ਦਿੱਲੀ 'ਚ ਆਮ ਆਦਮੀ ਪਾਰਟੀ ਨੂੰ ਵੱਡਾ ਝਟਕਾ: 13 ਕੌਂਸਲਰਾਂ ਨੇ ਅਸਤੀਫਾ ਦੇ ਕੇ ਨਵੀਂ ਪਾਰਟੀ ਬਣਾਈ

ਦਿੱਲੀ ਵਿੱਚ ਆਮ ਆਦਮੀ ਪਾਰਟੀ (AAP) ਨੂੰ ਵੱਡਾ ਸਿਆਸੀ ਝਟਕਾ ਲੱਗਿਆ ਹੈ। ਪਾਰਟੀ ਦੇ 13 ਨਗਰ ਨਿਗਮ ਕੌਂਸਲਰਾਂ ਨੇ ਮੁੱਢਲੀ ਮੈਂਬਰਸ਼ਿਪ ਤੋਂ ਅਸਤੀਫਾ ਦੇ ਦਿੱਤਾ ਹੈ ਅਤੇ ਨਵੀਂ ਪਾਰਟੀ 'ਇੰਦਰਪ੍ਰਸਥ ਵਿਕਾਸ ਪਾਰਟੀ' ਬਣਾਉਣ ਦਾ ਐਲਾਨ ਕੀਤਾ ਹੈ। ਇਹ ਕੌਂਸਲਰ ਪਾਰਟੀ ਦੀ ਲੀਡਰਸ਼ਿਪ ਤੋਂ ਨਾਰਾਜ਼ ਸਨ ਅਤੇ ਉਹਨਾਂ ਨੇ ਦੱਸਿਆ ਕਿ ਨਿਗਮ ਵਿੱਚ ਪਿਛਲੇ 2.5 ਸਾਲਾਂ ਵਿੱਚ ਕੋਈ ਢੰਗ ਦਾ ਵਿਕਾਸਕਾਰੀ ਕੰਮ ਨਹੀਂ ਹੋਇਆ।

ਨਵੀਂ ਪਾਰਟੀ ਦੀ ਅਗਵਾਈ ਮੁਕੇਸ਼ ਗੋਇਲ ਕਰ ਰਹੇ ਹਨ, ਜਿਨ੍ਹਾਂ ਨੂੰ ਇਕਸੁਰ ਵਿੱਚ ਪ੍ਰਧਾਨ ਚੁਣਿਆ ਗਿਆ। ਹੇਮਚੰਦ ਗੋਇਲ ਦੀ ਅਗਵਾਈ ਹੇਠ ਤੀਜਾ ਮੋਰਚਾ ਬਣਾਇਆ ਗਿਆ ਹੈ। ਇਨ੍ਹਾਂ ਕੌਂਸਲਰਾਂ ਨੇ ਐਮਸੀਡੀ ਵਿੱਚ ਵੱਖਰਾ ਸਮੂਹ ਬਣਾਉਣ ਦਾ ਵੀ ਐਲਾਨ ਕੀਤਾ ਹੈ।

ਅਸਤੀਫਾ ਦੇਣ ਵਾਲੇ ਮੁੱਖ ਕੌਂਸਲਰ

ਮੁਕੇਸ਼ ਗੋਇਲ

ਹੇਮਚੰਦ ਗੋਇਲ

ਦਿਨੇਸ਼ ਭਾਰਦਵਾਜ

ਹਿਮਾਨੀ ਜੈਨ

ਊਸ਼ਾ ਸ਼ਰਮਾ

ਸਾਹਿਬ ਕੁਮਾਰ

ਰਾਖੀ ਕੁਮਾਰ

ਅਸ਼ੋਕ ਪਾਂਡੇ

ਰਾਜੇਸ਼ ਕੁਮਾਰ

ਅਨਿਲ ਰਾਣਾ

ਦੇਵੇਂਦਰ ਕੁਮਾਰ

ਹਿਮਾਨੀ ਜੈਨ ਨੇ ਅਸਤੀਫ਼ੇ ਦੀ ਵਜ੍ਹਾ ਦੱਸਦੇ ਹੋਏ ਕਿਹਾ ਕਿ, "ਅਸੀਂ ਨਵੀਂ ਪਾਰਟੀ ਬਣਾਈ ਹੈ ਕਿਉਂਕਿ ਸਾਡੀ ਵਿਚਾਰਧਾਰਾ ਦਿੱਲੀ ਦੇ ਵਿਕਾਸ ਲਈ ਕੰਮ ਕਰਨਾ ਹੈ। ਪਿਛਲੇ 2.5 ਸਾਲਾਂ ਵਿੱਚ ਨਿਗਮ ਵਿੱਚ ਕੋਈ ਕੰਮ ਨਹੀਂ ਹੋਇਆ। ਹੁਣ ਤੱਕ 15 ਕੌਂਸਲਰ ਅਸਤੀਫਾ ਦੇ ਚੁੱਕੇ ਹਨ ਅਤੇ ਹੋਰ ਵੀ ਸ਼ਾਮਲ ਹੋ ਸਕਦੇ ਹਨ।"

ਇਸ ਤਾਜ਼ਾ ਵਿਕਾਸ ਨਾਲ ਦਿੱਲੀ ਦੀ ਸਥਾਨਕ ਸਿਆਸਤ ਵਿੱਚ ਵੱਡਾ ਉਲਟਫੇਰ ਆ ਸਕਦਾ ਹੈ।