ਆਸਟ੍ਰੇਲੀਆ: ਅੰਤਰਰਾਸ਼ਟਰੀ ਵਿਿਦਆਰਥੀ 'ਤੇ ਹਮਲਾ, ਕੱਟੀਆਂ ਉਂਗਲਾਂ, ਮਾਰੇ ਚਾਕੂ
ਰਾਈਡ-ਸ਼ੇਅਰ ਡਰਾਈਵਰ 'ਤੇ ਰਾਤ ਨੂੰ ਕੰਮ ਕਰਦੇ ਸਮੇਂ ਕੀਤਾ ਗਿਆ ਵਾਰ, ਰਜਨੀਸ਼ ਦੀਆਂ ਹੋਈਆਂ ਤਿੰਨ ਸਰਜਰੀਆਂ, 6 ਤੋਂ 10 ਮਹੀਨਿਆਂ 'ਚ ਹੋਵੇਗਾ ਠੀਕ;
ਮੈਲਬੌਰਨ ਦੇ ਪੱਛਮ 'ਚ ਚਾਕੂਆਂ ਨਾਲ ਲੈਸ ਯਾਤਰੀਆਂ ਦੇ ਇੱਕ ਸਮੂਹ ਦੁਆਰਾ ਕੀਤੇ ਗਏ ਹਮਲੇ ਤੋਂ ਬਾਅਦ ਇੱਕ ਡੀਡੀ ਰਾਈਡ-ਸ਼ੇਅਰ ਡਰਾਈਵਰ ਨੂੰ ਸਦਮਾ ਪਹੁੰਚਿਆ ਹੈ ਅਤੇ ਉਸ ਨੂੰ ਜ਼ਿੰਦਗੀਆਂ ਬਦਲਣ ਵਾਲੀਆਂ ਸੱਟਾਂ ਲੱਗੀਆਂ ਹਨ। ਦੱਸਦਈਏ ਕਿ ਡੀਡੀ ਇੱਕ ਰਾਈਡ-ਸ਼ੇਅਰ ਐਪਲੀਕੇਸ਼ਨ ਹੈ। ਡੀਡੀ ਡਰਾਈਵਰ ਰਜਨੀਸ਼, ਜੋ ਸੁਰੱਖਿਆ ਦੀ ਚਿੰਤਾ ਕਾਰਨ ਆਪਣਾ ਉਪਨਾਮ ਨਹੀਂ ਵਰਤਣਾ ਚਾਹੁੰਦਾ, ਉਹ ਲੰਘੇ ਐਤਵਾਰ ਨੂੰ ਸਵੇਰੇ 1 ਵਜੇ ਦੇ ਕਰੀਬ ਐਲਬੀਅਨ 'ਚ ਇੱਕ ਗਾਹਕ ਨੂੰ ਲੈਣ ਜਾ ਰਿਹਾ ਸੀ ਜਦੋਂ ਤਿੰਨ ਤੋਂ ਚਾਰ ਹਥਿਆਰਬੰਦ ਵਿਅਕਤੀ ਕਥਿਤ ਤੌਰ 'ਤੇ ਉਸਦੀ ਕਾਰ 'ਚ ਜ਼ਬਰਦਸਤੀ ਵੜ ਗਏ ਅਤੇ ਉਸ 'ਤੇ ਚਾਕੂਆਂ ਨਾਲ ਹਮਲਾ ਕਰ ਦਿੱਤਾ। 25 ਸਾਲਾ ਅੰਤਰਰਾਸ਼ਟਰੀ ਵਿਿਦਆਰਥੀ ਨੂੰ ਉਸਦੀ ਕਾਰ 'ਚੋਂ ਬਾਹਰ ਕੱਢ ਕੇ ਕਈ ਮਿੰਟਾਂ ਤੋਂ ਵੱਧ ਸਮੇਂ ਤੱਕ ਹਮਲਾ ਕਰਨ ਤੋਂ ਬਾਅਦ ਉਸਦੀਆਂ ਉਂਗਲਾਂ 'ਤੇ ਡੂੰਘੇ ਕੱਟ ਅਤੇ ਲੱਤਾਂ 'ਤੇ ਚਾਕੂ ਦੇ ਕਈ ਜ਼ਖ਼ਮ ਸ਼ਾਮਲ ਸਨ।
ਉਨ੍ਹਾਂ ਨੇ ਉਸਨੂੰ ਕਾਰ 'ਚੋਂ ਬਾਹਰ ਕੱਢਣ ਦੀ ਕੋਸ਼ਿਸ਼ ਕੀਤੀ ਪਰ ਉਸਦੀ ਸੀਟਬੈਲਟ ਅਜੇ ਵੀ ਲੱਗੀ ਹੋਈ ਸੀ ਅਤੇ ਉਹ ਉਸਨੂੰ ਮੁੱਕੇ ਮਾਰਦੇ ਰਹੇ। ਨਜ਼ਦੀਕੀ ਦੋਸਤ ਰਾਹੁਲ ਜਾਮਵਾਲ ਦੇ ਅਨੁਸਾਰ, ਰਜਨੀਸ਼ ਆਪਣੀ ਕਾਰ 'ਚੋਂ ਚਾਬੀਆਂ ਲੈ ਕੇ ਭੱਜ ਗਿਆ ਪਰ ਹਮਲਾਵਰ ਉਸ ਦਾ ਕਈ ਮਿੰਟਾਂ ਤੱਕ ਪਿੱਛਾ ਕਰਦੇ ਰਹੇ। ਉਸਦੇ ਹੱਥ ਕੱਟੇ ਹੋਏ ਸਨ, ਉਹ ਖੂਨ ਨਾਲ ਲਥਪਥ ਸੀ ਅਤੇ ਉਸਨੂੰ ਕਾਰ 'ਚੋਂ ਬਾਹਰ ਕੱਢਿਆ ਜਾ ਰਿਹਾ ਸੀ। ਉਨ੍ਹਾਂ ਨੇ ਉਸਦੀਆਂ ਦੋਵੇਂ ਲੱਤਾਂ 'ਤੇ ਚਾਕੂ ਨਾਲ ਵਾਰ ਕੀਤੇ। ਅਖੀਰ 'ਚ ਕਿਸੇ ਨੇ ਉਸਦੀ ਮਦਦ ਕੀਤੀ ਅਤੇ ਐਂਬੂਲੈਂਸ ਬੁਲਾਈ। ਜਾਮਵਾਲ ਨੇ ਦੱਸਿਆ ਕਿ ਉਸਦੇ ਦੋਸਤ ਦੀਆਂ ਸੱਟਾਂ ਲਈ ਤਿੰਨ ਸਰਜਰੀਆਂ ਹੋਈਆਂ। ਉਸ ਨੇ ਕਿਹਾ ਕਿ ਮੇਰੇ ਦੋਸਤ ਨਾਲ ਜੋ ਹਾਦਸਾ ਵਾਪਰਿਆ ਇਹ ਬਹੁਤ ਡਰਾਉਣਾ ਸੀ। ਉਹ ਸਿਰਫ਼ ਇੱਕ ਬੱਚਾ ਹੈ ਜੋ ਇੱਥੇ ਆਇਆ ਸੀ, ਪੜ੍ਹਨਾ ਚਾਹੁੰਦਾ ਸੀ, ਕੁਝ ਚੰਗਾ ਕਰਨਾ ਚਾਹੁੰਦਾ ਸੀ ਅਤੇ ਉਸਨੂੰ ਚਾਕੂ ਮਾਰ ਦਿੱਤਾ ਗਿਆ।
ਦੱਸਦਈਏ ਕਿ ਰਜਨੀਸ਼ ਦੇ ਦੋਸਤਾਂ ਨੇ ਉਦੋਂ ਤੋਂ ਇੱਕ ਫੰਡਰੇਜ਼ਰ ਸ਼ੁਰੂ ਕੀਤਾ ਹੈ ਤਾਂ ਜੋ 25 ਸਾਲਾ ਨੌਜਵਾਨ ਦੇ ਕੰਮ ਕਰਨ ਦੇ ਅਯੋਗ ਹੋਣ ਦੇ ਖਰਚਿਆਂ ਨੂੰ ਪੂਰਾ ਕਰਨ 'ਚ ਮਦਦ ਕੀਤੀ ਜਾ ਸਕੇ। ਉਸ ਦੇ ਦੋਸਤ ਨੇ ਕਿਹਾ ਕਿ ਉਹ ਰਜਨੀਸ਼ ਦੇ ਵੱਡੇ ਬਿੱਲਾਂ ਅਤੇ ਕਿਰਾਏ ਨੂੰ ਪੂਰਾ ਕਰਨ 'ਚ ਮਦਦ ਕਰੇਗਾ, ਪਰ ਜਦੋਂ ਤੱਕ ਉਹ ਠੀਕ ਹੋ ਜਾਵੇਗਾ, ਉਸਨੂੰ ਰੋਜ਼ਾਨਾ ਜੀਵਨ, ਭੋਜਨ, ਆਵਾਜਾਈ ਅਤੇ ਇਲਾਜ ਲਈ ਮਦਦ ਦੀ ਲੋੜ ਪਵੇਗੀ। ਰਜਨੀਸ਼ ਦੀਆਂ ਪਹਿਲਾਂ ਹੀ ਦੋ ਵੱਡੀਆਂ ਸਰਜਰੀਆਂ ਹੋ ਚੁੱਕੀਆਂ ਹਨ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਰਜਨੀਸ਼ ਨੂੰ ਠੀਕ ਹੋਣ ਲਈ 6 ਤੋਂ 10 ਮਹੀਨੇ ਲੱਗਣਗੇ। ਜ਼ਿਕਰਯੋਗ ਹੈ ਕਿ ਰਾਈਡ ਸ਼ੇਅਰ ਕੰਪਨੀ ਨੇ ਰਜਨੀਸ਼ ਨਾਲ ਸੰਪਰਕ ਕੀਤਾ ਹੈ ਅਤੇ ਸਹਾਇਤਾ ਪ੍ਰਦਾਨ ਕਰੇਗੀ। ਪੁਲਿਸ ਘਟਨਾ ਦੀ ਜਾਂਚ ਕਰ ਰਹੀ ਹੈ। ਪੁਲਿਸ ਨੇ ਕਿਹਾ ਕਿ ਸਮੂਹ ਜਲਦੀ ਹੀ ਖਾਲੀ ਹੱਥ ਮੌਕੇ ਤੋਂ ਭੱਜ ਗਿਆ ਪਰ ਜਲਦ ਹੀ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।