ਬੀ ਸੀ ਸਿੱਖਿਆ ਮੰਤਰੀ ਨੂੰ ਹਟਾਉਣ ਲਈ ਲੋਕਾਂ ਦਾ ਯਤਨ ਹੋਇਆ ਫੇਲ

ਬੀ.ਸੀ. ਸਿੱਖਿਆ ਮੰਤਰੀ ਰਚਨਾ ਸਿੰਘ ਖਿਲਾਫ ਕੁੱਝ ਲੋਕਾਂ ਵੱਲੋਂ ਪਟੀਸ਼ਨ ਦਾਇਰ ਕੀਤੀ ਗਈ ਸੀ। ਰਚਨਾ ਸਿੰਘ ਖਿਲਾਫ ਦੋਸ਼ ਲਗਾਏ ਗਏ ਸਨ ਕਿ ਬੀਸੀ ਦੇ ਸਕੂਲਾਂ 'ਚ ਬੱਚਿਆਂ ਨੂੰ ਜਿਨਸੀ ਸਿੱਖਿਆ ਨੂੰ ਸ਼ਾਮਲ ਕਰਨ ਵਾਲੀਆਂ ਉਮਰ-ਅਣਉਚਿਤ ਦਸਤਾਵੇਜ਼ੀ ਫਿਲਮਾਂ ਦਿਖਾਈਆਂ ਜਾ ਰਹੀਆਂ ਹਨ, ਪਰ ਹੁਣ ਇਸ ਪਟੀਸ਼ਨ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਦਰਅਸਲ ਇਲੈਕਸ਼ਨਜ਼ ਬੀ.ਸੀ. ਦੁਆਰਾ 30 ਨਵੰਬਰ, 2023 ਤੋਂ 29 ਜਨਵਰੀ, 2024 ਤੱਕ 40 ਪ੍ਰਤੀਸ਼ਤ ਤੋਂ ਵੱਧ ਯੋਗ ਵੋਟਰਾਂ ਦੇ ਦਸਤਖਤ ਕਰਵਾਉੁਣ ਦਾ ਸਮਾਂ ਦਿੱਤਾ ਗਿਆ ਸੀ ਪਰ 40 ਪ੍ਰਤੀਸ਼ਤ ਤੋਂ ਘੱਟ ਦਸਤਖਤ ਹੋਣ ਕਾਰਨ ਪਟੀਸ਼ਨ ਰੱਦ ਕਰ ਦਿੱਤੀ ਗਈ ਹੈ।

ਬੀ.ਸੀ. ਸਿੱਖਿਆ ਮੰਤਰੀ ਰਚਨਾ ਸਿੰਘ ਸਰੀ-ਗ੍ਰੀਨ ਟਿੰਬਰਜ਼ ਲਈ ਐਨਡੀਪੀ ਵਿਧਾਇਕ ਹਨ ਤੇ ਕੁੱਝ ਸਮਾਂ ਪਹਿਲਾਂ ਸਿੰਘ ਖਿਲਾਫ ਰੀਕਾਲ ਪਟੀਸ਼ਨ ਨੂੰ ਇਲੈਕਸ਼ਨਜ਼ ਬੀ.ਸੀ. ਦੁਆਰਾ ਮਨਜ਼ੂਰੀ ਦੇ ਦਿੱਤੀ ਗਈ ਸੀ, ਜਿਸ ਨਾਲ ਪ੍ਰਬੰਧਕਾਂ ਲਈ 30 ਨਵੰਬਰ, 2023 ਤੋਂ 29 ਜਨਵਰੀ, 2024 ਤੱਕ ਦਸਤਖਤ ਇਕੱਠੇ ਕਰਨਾ ਸ਼ੁਰੂ ਕਰਨ ਦਾ ਰਸਤਾ ਸਾਫ਼ ਹੋ ਗਿਆ ਸੀ।ਦਰਅਸਲ ਪਟੀਸ਼ਨ ਦੇ ਸਮਰਥਕ ਗੁਰਦੀਪ ਜੱਸਲ ਦੁਆਰਾ ਇਹ ਮੁੱਦਾ ਚੁੱਕਿਆ ਸੀ ਤੇ ਉਨ੍ਹਾਂ ਦਾ ਕਹਿਣਾ ਹੈ ਕਿ ਬੀ.ਸੀ. ਦੇ ਸਕੂਲਾਂ ਵਿੱਚ ਬੱਚਿਆਂ ਨੂੰ ਭੜਕਾਇਆ ਜਾ ਰਿਹਾ ਹੈ।ਸ਼ੌਘੀ 123 ਇੱਕ ਸਰੋਤ ਪੈਕੇਜ ਹੈ ਜੋ ਅਧਿਆਪਕਾਂ ਅਤੇ ਸਕੂਲ ਪ੍ਰਬੰਧਕਾਂ ਨੂੰ ਉਹਨਾਂ ਦੇ ਪਾਠਕ੍ਰਮ ਵਿੱਚ ਜਿਨਸੀ ਝੁਕਾਅ ਅਤੇ ਲਿੰਗ ਪਛਾਣ ਦੇ ਅਧਾਰ 'ਤੇ ਵਿਤਕਰੇ ਨੂੰ ਘਟਾਉਣ ਵਿੱਚ ਮਦਦ ਕਰਨ ਲਈ ਤਿਆਰ ਕੀਤਾ ਗਿਆ ਹੈ। ਸ਼ੌਘੀ ਦਾ ਅਰਥ ਹੈ ਜਿਨਸੀ ਰੁਝਾਨ ਅਤੇ ਲਿੰਗ ਪਛਾਣ। ਸ਼ੌਘੀ 123 ਸੂਬਾਈ ਸਿੱਖਿਆ ਮੰਤਰਾਲੇ ਦੁਆਰਾ ਸਮਰਥਿਤ ਇੱਕ ਸਰੋਤ ਹੈ।

ਰੀਕਾਲ ਕਾਨੂੰਨ ਦੇ ਅਨੁਸਾਰ, ਪਟੀਸ਼ਨ ਨੂੰ ਸਫਲ ਹੋਣ ਲਈ ਰਾਈਡਿੰਗ ਵਿੱਚ 40 ਪ੍ਰਤੀਸ਼ਤ ਤੋਂ ਵੱਧ ਯੋਗ ਵੋਟਰਾਂ ਦੇ ਹਸਤਾਖਰਾਂ ਦੀ ਜ਼ਰੂਰਤ ਸੀ। ਫਿਲਹਾਲ ਬ੍ਰਿਟਿਸ਼ ਕੋਲੰਬੀਆ ਦੇ ਸਿੱਖਿਆ ਮੰਤਰੀ ਖਿਲਾਫ ਦਾਇਰ ਪਟੀਸ਼ਨ ਅਸਫਲ ਰਹੀ ਹੈ।ਗੁਰਦੀਪ ਜੱਸਲ ਦੁਆਰਾ ਦਾਇਰ ਕੀਤੀ ਗਈ ਕੋਸ਼ਿਸ਼ ਨੂੰ 29 ਜਨਵਰੀ ਤੱਕ ਰਚਨਾ ਸਿੰਘ ਦੇ ਸਰੀ-ਗ੍ਰੀਨ ਟਿੰਬਰਜ਼ ਵਿੱਚ 40 ਪ੍ਰਤੀਸ਼ਤ ਤੋਂ ਵੱਧ ਯੋਗ ਵੋਟਰਾਂ (11,811 ਦਸਤਖਤਾਂ) ਤੋਂ ਦਸਤਖਤ ਇਕੱਠੇ ਕਰਨੇ ਸਨ ਪਰ ਇਲੈਕਸ਼ਨਜ਼ ਬੀ.ਸੀ. ਦੇ ਅਨੁਸਾਰ ਅੰਤਿਮ ਤਾਰੀਖ ਤੱਕ 3,264 ਦਸਤਖਤ ਹੀ ਇਕੱਠੇ ਹੋ ਸਕੇ ਹਨ।

ਦਰਅਸਲ ਜੱਸਲ ਦੀ ਵਾਪਸੀ ਪਟੀਸ਼ਨ ਵਿੱਚ ਦੋਸ਼ ਲਾਇਆ ਗਿਆ ਸੀ ਕਿ ਬੱਚਿਆਂ ਨੂੰ ਜਿਨਸੀ ਸਿੱਖਿਆ ਨੂੰ ਸ਼ਾਮਲ ਕਰਨ ਵਾਲੀਆਂ ਉਮਰ-ਅਣਉਚਿਤ ਦਸਤਾਵੇਜ਼ੀ ਫਿਲਮਾਂ ਦਿਖਾਈਆਂ ਜਾ ਰਹੀਆਂ ਹਨ ਤੇ ਸਕੂਲ ਦੀਆਂ ਲਾਇਬ੍ਰੇਰੀਆਂ ਉਮਰ-ਅਣਉਚਿਤ ਤਸਵੀਰਾਂ ਵਾਲੀਆਂ ਕਿਤਾਬਾਂ ਰੱਖਦੀਆਂ ਹਨ। ਬਿਨਾਂ ਸਬੂਤਾਂ ਦੇ ਇਹ ਵੀ ਦੋਸ਼ ਲਗਾਇਆ ਗਿਆ ਸੀ ਕਿ ਅਧਿਆਪਕ ਬੱਚਿਆਂ ਨੂੰ ਉਨ੍ਹਾਂ ਦੇ ਮਾਪਿਆਂ ਤੋਂ ਗੁਪਤ ਰੱਖਣ ਲਈ ਕਹਿ ਰਹੇ ਹਨ।

ਕੁਝ ਥਾਈਂ ਬੀਸੀ ਵਿੱਚ ਸ਼ੌਘੀ ਦਾ ਵਿਰੋਧ ਇੱਕ ਫਲੈਸ਼ਪੁਆਇੰਟ ਬਣ ਗਿਆ ਹੈ। ਸ਼ੌਘੀ ਦੇ ਵਿਰੋਧੀ ਦਾਅਵਾ ਕਰਦੇ ਹਨ ਕਿ ਪਹਿਲਕਦਮੀ ਬੱਚਿਆਂ ਦਾ ਜਿਨਸੀ ਸਬੰਧ ਬਣਾ ਰਹੀ ਹੈ, ਜਦੋਂ ਕਿ ਸਮਰਥਕਾਂ ਦਾ ਕਹਿਣਾ ਹੈ ਕਿ ਵਿਰੋਧ ਦੀ ਜੜ੍ਹ ਹੋਮੋਫੋਬੀਆ ਅਤੇ ਟ੍ਰਾਂਸਫੋਬੀਆ ਵਿੱਚ ਹੈ। ਇੱਕ ਬਿਆਨ ਵਿੱਚ, ਰਚਨਾ ਸਿੰਘ ਨੇ "ਇਸ ਅਤਿਅੰਤ ਅਤੇ ਗਲਤ ਪਟੀਸ਼ਨ ਮੁਹਿੰਮ ਨੂੰ ਭਾਰੀ ਰੂਪ ਵਿੱਚ ਰੱਦ ਕਰਨ" ਲਈ ਹਲਕੇ ਦਾ ਧੰਨਵਾਦ ਕੀਤਾ ਤੇ ਨਾਲ ਹੀ ਉਨ੍ਹਾਂ ਕਿਹਾ "ਬੀ.ਸੀ. ਇੱਕ ਵਿਸ਼ਵ ਪੱਧਰੀ ਸਿੱਖਿਆ ਪ੍ਰਣਾਲੀ ਹੈ, ਅਤੇ ਮੈਂ ਅਧਿਆਪਕਾਂ ਅਤੇ ਸਕੂਲੀ ਭਾਈਚਾਰਿਆਂ ਦੇ ਨਾਲ ਖੜ੍ਹੀ ਰਹਿੰਦੀ ਹਾਂ ਜੋ ਸਾਰੇ ਵਿਦਿਆਰਥੀਆਂ ਦੀ ਸਹਾਇਤਾ ਲਈ ਹਰ ਰੋਜ਼ ਕੰਮ ਕਰਦੇ ਹਨ।