ਸ਼ਾਹਰੁਖ ਖਾਨ ਨਾਲ ਹੋਏ ਵਿਵਾਦ ’ਤੇ ਖੁੱਲ੍ਹਕੇ ਬੋਲੇ ਸੰਨੀ ਦਿਓਲ!

ਮੁੰਬਈ, 2 ਨਵੰਬਰ: ਸ਼ੇਖਰ ਰਾਏ- ਬਾਲੀਵੁੱਡ ਐਕਟਰ ਸੰਨੀ ਦਿਓਲ ਹਾਲਹੀ ਵਿਚ ਕਰਨ ਜੌਹਰ ਦੇ ਮਸ਼ਹੂਰ ਚੈਟ ਸ਼ੋਅ ‘ਕੌਫੀ ਵਿਦ ਕਰਨ ਸੀਜ਼ਨ 8’ ਵਿਚ ਪਹੁੰਚੇ ਜਿਥੇ ਉਨ੍ਹਾਂ ਤੋਂ ਕਈ ਤਰਾਂ ਦੇ ਸਵਾਲ ਕਰਨ ਨੇ ਪੁੱਛੇ ਇਸੇ ਦੌਰਾਨ ਕਰਨ ਨੇ ਸੰਨੀ ਤੋਂ ਉਹ ਸਵਾਲ ਪੁੱਛ ਲਿਆ ਜੋ ਸ਼ਾਇਦ ਹਰ ਕਿਸੇ ਦੇ ਦਿਲ ਵਿਚ ਹੋਵੇਗਾ। ਕਰਨ ਨੇ ਪੁੱਛਿਆ ਕਿ ਸ਼ਾਹਰੁਖ, ਸਲਮਾਨ ਤੇ ਅਕਸ਼ੇ ਕੁਮਾਰ ਦੀਆਂ ਕਿਹੜੀਆਂ ਐਸੀਆਂ ਗੱਲਾਂ ਨੇ ਜੋ ਤੁਹਾਨੂੰ ਪਸੰਦ ਨਹੀਂ। ਸੰਨੀ ਦਿਓਲ ਨੇ ਵੀ ਬਿਨਾ ਝਿਜਕੇ ਇਸ ਉੱਪਰ ਆਪਣੇ ਵਿਚਾਰ ਪੇਸ਼ ਕੀਤੇ ਹਾਲਾਂਕਿ ਸ਼ਾਹਰੁਖ ਬਾਰੇ ਬੋਲੀ ਗੱਲ ਉੱਪਰ ਕਰਨ ਜੌਹਰ ਦੇ ਵੀ ਰਿਐਕਸ਼ਨ ਬਦਲ ਗਏ ਅਜਿਹਾ ਕੀ ਆਖ ਦਿੱਤਾ ਸੰਨੀ ਦਿਓਲ ਨੇ ਸ਼ਾਹਰੁਖ ਖਾਨ ਬਾਰੇ ਆਓ ਤੁਹਾਨੂੰ ਵੀ ਦੱਸਦੇ ਹਾਂ।
ਕਰਨ ਜੌਹਰ ਦਾ ਮਸ਼ਹੂਰ ਚੈਟ ਸ਼ੋਅ ’ਕੌਫੀ ਵਿਦ ਕਰਨ ਸੀਜ਼ਨ 8’ ਸ਼ੁਰੂ ਹੋ ਗਿਆ ਹੈ ਅਤੇ ਇਸ ਸੀਜ਼ਨ ਦਾ ਪਹਿਲਾ ਐਪੀਸੋਡ ਰਣਵੀਰ ਸਿੰਘ-ਦੀਪਿਕਾ ਨਾਲ ਸ਼ੁਰੂ ਹੋਇਆ ਹੈ। ਹੁਣ ਸੰਨੀ ਦਿਓਲ ਅਤੇ ਉਨ੍ਹਾਂ ਦੇ ਭਰਾ ਬੌਬੀ ਦਿਓਲ ਦੂਜੇ ਐਪੀਸੋਡ ਵਿੱਚ ਨਜ਼ਰ ਆਏ ਹਨ। ਇਸ ਦੌਰਾਨ ਸੰਨੀ ਦਿਓਲ ਸ਼ਾਹਰੁਖ, ਸਲਮਾਨ ਅਤੇ ਅਕਸ਼ੈ ਬਾਰੇ ਖੁਲ ਕੇ ਬੋਲੇ ਹਨ।
’ਕੌਫੀ ਵਿਦ ਕਰਨ ਸੀਜ਼ਨ 8’ ਦੇ ਦੂਜੇ ਐਪੀਸੋਡ ’ਚ ‘ਗਦਰ 2’ ਅਦਾਕਾਰ ਸੰਨੀ ਦਿਓਲ ਆਪਣੇ ਛੋਟੇ ਭਰਾ ਬੌਬੀ ਦਿਓਲ ਨਾਲ ਪਹੁੰਚੇ। ਇਸ ਚੈਟ ਸ਼ੋਅ ’ਚ ਕਰਨ ਜੌਹਰ ਆਪਣੇ ਮਹਿਮਾਨਾ ਦੇ ਢਿੱਡ ’ਚੋਂ ਗੱਲਾਂ ਕੱਢਣ ’ਚ ਮਾਹਿਰ ਨੇ ਅਤੇ ਸੰਨੀ ਦਿਓਲ ’ਤੇ ਵੀ ਕਾਫੀ ਕੁਝ ਕੱਢਿਆ ਹੈ। ਸੰਨੀ ਨੇ ਇਹ ਵੀ ਦੱਸਿਆ ਕਿ ਸ਼ਾਹਰੁਖ, ਸਲਮਾਨ ਅਤੇ ਅਕਸ਼ੈ ਕੁਮਾਰ ਦੀਆਂ ਕਿਹੜੀਆਂ ਆਦਤਾਂ ਉਸ ਨੂੰ ਬੁਰੀਆਂ ਲੱਗਦੀਆਂ ਹਨ।
ਆਪਣੇ ਸ਼ੋਅ ਦੇ ਰੈਪਿਡ ਫਾਇਰ ਦੌਰ ਵਿੱਚ, ਕਰਨ ਜੌਹਰ ਨੇ ਸੰਨੀ ਦਿਓਲ ਨੂੰ ਸ਼ਾਹਰੁਖ ਖਾਨ, ਸਲਮਾਨ ਖਾਨ ਅਤੇ ਅਕਸ਼ੈ ਕੁਮਾਰ ਦੀਆਂ ਖੂਬੀਆਂ ਅਤੇ ਕਮਜ਼ੋਰੀਆਂ ਬਾਰੇ ਸਵਾਲ ਕੀਤਾ। ਜਿਵੇਂ ਕਿ ਅਸੀਂ ਸਾਰੇ ਸਾਲਾਂ ਤੋਂ ਜਾਣਦੇ ਹਾਂ ਕਿ ਸ਼ਾਹਰੁਖ ਖਾਨ ਅਤੇ ਸੰਨੀ ਦਿਓਲ ਵਿਚਕਾਰ ਉਨ੍ਹਾਂ ਦੇ ਕਰੀਅਰ ਦੀ ਸ਼ੁਰੂਆਤ ਵਿੱਚ ਹੀ ਆਪਸੀ ਦਰਾਰ ਸੀ ਅਤੇ ਕਈ ਸਾਲਾਂ ਤੱਕ ਦੋਵਾਂ ਵਿਚਕਾਰ ਕੋਈ ਗੱਲਬਾਤ ਨਹੀਂ ਹੋਈ ਸੀ।
ਫਿਲਮ ‘ਡਰ’ ਦੇ ਸੈੱਟ ’ਤੇ ਦੋਵਾਂ ਵਿਚਾਲੇ ਸ਼ੁਰੂ ਹੋਏ ਝਗੜੇ ਤੋਂ ਬਾਅਦ ਸ਼ਾਹਰੁਖ ਅਤੇ ਸੰਨੀ ਮੁੜ ਕਦੇ ਇਕੱਠੇ ਨਜ਼ਰ ਨਹੀਂ ਆਏ। ਹਾਲਾਂਕਿ ਇੰਨੇ ਸਾਲਾਂ ਬਾਅਦ ਜਿੱਥੇ ਸੰਨੀ ਦੀ ਫਿਲਮ ‘ਗਦਰ 2’ ਨੇ ਹਲਚਲ ਮਚਾ ਦਿੱਤੀ, ਉਥੇ ਹੀ ਸ਼ਾਹਰੁਖ ਦੀ ‘ਜਵਾਨ’ ਨੇ ਵੀ ਰਿਕਾਰਡ ਤੋਂ ਬਾਅਦ ਰਿਕਾਰਡ ਕਾਇਮ ਕੀਤੇ। ਇਸ ਸ਼ੋਅ ’ਚ ਸੰਨੀ ਦਿਓਲ ਨੇ ਸ਼ਾਹਰੁਖ ਦੀਆਂ ਖੂਬੀਆਂ ਅਤੇ ਕਮਜ਼ੋਰੀਆਂ ’ਤੇ ਵੀ ਚਰਚਾ ਕੀਤੀ।
ਸੰਨੀ ਨੇ ਕਿਹਾ ਕਿ ਉਹ ਪਸੰਦ ਕਰਦੇ ਹਨ ਕਿ ਸ਼ਾਹਰੁਖ ਇੰਨਾ ਮਿਹਨਤੀ ਹੈ। ਉਸ ਨੇ ਇਹ ਵੀ ਦੱਸਿਆ ਕਿ ਉਹ ਅਦਾਕਾਰ ਬਾਰੇ ਕੀ ਨਾਪਸੰਦ ਕਰਦਾ ਹੈ। ਸੰਨੀ ਨੇ ਕਿਹਾ- ਸ਼ਾਹਰੁਖ ਨੇ ਐਕਟਰਜ਼ ਨੂੰ ਵਸਤੂਆਂ ਵਾਂਗ ਬਣਾ ਦਿੱਤਾ ਹੈ। ਸੰਨੀ ਦੇ ਇਹ ਸ਼ਬਦ ਸੁਣ ਕੇ ਕਰਨ ਨੇ ਰਿਐਕਸ਼ਨ ਦੇ ਕੇ ਕਿਹਾ- ਹੇ ਭਗਵਾਨ। ਸੰਨੀ ਸ਼ਾਇਦ ਸ਼ਾਹਰੁਖ ਖਾਨ ਦੇ ਕਈ ਬ੍ਰਾਂਡ ਡੀਲਾਂ ਦਾ ਜ਼ਿਕਰ ਕਰ ਰਹੇ ਸੀ। ਸ਼ਾਹਰੁਖ ਸਟੀਲ ਦੀਆਂ ਰਾਡਾਂ ਤੋਂ ਲੈ ਕੇ ਘਰ ਦੇ ਫਰਨੀਚਰ ਤੱਕ ਹਰ ਤਰ੍ਹਾਂ ਦੇ ਉਤਪਾਦਾਂ ਦਾ ਚਿਹਰਾ ਹੈ ਅਤੇ ਵਿਮਲ ਇਲਾਇਚੀ ਵਰਗੇ ਹਰ ਤਰ੍ਹਾਂ ਦੇ ਉਤਪਾਦਾਂ ਦਾ ਚਿਹਰਾ ਹੈ।
ਜਦੋਂ ਸੰਨੀ ਨੂੰ ਅਕਸ਼ੈ ਕੁਮਾਰ ਬਾਰੇ ਪੁੱਛਿਆ ਗਿਆ ਤਾਂ ਉਸ ਨੇ ਕਿਹਾ ਕਿ ਉਹ ਸਕ੍ਰਿਪਟ ਵਿੱਚ ਕਿੰਨੇ ਅਨੁਸ਼ਾਸਿਤ ਹਨ ਇਹ ਉਨ੍ਹਾਂ ਨੂੰ ਬਹੁਤ ਪਸੰਦ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਇਹ ਗੱਲ ਪਸੰਦ ਨਹੀਂ ਹੈ ਕਿ ਅਕਸ਼ੇ ਹਰ ਸਾਲ ਇੰਨੀਆਂ ਫਿਲਮਾਂ ਰਿਲੀਜ਼ ਕਰਦੇ ਹਨ।
ਇਸ ਸਾਲ ਅਕਸ਼ੇ ਦੀਆਂ ‘ਸੈਲਫੀ’ ਅਤੇ ‘ਮਿਸ਼ਨ ਰਾਨੀਗੰਜ’ ਰਿਲੀਜ਼ ਹੋਈਆਂ ਸਨ। ਉਸ ਕੋਲ ਅੱਧੀ ਦਰਜਨ ਦੇ ਕਰੀਬ ਫਿਲਮਾਂ ਵੀ ਪਾਈਪਲਾਈਨ ਵਿੱਚ ਹਨ, ਜਿਨ੍ਹਾਂ ਵਿੱਚ ‘ਵੈਲਕਮ ਟੂ ਦਾ ਜੰਗਲ’, ‘ਹੇਰਾ ਫੇਰੀ 3’, ‘ਬੜੇ ਮੀਆਂ ਛੋਟੇ ਮੀਆਂ’ ਅਤੇ ‘ਸਿੰਘਮ ਅਗੇਨ’ ਤੋਂ ਇਲਾਵਾ ਸੂਰਰਾਏ ਪੋਤਰੂ ਰੀਮੇਕ ਫਿਲਮ ਵੀ ਸ਼ਾਮਲ ਹੈ।
ਜਦੋਂ ਕਰਨ ਨੇ ਸੰਨੀ ਨੂੰ ਸਲਮਾਨ ਖਾਨ ਦੀਆਂ ਖੂਬੀਆਂ ਅਤੇ ਕਮੀਆਂ ਬਾਰੇ ਪੁੱਛਿਆ ਤਾਂ ਉਨ੍ਹਾਂ ਨੇ ਸ਼ਾਨਦਾਰ ਜਵਾਬ ਦਿੱਤਾ। ਸੰਨੀ ਨੇ ਕਿਹਾ ਕਿ ਸਲਮਾਨ ਬਹੁਤ ਦਿਆਲੂ ਹਨ ਅਤੇ ਉਨ੍ਹਾਂ ਨੂੰ ਉਨ੍ਹਾਂ ਦਾ ਅੰਦਾਜ਼ ਬਹੁਤ ਪਸੰਦ ਹੈ।
ਉਥੇ ਹੀ ਸੰਨੀ ਨੇ ਕਿਹਾ ਕਿ ਉਹ ਹਰ ਕਿਸੇ ਨੂੰ ਬਾਡੀ ਬਿਲਡਰ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਹਨ। ਬੌਬੀ ਨੇ ‘ਮਾਮੂ’ ਸਲਮਾਨ ਖਾਨ ਬਾਰੇ ਵੀ ਕੁਝ ਗੱਲਾਂ ਕਹੀਆਂ ਅਤੇ ਦੱਸਿਆ ਕਿ ਕਿਵੇਂ ਉਨ੍ਹਾਂ ਨੇ ‘ਰੇਸ 3’ ’ਚ ਉਨ੍ਹਾਂ ਨੂੰ ਰੋਲ ਆਫਰ ਕੀਤਾ ਸੀ। ਸਲਮਾਨ ਨੇ ਉਸ ਨੂੰ ਪੁੱਛਿਆ ਸੀ- ਕੀ ਤੁਸੀਂ ਆਪਣੀ ਕਮੀਜ਼ ਉਤਾਰੋਗੇ?