰਦਰਾਜ਼ ਅਤੇ ਬੱਚਿਆਂ ਨੂੰ ਵਿਸ਼ੇਸ਼ ਸਾਵਧਾਨੀ ਦੀ ਲੋੜ ਹੈ।