ਮਿਸਟਰ ਸਿੰਘਸ ਪੀਜ਼ਾ ਦੀ ਨਵੀਂ ਲੋਕੇਸ਼ਨ 'ਤੇ ਹਜ਼ਾਰਾਂ ਦੀ ਗਿਣਤੀ 'ਚ ਪਹੁੰਚੇ ਲੋਕ

ਓਨਟਾਰੀਓ, 12 ਮਈ (ਗੁਰਜੀਤ ਕੌਰ)- ਕੈਨੇਡਾ 'ਚ ਸ਼ੁੱਧ ਸ਼ਾਕਾਹਾਰੀ ਪੀਜ਼ਾ ਖਾਣਾ ਹੋਵੇ ਤਾਂ ਸਾਰਿਆਂ ਦੇ ਮਨ 'ਚ ਸਭ ਤੋਂ ਪਹਿਲਾਂ ਮਿਸਟਰ ਸਿੰਘਸ ਪੀਜ਼ਾ ਦਾ ਹੀ ਨਾਮ ਆਉਂਦਾ ਹੈ। ਮਿਸਟਰ ਸਿੰਘਸ ਪੀਜ਼ਾ ਦੀਆਂ ਪਹਿਲਾਂ ਵੀ ਕਈ ਲੋਕੇਸ਼ਨਸ ਹਨ ਅਤੇ ਹੁਣ ਬਰੈਂਪਟਨ ਵੈਸਟ 'ਚ ਇੱਕ ਹੋਰ ਨਵੇਂ ਸਟੋਰ ਖੋਲਿਆ ਗਿਆ ਹੈ ਜਿਸ ਦੀ ਗ੍ਰੈਂਡ ਓਪਨਿੰਗ ਮੌਕੇ ਸਮਾਗਮ ਕਰਵਾਇਆ ਗਿਆ। ਨਵੇਂ ਸਟੋਰ ਦੀ ਗ੍ਰੈਂਡ ਓਪਨਿੰਗ ਮੌਕੇ ਲੋਕਾਂ ਦਾ ਭਾਰੀ ਇਕੱਠ ਦੇਖਣ ਨੂੰ ਮਿਲਿਆ। ਗ੍ਰੈਂਡ ਓਪਨਿੰਗ ਮੌਕੇ ਮਿਸਟਰ ਸਿੰਘਸ ਪੀਜ਼ਾ ਵੱਲੋਂ ਲੋਕਾਂ ਨੂੰ ਫ੍ਰੀ ਪੀਜ਼ਾ ਦਿੱਤਾ ਗਿਆ ਅਤੇ ਸਟੋਰ ਦੇ ਬਾਹਰ ਪੀਜ਼ਾ ਲੈਣ ਲਈ ਲੰਮੀਆਂ ਕਤਾਰਾਂ ਲੱਗੀਆਂ ਹੋਈਆਂ ਸਨ।

ਇਸ ਖਾਸ ਮੌਕੇ 'ਤੇ ਪਹੁੰਚੇ ਲੋਕਾਂ ਵੱਲੋਂ ਆਪਣੀ ਖੁਸ਼ੀ ਜਾਹਰ ਕੀਤੀ ਗਈ ਅਤੇ ਉਨ੍ਹਾਂ ਕਿਹਾ ਕਿ ਮਿਸਟਰ ਸਿੰਘਸ ਪੀਜ਼ਾ 'ਚ ਸਭ ਕੁੱਝ ਸ਼ਾਕਾਹਾਰੀ ਮਿਲਦਾ ਹੈ ਅਤੇ ਇੰਨ੍ਹਾਂ ਦੇ ਸਟਾਫ ਵੱਲੋਂ ਵੀ ਦੁਮਾਲੇ ਸਜਾ ਕੇ ਪੂਰੀ ਤਰ੍ਹਾਂ ਸਾਫ਼-ਸਫ਼ਾਈ ਨਾਲ ਕੰਮ ਕੀਤਾ ਜਾਂਦਾ ਹੈ, ਜਿਸ ਕਾਰਨ ਮਿਸਟਰ ਸਿੰਘਸ ਪੀਜ਼ਾ ਲੋਕਾਂ ਦੀ ਪਹਿਲੀ ਪਸੰਦ ਹੈ। ਲੋਕਾਂ ਵੱਲੋਂ ਮਿਸਟਰ ਸਿੰਘਸ ਪੀਜ਼ਾ ਦੇ ਸਟਾਫ ਅਤੇ ਸਰਵਿਸ ਦੀ ਕਾਫੀ ਤਾਰੀਫ਼ ਕੀਤੀ ਗਈ। ਦੱਸਦਈਏ ਕਿ ਗ੍ਰੈਂਡ ਓਪਨਿੰਗ ਮੌਕੇ ਫ੍ਰੀ ਪੀਜ਼ਾ ਦੇ ਨਾਲ-ਨਾਲ ਚਾਹ, ਸਮੋਸੇ ਅਤੇ ਪਕੌੜਿਆਂ ਦਾ ਵੀ ਲੰਗਰ ਲਗਾਇਆ ਸੀ।

ਮਿਸਟਰ ਸਿੰਘਸ ਪੀਜ਼ਾ ਦੀ ਪੰਜਵੀਂ ਲੋਕੇਸ਼ਨ ਦੀ ਗ੍ਰੈਂਡ ਓਪਨਿੰਗ ਮੌਕੇ ਕਈ ਨੇਤਾ ਵੀ ਆਏ ਹੋਏ ਸਨ। ਬਰੈਂਪਟਨ ਵੈਸਟ ਤੋਂ ਐੱਮਪੀ ਕਮਲ ਖਹਿਰਾ, ਬਰੈਂਪਟਨ ਵੈਸਟ ਤੋਂ ਐੱਮਪੀਪੀ ਅਮਰਜੋਤ ਸੰਧੂ, ਮਾਲਟਨ, ਮਿਸੀਸਾਗਾ ਤੋਂ ਐੱਮਪੀ ਇਕਵਿੰਦਰ ਗਹੀਰ, ਵਾਰਡ 2/6 ਦੇ ਰਿਜ਼ਨਲ ਕਾਊਂਸਲਰ ਨਵਜੀਤ ਕੌਰ ਬਰਾੜ ਅਤੇ ਵਾਰਡ 7/8 ਤੋਂ ਸਿਟੀ ਕਾਊਂਸਲਰ ਰੋਡ ਪਾਵਰ ਪਹੁੰਚੇ ਅਤੇ ਉਨ੍ਹਾਂ ਵੱਲੋਂ ਮਿਸਟਰ ਸਿੰਘਸ ਪੀਜ਼ਾ ਦੇ ਮਾਲਕਾਂ ਨੂੰ ਵਧਾਈ ਦਿੱਤੀ ਗਈ ਅਤੇ ਕਿਹਾ ਕਿ ਇਨ੍ਹਾਂ ਵੱਲੋਂ ਆਪਣੇ ਸੱਭਿਆਚਾਰ ਨੂੰ ਆਪਣੇ ਕੰਮ ਰਾਹੀਂ ਪ੍ਰੋਮੋਟ ਕੀਤਾ ਕਾ ਰਿਹਾ ਹੈ ਜੋ ਕਿ ਬਹੁਤ ਚੰਗੀ ਅਤੇ ਮਾਣ ਵਾਲੀ ਗੱਲ ਹੈ।

(ਤਸਵੀਰਾਂ: ਰੀਤਇੰਦਰ ਸਿੰਘ ਗਰੇਵਾਲ)