ਬੀਜੇਪੀ ਨੇਤਾ ਕੋਲੋਂ ਕਰੋੜ ਰੁਪਏ ਦੀ ਫਿਰੌਤੀ ਮੰਗੀ, ਗ੍ਰਹਿ ਮੰਤਰੀ ਅਨਿਲ ਵਿੱਜ ਭੜਕੇ

ਅੰਬਾਲਾ, 9 ਅਕਤੂਬਰ, ਨਿਰਮਲ : ਹਰਿਆਣਾ ਦੇ ਅੰਬਾਲਾ ਵਿਚ ਗੈਂਗਸਟਰ ਲਾਰੈਂਸ ਦੇ ਨਾਂ ’ਤੇ ਭਾਜਪਾ ਨੇਤਾ ਬੀਐਸ ਬਿੰਦਰਾ ਕੋਲੋਂ ਕਰੋੜ ਰੁਪਏ ਦੀ ਫਿਰੌਤੀ ਮੰਗਣ ’ਤੇ ਗ੍ਰਹਿ ਮੰਤਰੀ ਅਨਿਲ ਵਿੱਜ ਨੇ ਸਖ਼ਤ ਚਿਤਾਵਨੀ ਦਿੱਤੀ ਹੈ। ਵਿੱਜ ਨੇ ਕਿਹਾ ਕਿ ਤਰ੍ਹਾਂ ਤਰ੍ਹਾਂ ਦੀ ਸਾਜ਼ਿਸ਼ਾਂ ਰਚੀਆਂ ਜਾ ਰਹੀਆਂ ਹਨ। ਸਦਰ ਮੰਡਲ ਦੇ ਮਹਾਮੰਤਰੀ ਬੀਐਸ ਬਿੰਦਰਾ ਨੂੰ ਚਿੱਠੀ ਭੇਜ ਕੇ ਕਿਸੇ ਨਾ ਮਾਰਨ ਦੀ ਧਮਕੀ ਦਿੱਤੀ। ਮੈਂ ਧਰਤੀ ਵਿਚ ਗੱਡ ਦੇਵਾਂਗਾ। ਜਿਸ ਨੇ ਅਜਿਹੀ ਹਰਕਤ ਕੀਤੀ ਹੈ। ਅਸੀਂ ਉਸ ਆਦਮੀ ਨੂੰ ਜਨਤਾ ਦੇ ਸਾਹਮਣੇ ਫੜ ਕੇ ਲਿਆਵਾਂਗੇ।

ਅੰਬਾਲਾ ਕੈਂਟ ਸਦਰ ਮੰਡਲ ਮਹਾਮੰਤਰੀ ਬੀਐਸ ਬਿੰਦਰਾ ਦੀ ਦੁਕਾਨ ’ਤੇ ਡਾਕ ਰਾਹੀਂ ਪੁੱਜੀ ਚਿੱਠੀ ਵਿਚ ਫਿਰੌਤੀ ਨਾ ਦੇਣ ’ਤੇ ਪੂਰੇ ਪਰਵਾਰ ਨੂੰ ਮਾਰਨ ਦੀ ਧਮਕੀ ਦਿੱਤੀ ਗਈ ਸੀ। ਭਾਜਪਾ ਨੇਤਾ ਨੇ ਪੁਲਿਸ ਨੂੰ ਸ਼ਿਕਾਇਤ ਸੌਂਪੀ ਹੈ, ਜਿਸ ਤੋਂ ਬਾਅਦ ਪੁਲਿਸ ਅਲਰਟ ਹੋ ਗਈ ਹੈ। ਬੀਐਸ ਬਿੰਦਰਾ ਨੂੰ ਪੁਲਿਸ ਸੁਰੱਖਿਆ ਦਿੱਤੀ ਗਈ ਹੈ।

ਜਾਣਕਾਰੀ ਮੁਤਾਬਕ ਭਾਜਪਾ ਸਦਰ ਮੰਡਲ ਦੇ ਜਨਰਲ ਸਕੱਤਰ ਬੀ.ਐੱਸ.ਬਿੰਦਰਾ ਸ਼ਨੀਵਾਰ ਨੂੰ ਪੰਜਾਬੀ ਗੁਰਦੁਆਰੇ ’ਚ ਆਯੋਜਿਤ ਮੀਟਿੰਗ ’ਚ ਸ਼ਾਮਲ ਹੋਣ ਲਈ ਗਏ ਹੋਏ ਸਨ। ਉਸ ਦਾ ਲੜਕਾ ਸ਼ਨੀਵਾਰ ਸਵੇਰੇ 11 ਵਜੇ ਸਦਰ ਬਾਜ਼ਾਰ ਸਥਿਤ ਆਪਣੀ ਗਿਫਟ ਗੈਲਰੀ ਦੀ ਦੁਕਾਨ ’ਤੇ ਬੈਠਾ ਸੀ। ਇਸੇ ਦੌਰਾਨ ਇੱਕ ਡਾਕੀਆ ਆਇਆ। ਇਸ ਤੋਂ ਇਲਾਵਾ ਪੋਸਟਮੈਨ ਨੇ ਹੋਰ ਦੁਕਾਨਾਂ ’ਤੇ ਵੀ ਚਿੱਠੀਆਂ ਪਹੁੰਚਾ ਦਿੱਤੀਆਂ ਸਨ। ਬਿੰਦਰਾ ਜਦੋਂ ਗੁਰਦੁਆਰੇ ਤੋਂ ਵਾਪਸ ਆਇਆ ਤਾਂ ਚਿੱਠੀ ਪੜ੍ਹ ਕੇ ਹੈਰਾਨ ਰਹਿ ਗਿਆ।
ਪੱਤਰ ਵਿੱਚ ਅਸ਼ਲੀਲ ਭਾਸ਼ਾ ਦੀ ਵਰਤੋਂ ਕਰਦਿਆਂ ਇੱਕ ਕਰੋੜ ਰੁਪਏ ਦੀ ਫਿਰੌਤੀ ਦੀ ਮੰਗ ਕੀਤੀ ਗਈ ਸੀ।