ਅਮਰੀਕੀ ਫਲਾਈਟ ਕਰੈਸ਼ ਹੋਣ ਤੋਂ ਮਸਾਂ ਬਚੀ, ਹੋਇਆ ਵੱਡਾ ਖੁਲਾਸਾ, ਪੜ੍ਹੋ

ਵਾਸ਼ਿੰਗਟਨ : ਅਮਰੀਕਾ ਵਿੱਚ 10 ਅਗਸਤ ਨੂੰ ਜਹਾਜ਼ ਕਰੈਸ਼ ਹੋ ਗਿਆ ਸੀ ਤੇ ਵਾਲ-ਵਾਲ ਸਾਰਿਆਂ ਦੀ ਜਾਨ ਬਚੀ ਸੀ। ਦਰਅਸਲ ਅਮਰੀਕਨ ਈਗਲ ਫਲਾਈਟ 5916, 3 ਮਿੰਟ 'ਚ ਅਚਾਨਕ 15 ਹਜ਼ਾਰ ਫੁੱਟ ਹੇਠਾਂ ਆ ਗਈ। ਇਸ ਨਾਲ ਯਾਤਰੀ ਡਰ ਗਏ। ਤੇਜ਼ ਗੰਧ, ਧਮਾਕਾ ਅਤੇ ਫਲਾਈਟ ਵਿੱਚ ਮਾਸਕ ਦੇ ਹੇਠਾਂ ਡਿੱਗਣ ਦੀ ਆਵਾਜ਼ ਆਈ।

ਅਮਰੀਕੀ ਫਾਕਸ 35 ਨਿਊਜ਼ ਨੇ ਫੈਡਰਲ ਏਵੀਏਸ਼ਨ ਐਡਮਿਨਿਸਟ੍ਰੇਸ਼ਨ (ਐੱਫ.ਏ.ਏ.) ਦੇ ਬੁਲਾਰੇ ਦੇ ਹਵਾਲੇ ਨਾਲ ਕਿਹਾ ਕਿ ਘੱਟ ਕੈਬਿਨ ਪ੍ਰੈਸ਼ਰ ਕਾਰਨ ਅਜਿਹਾ ਹੋਇਆ। ਫਲੋਰੀਡਾ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਹੈਰੀਸਨ ਹੋਵ ਵੀ ਜਹਾਜ਼ ਵਿੱਚ ਸਵਾਰ ਸਨ। ਉਸ ਨੇ ਇਸ ਘਟਨਾ ਦੀਆਂ ਤਸਵੀਰਾਂ ਅਤੇ ਆਪਣੇ ਤਜ਼ਰਬੇ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਸਾਂਝਾ ਕੀਤਾ।

ਪ੍ਰੋਫੈਸਰ ਹੋਵ ਨੇ ਐਕਸ 'ਤੇ ਫੋਟੋਆਂ ਸਾਂਝੀਆਂ ਕੀਤੀਆਂ। ਪੋਸਟ 'ਚ ਲਿਖਿਆ, 'ਇਹ ਬਹੁਤ ਹੀ ਡਰਾਉਣੀ ਘਟਨਾ ਸੀ। ਸੜਨ ਦੀ ਬਦਬੂ ਅਤੇ ਉੱਚੀ ਆਵਾਜ਼ ਨੂੰ ਤਸਵੀਰਾਂ ਵਿੱਚ ਕੈਦ ਨਹੀਂ ਕੀਤਾ ਜਾ ਸਕਦਾ ਸੀ। ਮੈਂ ਕਈ ਵਾਰ ਹਵਾਈ ਸਫ਼ਰ ਕੀਤਾ ਹੈ, ਪਰ ਇਹ ਤਜਰਬਾ ਬਹੁਤ ਮਾੜਾ ਸੀ।

ਜਿਵੇਂ ਫਲਾਈਟ ਦੇ ਵਿਚਕਾਰ ਕੁਝ ਫੇਲ੍ਹ ਹੋ ਗਿਆ ਹੋਵੇ। ਕੈਬਿਨ ਵਿੱਚ ਦਬਾਅ ਘੱਟ ਗਿਆ ਸੀ। ਲੋਕ ਆਕਸੀਜਨ ਮਾਸਕ ਨਾਲ ਸਾਹ ਲੈ ਰਹੇ ਸਨ। ਇਸ ਤੋਂ ਬਾਅਦ ਵਿੰਗ ਫਲੈਪਾਂ ਨੂੰ ਤੁਰੰਤ ਵਾਪਸ ਲੈ ਲਿਆ ਗਿਆ, ਜਿਸ ਨਾਲ ਸਾਡੀ ਉਚਾਈ ਘਟ ਗਈ ਅਤੇ ਯਾਤਰੀਆਂ ਨੂੰ ਵਧੇਰੇ ਆਕਸੀਜਨ ਪ੍ਰਦਾਨ ਕੀਤੀ ਗਈ।

ਫਲਾਈਟ ਅਵੇਅਰ ਵੱਲੋਂ ਸਾਂਝੇ ਕੀਤੇ ਗਏ ਅੰਕੜਿਆਂ ਮੁਤਾਬਕ 11 ਮਿੰਟਾਂ 'ਚ ਹੀ ਜਹਾਜ਼ ਕਰੀਬ 20 ਹਜ਼ਾਰ ਫੁੱਟ ਹੇਠਾਂ ਆ ਗਿਆ ਸੀ। 43 ਮਿੰਟ ਦੇ ਸਫ਼ਰ ਤੋਂ ਬਾਅਦ, ਜਹਾਜ਼ ਛੇ ਮਿੰਟ ਤੋਂ ਵੀ ਘੱਟ ਸਮੇਂ ਵਿੱਚ 18,600 ਫੁੱਟ ਤੱਕ ਹੇਠਾਂ ਆ ਗਿਆ।