Ahmedabad-Vadodara Expressway Accident:  ਦਰਦਨਾਕ ਸੜਕ ਹਾਦਸਾ, ਐਕਸਪ੍ਰੈੱਸ ਵੇਅ 'ਤੇ ਕਾਰ ਟਰਾਲੇ 'ਚ ਵੱਜੀ, 10 ਦੀ ਮੌਤ

ਅਹਿਮਦਾਬਾਦ (17 ਅਪ੍ਰੈਲ), ਰਜਨੀਸ਼ ਕੌਰ : ਅਹਿਮਦਾਬਾਦ ਵਡੋਦਰਾ ਐਕਸਪ੍ਰੈੱਸ ਵੇਅ (Ahmedabad-Vadodara Expressway) 'ਤੇ ਨਡਿਆਦ ਨੇੜੇ ਇੱਕ ਭਿਆਨਕ ਸੜਕ ਹਾਦਸਾ (Accident) ਵਾਪਰਿਆ ਹੈ। ਇਸ ਸੜਕ ਹਾਦਸੇ ਵਿੱਚ 10 ਲੋਕਾਂ ਦੀ ਮੌਤ ਹੋ ਗਈ ਹੈ। ਮਰਨ ਵਾਲਿਆਂ ਦੀ ਗਿਣਤੀ ਹੋਰ ਵਧ ਸਕਦੀ ਹੈ। ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਕਾਰ ਟਰਾਲੇ ਦੇ ਪਿੱਛੇ ਜਾ ਵੱਜੀ। ਕਾਰ ਵਡੋਦਰਾ ਤੋਂ ਅਹਿਮਦਾਬਾਦ ਜਾ ਰਹੀ ਸੀ। ਹਾਦਸੇ ਦੀ ਸੂਚਨਾ ਮਿਲਦੇ ਹੀ 108 ਦੀਆਂ ਦੋ ਐਂਬੂਲੈਂਸਾਂ ਮੌਕੇ 'ਤੇ ਪਹੁੰਚ ਗਈਆਂ, ਇਸ ਦੇ ਨਾਲ ਹੀ ਐਕਸਪ੍ਰੈੱਸ ਹਾਈਵੇਅ ਦੀ ਗਸ਼ਤ ਟੀਮ ਵੀ ਮੌਕੇ 'ਤੇ ਪਹੁੰਚ ਗਈ।

ਹਾਦਸੇ ਤੋਂ ਬਾਅਦ ਵਡੋਦਰਾ-ਅਹਿਮਦਾਬਾਦ ਐਕਸਪ੍ਰੈੱਸ ਹਾਈਵੇਅ 'ਤੇ ਜਾਮ ਲੱਗ ਗਿਆ ਹੈ। ਹਾਦਸਾ ਇੰਨਾ ਭਿਆਨਕ ਸੀ ਕਿ ਲਾਸ਼ਾਂ ਨੂੰ ਕੱਢਣ ਲਈ ਅਰਟਿਗਾ ਕਾਰ ਨੂੰ ਕੱਟਣਾ ਪਿਆ। ਐਕਸਪ੍ਰੈੱਸ ਵੇਅ 'ਤੇ ਕਾਰ ਦੇ ਪਿੱਛੇ ਤੋਂ ਆ ਰਹੇ ਟੈਂਕਰ ਨਾਲ ਟਕਰਾ ਜਾਣ ਕਾਰਨ ਕਾਰ 'ਚ ਸਵਾਰ ਅੱਠ ਲੋਕਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦਕਿ ਦੋ ਦੀ ਇਲਾਜ ਦੌਰਾਨ ਮੌਤ ਹੋ ਗਈ। ਅਰਟਿਗਾ ਕਾਰ ਵਡੋਦਰਾ ਤੋਂ ਅਹਿਮਦਾਬਾਦ ਵੱਲ ਆ ਰਹੀ ਸੀ। ਇਸ ਦੌਰਾਨ ਨਦੀਆਦ ਕੋਲ ਨੁਕਸਾਨੇ ਗਏ ਟੈਂਕਰ ਦੇ ਪਿਛਲੇ ਪਾਸੇ ਜਾ ਵੱਜੀ ਅਤੇ ਵੱਡਾ ਹਾਦਸਾ ਵਾਪਰ ਗਿਆ।

ਹਾਦਸਾਗ੍ਰਸਤ ਕਾਰ ਅਹਿਮਦਾਬਾਦ ਪਾਸਿੰਗ ਦੀ ਹੈ ਅਤੇ ਇਸ ਦਾ ਰਜਿਸਟ੍ਰੇਸ਼ਨ ਨੰਬਰ ਜੀਜੇ 27 ਈਸੀ 2578 ਹੈ। ਪੁਲਿਸ ਨੇ ਕਾਰ ਨੰਬਰ ਅਤੇ ਆਧਾਰ ਕਾਰਡ ਦੇ ਵੇਰਵਿਆਂ ਦੇ ਆਧਾਰ 'ਤੇ ਮ੍ਰਿਤਕ ਦੀ ਪਛਾਣ ਕਰਨ ਲਈ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਇਹ ਵੀ ਖਬਰ ਪੜ੍ਹੋ

ਰਾਜ ਮੰਦਰ ਹੀ ਨਹੀਂ, ਦੇਸ਼ ਦੇ ਇਨ੍ਹਾਂ 8 ਮੰਦਰਾਂ ‘ਚ ਵੀ ਮੂਰਤੀ ਦਾ ਹੋਇਆ ਹੈ ਸੂਰਜ ਤਿਲਕ

ਬੁੱਧਵਾਰ ਨੂੰ ਰਾਮਨਵਮੀ ਦੇ ਮੌਕੇ ‘ਤੇ ਅਯੁੱਧਿਆ ਦੇ ਰਾਮ ਮੰਦਰ (Ram Mandir) ‘ਚ ਰਾਮਲਲਾ ਦੀ ਮੂਰਤੀ ‘ਤੇ ਸੂਰਜ-ਤਿਲਕ ਲਗਾਇਆ ਗਿਆ। ਇਹ ਸੂਰਜ-ਤਿਲਕ (Surya Tilak) ਸੂਰਜ ਤੋਂ ਆਉਣ ਵਾਲੀਆਂ ਕਿਰਨਾਂ ਦਾ ਸੀ। ਜਿਸ ਵਿੱਚ ਕਿਰਨਾਂ ਪ੍ਰਤੀਬਿੰਬਤ ਹੋ ਕੇ ਭਗਵਾਨ ਰਾਮ ਦੀ ਮੂਰਤੀ ਤੱਕ ਪਹੁੰਚੀਆਂ। ਭਗਵਾਨ ਰਾਮ ਨੂੰ ਸੂਰਜਵੰਸ਼ੀਆਂ ਦਾ ਵੰਸ਼ਜ ਮੰਨਿਆ ਜਾਂਦਾ ਹੈ, ਇਸ ਲਈ ਇਸ ਸੂਰਜ ਤਿਲਕ ਦਾ ਵਿਸ਼ੇਸ਼ ਮਹੱਤਵ ਹੈ।

ਇੱਕ ਨਿੱਜੀ ਸਮਾਚਾਰ ਏਜੰਸੀ ਦੀ ਰਿਪੋਰਟ ਮੁਤਾਬਕ ਆਈਆਈਟੀ-ਰੁੜਕੀ ਦੇ ਵਿਗਿਆਨੀਆਂ ਨੇ ਅਯੁੱਧਿਆ ਦੇ ਰਾਮਲਲਾ ਮੰਦਰ ਵਿੱਚ ਸੂਰਜ ਤਿਲਕ ਯੰਤਰ ਦਾ ਡਿਜ਼ਾਈਨ ਤਿਆਰ ਕੀਤਾ ਹੈ। ਉਹਨਾਂ ਨੇ ਰਾਮ ਨੌਮੀ ‘ਤੇ ਰਾਮਲਲਾ ਦੇ ਮੱਥੇ ‘ਤੇ ਸੂਰਜ ਦੀਆਂ ਕਿਰਨਾਂ ਨੂੰ ਸਹੀ ਢੰਗ ਨਾਲ ਲਾਉਣ ਲਈ ਉੱਚ ਗੁਣਵੱਤਾ ਵਾਲੇ ਲੈਂਸਾਂ ਵਾਲੇ ਉਪਕਰਣਾਂ ਦੀ ਵਰਤੋਂ ਕੀਤੀ। ਹਾਲਾਂਕਿ ਰਾਮ ਮੰਦਰ ਤੋਂ ਪਹਿਲਾਂ ਵੀ ਦੇਸ਼ ਦੇ ਕਈ ਮੰਦਰਾਂ ‘ਚ ਇਸ ਤਕਨੀਕ ਦੀ ਵਰਤੋਂ ਕੀਤੀ ਜਾ ਚੁੱਕੀ ਹੈ।

ਆਓ ਜਾਣੋ ਹਾਂ ਉਹਨਾਂ ਮੰਦਰਾਂ ਦੇ ਨਾਮ ਜਿੱਥੇ ਕੀਤਾ ਗਿਆ ਹੈ ਸੂਰਜ ਤਿਲਕ

ਸੂਰਿਆਨਾਰ ਕੋਵਿਲ ਮੰਦਰ (ਤਾਮਿਲਨਾਡੂ): ਸੂਰਜ ਨੂੰ ਸਮਰਪਿਤ 11-12ਵੀਂ ਸਦੀ ਦਾ ਮੰਦਰ, ਇਸ ਤਰੀਕੇ ਨਾਲ ਤਿਆਰ ਕੀਤਾ ਗਿਆ ਹੈ ਕਿ ਸਾਲ ਦੇ ਕੁਝ ਸਮੇਂ ਦੌਰਾਨ ਸੂਰਜ ਦੀ ਰੌਸ਼ਨੀ ਮੰਦਰ ਦੇ ਖਾਸ ਬਿੰਦੂਆਂ ਨਾਲ ਜੁੜਦੀ ਹੈ ਅਤੇ ਸੂਰਿਆਨਾਰ (ਸੂਰਜ) ‘ਤੇ ਸੂਰਜ ਦੀ ਰੌਸ਼ਨੀ ਪੈਂਦੀ ਹੈ।

ਨਾਨਾਰਾਇਣਸਵਾਮੀ ਮੰਦਰ (ਆਂਧਰਾ ਪ੍ਰਦੇਸ਼): ਨਾਗਲਾਪੁਰਮ ਜ਼ਿਲ੍ਹੇ ਦੇ ਨਾਨਰਾਇਣਸਵਾਮੀ ਮੰਦਰ ਵਿੱਚ ਇੱਕ ਪੰਜ ਦਿਨਾਂ ਸੂਰਜ ਪੂਜਾ ਮਹਾਉਤਸਵ ਕਰਵਾਇਆ ਜਾਂਦਾ ਹੈ, ਜਿਸ ਦੌਰਾਨ ਸੂਰਜ ਦੀਆਂ ਕਿਰਨਾਂ ਮੰਦਰ ‘ਤੇ ਪੈਂਦੀਆਂ ਹਨ ਅਤੇ ਹਰ ਰੋਜ਼ ਪੜਾਅਵਾਰ ਬਦਲਦੀਆਂ ਹਨ। ਪੰਜ ਦਿਨਾਂ ਵਿੱਚ, ਸੂਰਜ ਦੀਆਂ ਕਿਰਨਾਂ ਪਾਵਨ ਅਸਥਾਨ ਵਿੱਚ ਬੈਠੇ ਦੇਵਤੇ ਦੇ ਪੈਰਾਂ ਤੋਂ ਲੈ ਕੇ ਨਾਭੀ ਤੱਕ ਯਾਤਰਾ ਕਰਦੀਆਂ ਹਨ, ਜੋ ਭਗਵਾਨ ਵਿਸ਼ਨੂੰ ਦਾ ‘ਮਤਸਿਆ ਅਵਤਾਰ’ (ਮੱਛੀ) ਹੈ।

ਕੋਬਾ ਜੈਨ ਮੰਦਰ (ਗੁਜਰਾਤ): ਅਹਿਮਦਾਬਾਦ ਦੇ ਕੋਬਾ ਜੈਨ ਮੰਦਰ ਵਿੱਚ ਹਰ ਸਾਲ ਸੂਰਜ ਅਭਿਸ਼ੇਕ ਹੁੰਦਾ ਹੈ, ਜਦੋਂ ਸੂਰਜ ਦੀਆਂ ਕਿਰਨਾਂ ਦੁਪਹਿਰ 2.07 ਵਜੇ ਤਿੰਨ ਮਿੰਟ ਲਈ ਭਗਵਾਨ ਮਹਾਵੀਰਸਵਾਮੀ ਦੀ ਸੰਗਮਰਮਰ ਦੀ ਮੂਰਤੀ ਦੇ ਮੱਥੇ ‘ਤੇ ਸਿੱਧੀਆਂ ਪੈਂਦੀਆਂ ਹਨ। ਕੋਬਾ ਦੇ ਸਾਲਾਨਾ ਸਮਾਗਮ ਵਿੱਚ ਦੁਨੀਆ ਭਰ ਦੇ ਲੱਖਾਂ ਜੈਨ ਲੋਕ ਹਿੱਸਾ ਲੈਂਦੇ ਹਨ।

ਉਨਾਵ ਬਾਲਾਜੀ ਸੂਰਜ ਮੰਦਰ (ਮੱਧ ਪ੍ਰਦੇਸ਼): ਮੱਧ ਪ੍ਰਦੇਸ਼ ਦੇ ਦਤੀਆ ਵਿੱਚ ਸਥਿਤ ਇਸ ਮੰਦਰ ਵਿੱਚ ਸੂਰਜ ਦੇਵਤਾ ਨੂੰ ਸਮਰਪਿਤ ਇੱਕ ਤਿਉਹਾਰ ਦਾ ਆਯੋਜਨ ਕੀਤਾ ਜਾਂਦਾ ਹੈ। ਜਿੱਥੇ ਸਵੇਰੇ ਸੂਰਜ ਦੀਆਂ ਪਹਿਲੀਆਂ ਕਿਰਨਾਂ ਸਿੱਧੀਆਂ ਮੰਦਰ ਦੇ ਪਾਵਨ ਅਸਥਾਨ ‘ਤੇ ਸਥਿਤ ਮੂਰਤੀ ‘ਤੇ ਪੈਂਦੀਆਂ ਹਨ।