ਕੈਨੇਡਾ ਚੋਣਾਂ: ਬਰੈਂਪਟਨ ਈਸਟ ਤੋਂ ਉਮੀਦਵਾਰ ਜੈਫ ਲਾਲ ਨੂੰ ਮਿਲ ਰਿਹਾ ਭਰਵਾਂ ਹੁੰਗਾਰਾ

ਫੈਡਰਲ ਚੋਣਾਂ ਵਿੱਚ ਇੱਕ ਹਫਤੇ ਤੋਂ ਵੀ ਘੱਟ ਦਾ ਸਮਾਂ ਰਹਿ ਗਿਆ ਹੈ ਅਤੇ ਸਾਰੇ ਉਮੀਦਵਾਰਾਂ ਵੱਲੋਂ ਚੋਣ ਪ੍ਰਚਾਰ ਵਿੱਚ ਪੂਰੀ ਵਾਅ ਲਗਾ ਦਿੱਤੀ ਗਈ। ਪੀਪਲਜ਼ ਪਾਰਟੀ ਆਫ ਕੈਨੇਡਾ ਦੇ ਬਰੈਂਪਟਨ ਈਸਟ ਤੋਂ ਉਮੀਦਵਾਰ ਜੈਫ ਲਾਲ ਵੱਲੋਂ ਵੱਖ-ਵੱਖ ਥਾਵਾਂ 'ਤੇ ਪਹੁੰਚ ਕੇ ਚੋਣ ਪ੍ਰਚਾਰ ਕੀਤਾ ਗਿਆ ਅਤੇ ਉਨ੍ਹਾਂ ਨੂੰ ਭਾਈਚਾਰੇ ਦਾ ਬਹੁਤ ਸਹਿਯੋਗ ਵੀ ਮਿਲ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਜੈਫ ਲਾਲ ਬਹੁਤ ਵੱਡੇ ਕਾਰੋਬਾਰੀ ਹਨ ਅਤੇ ਪਿਛਲੇ ਲੰਮੇ ਸਮੇਂ ਤੋਂ ਸਮਾਜ ਸੇਵੀ ਦੇ ਤੌਰ 'ਤੇ ਭਾਈਚਾਰੇ ਦੀ ਸੇਵਾ ਵੀ ਕਰਦੇ ਆ ਰਹੇ ਹਨ। ਜੈਫ ਲਾਲ ਚੋਣ ਮੈਦਾਨ ਵਿੱਚ ਪਹਿਲੀ ਵਾਰ ਉੱਤਰੇ ਹਨ ਅਤੇ ਪਹਿਲੀ ਵਾਰ ਹੀ ਉਨ੍ਹਾਂ ਨੂੰ ਇੰਨ੍ਹਾਂ ਸਾਥ ਮਿਿਲਆ। ਹਾਲ ਹੀ ਵਿੱਚ ਜੈਫ ਲਾਲ ਸੀਨੀਅਰ ਲੋਕਾਂ ਨੂੰ ਮਿਲਣ ਪਹੁੰਚੇ, ਜਿੱਥੇ ਉਨ੍ਹਾਂ ਤਸਵੀਰਾਂ ਖਿਚਵਾਈਆਂ। ਜੈੱਫ ਲਾਲ ਆਪਣੇ ਵਿਆਪਕ ਕਾਰੋਬਾਰੀ ਵਿਕਾਸ ਅਤੇ ਭਾਈਚਾਰਕ ਲੀਡਰਸ਼ਿਪ ਰਾਹੀਂ ਬਰੈਂਪਟਨ ਭਾਈਚਾਰੇ ਦਾ ਇੱਕ ਅਧਾਰ ਬਣ ਗਏ ਹਨ।

ਚਿੰਗੂਜ਼ੀ ਸੈਕੰਡਰੀ ਸਕੂਲ ਤੋਂ ਗ੍ਰੈਜੂਏਟ ਹੋਣ ਅਤੇ ਸ਼ੈਰੀਡਨ ਅਤੇ ਸੇਨੇਕਾ ਕਾਲਜਾਂ ਵਿੱਚ ਪੜ੍ਹਾਈ ਕਰਨ ਤੋਂ ਬਾਅਦ, ਉਨ੍ਹਾਂ ਨੇ ਇੱਕ ਸ਼ਾਨਦਾਰ ਵਪਾਰਕ ਪੋਰਟਫੋਲੀਓ ਬਣਾਇਆ ਜਿਸ ਵਿੱਚ ਜੈੱਫ ਦਾ ਅੰਤਰਰਾਸ਼ਟਰੀ ਸੁਪਰਮਾਰਕੀਟ, ਮਲਟੀਪਲ ਸਟ੍ਰਿਪ ਪਲਾਜ਼ਾ ਅਤੇ ਜੇਨਕੋ ਕੈਨੇਡਾ ਐੱਲਈਡੀ ਸ਼ਾਮਲ ਹਨ। ਉਨ੍ਹਾਂ ਦੇ ਯੋਗਦਾਨ ਕਾਰੋਬਾਰ ਤੋਂ ਪਰੇ ਹਨ, ਜਿਸ ਵਿੱਚ ਭਾਰਤ ਮਾਤਾ ਮੰਦਰ ਦੇ ਨਿਰਮਾਣ ਵਿੱਚ ਉਨ੍ਹਾਂ ਦੀ ਭੂਮਿਕਾ ਅਤੇ ਭਾਈਚਾਰਕ ਵਿਕਾਸ ਪ੍ਰਤੀ ਉਨ੍ਹਾਂ ਦੀ ਨਿਰੰਤਰ ਵਚਨਬੱਧਤਾ ਸ਼ਾਮਲ ਹੈ। ਬਰੈਂਪਟਨ ਈਸਟ ਲਈ ਪੀਪੀਸੀ ਉਮੀਦਵਾਰ ਹੋਣ ਦੇ ਨਾਤੇ, ਉਹ ਆਪਣੀ ਉੱਦਮੀ ਸਫਲਤਾ ਅਤੇ ਡੂੰਘੀਆਂ ਭਾਈਚਾਰਕ ਜੜ੍ਹਾਂ ਤੋਂ ਅਪਰਾਧ, ਇਮੀਗ੍ਰੇਸ਼ਨ ਨੀਤੀ ਅਤੇ ਰਹਿਣ-ਸਹਿਣ ਦੀ ਲਾਗਤ ਵਰਗੇ ਮਹੱਤਵਪੂਰਨ ਮੁੱਦਿਆਂ ਨੂੰ ਹੱਲ ਕਰਨ ਲਈ, ਇੱਕ ਸੁਰੱਖਿਅਤ ਅਤੇ ਵਧੇਰੇ ਖੁਸ਼ਹਾਲ ਭਾਈਚਾਰਾ ਬਣਾਉਣ ਲਈ ਕੰਮ ਕਰਦੇ ਹਨ।