ਫਿਲਮ ‘ਪਰਿੰਦਾ ਪਾਰ ਗਿਆ’ ਦਾ ਟ੍ਰੇਲਰ ਰਿਲੀਜ਼: ਗੁਰਨਾਮ ਭੁੱਲਰ ਦੇ ਨਵੇਂ ਰੂਪ ਨਾਲ ਹੋ ਜਾਵੇਗਾ ਪਿਆਰ

ਚੰਡੀਗੜ੍ਹ, 15 ਨਵੰਬਰ: ਸ਼ੇਖਰ ਰਾਏ- ਪੰਜਾਬੀ ਗਾਇਕ ਤੇ ਐਕਟਰ ਗੁਰਨਾਮ ਭੁੱਲਰ ਤੇ ਰੁਪੀ ਗਿੱਲ ਸਟਾਰਰ ਫਿਲਮ ‘ਪਰਿੰਦਾ ਪਾਰ ਗਿਆ’ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਜਿਸਨੂੰ ਦੇਖਣ ਤੋਂ ਬਾਅਦ ਮੈਂ ਇਹ ਜ਼ਰੂਰ ਕਹਿਣਾ ਚਾਹੁੰਗਾ ਕਿ ਇਹ ਫਿਲਮ ਗੁਰਨਾਮ ਭੁੱਲਰ ਦੇ ਫਿਲਮੀ ਕਰੀਅਰ ਲਈ ਇਕ ਹੋਰ ਨਵਾਂ ਮੋੜ ਸਾਬਿਤ ਹੋਣ ਵਾਲੀ ਹੈ ਅਤੇ ਗੁਰਨਾਮ ਦੇ ਨਾਲ ਰੁਪੀ ਗਿੱਲ ਦੀ ਜੋੜੀ ਬਹੁਤ ਹੀ ਕਮਾਲ, ਉਭਰਦੇ ਸਿਤਾਰਿਆਂ ਵਿਚੋਂ ਇਕ ਨਾਮ ਰੁਪੀ ਗਿੱਲ ਕਮਾਲ ਦੀ ਅਦਾਕਾਰੀ ਇਨ੍ਹਾਂ ਤੋਂ ਇਲਾਵਾ ਗੁਰਨਜ਼ਰ ਚੱਠਾ ਨੂੰ ਕੋਈ ਕਿਵੇਂ ਭੁੱਲ ਸਕਦਾ ਹੈ। ਨੈਗੇਟਿਵ ਕਿਰਦਾਰ ਵਿਚ ਦਿਖਾਈ ਦਿੱਤਾ ਗੁਰਨਜ਼ਰ ਟ੍ਰੇਲਰ ਨੂੰ ਖਾ ਗਿਆ। ਸੋ ਇਸ ਦਮਦਾਰ ਤਿਕੜੀ ਦੇ ਨਾਲ ਕਿਵੇਂ ਦਾ ਰਿਹਾ ‘ਪਰਿੰਦਾ ਪਾਰ ਗਿਆ’ ਦਾ ਟ੍ਰੇਲਰ ਆਓ ਵਿਸਥਾਰ ਵਿਚ ਦੱਸਦੇ ਹਾਂ
ਨਿਊ ਏਜ ਮਿਉਜ਼ਿਕਲ ਪੰਜਾਬੀ ਫਿਲਮ ‘ਪਰਿੰਦਾ ਪਾਰ ਗਿਆ’ ਪਹਿਲੀ ਅਜਿਹੀ ਪੰਜਾਬੀ ਫਿਲਮ ਸਾਬਤ ਹੋਣ ਦੇ ਰਾਹ ਉੱਪਰ ਹੈ ਜਿਸ ਕਿਸੇ ਕਲਾਕਾਰ ਦੀ ਜ਼ਿੰਦਗੀ ਦੇ ਹਨੇਰਿਆ ਅਸਲ ਜ਼ਿੰਦਗੀ ਦੇ, ਸੰਘਰਸ਼ਾਂ ਨੂੰ ਅਤੇ ਇਕ ਕਲਾਕਾਰ ਦੀ ਸੋਚ ਤੇ ਆਮ ਲੋਕਾਂ ਦੀ ਸੋਚ ਵਿਚਲੇ ਫਰਕ ਨੂੰ ਦਿਖਾਇਆ ਜਾਣ ਵਾਲਾ ਹੈ। ਫਿਲਮ ਦਾ ਟ੍ਰੇਲਰ ਰਿਲੀਜ਼ ਕਰ ਦਿੱਤਾ ਗਿਆ ਹੈ। ਜੋ ਉਮੀਦ ਤੋਂ ਥੋੜਾ ਉੱਪਰ ਹੀ ਦਿਖਾਈ ਦੇ ਰਿਹਾ ਹੈ।
ਰੌਕਸਟਾਰ ਲੁੱਕ ਦੇ ਵਿਚ ਗੁਰਨਾਮ ਭੁੱਲਰ ਸ਼ਾਹਨਦਾਰ ਦਿਖਾਈ ਦੇ ਰਹੇ ਹਨ। ਉਥੇ ਹੀ ਇਸ਼ਕ ਵਿਚ ਠੋਕਰ ਖਾਇਆ ਇਹ ਕਲਾਕਾਰ ਜੋ ਆਮ ਦੁਨੀਆਦਾਰੀ ਦੀਆਂ ਗੱਲਾਂ ਤੋਂ ਥੋੜਾ ਅੰਜਾਨ ਦਿਖਾਈ ਦਿੰਦਾ ਹੈ। ਕਿਵੇਂ ਸਟਾਰ ਬਣਦਾ ਹੈ ਤੇ ਸਟਾਰ ਤੋਂ ਸੁਪਰ ਸਟਾਰ। ਪਰ ਦੁਨੀਆ ਦੇ ਕਦਮਾ ਨਾਲ ਕਦਮ ਮਿਲਾਉਣ ਵਿਚ ਕਾਮਿਆਬ ਹੋ ਪਾਉਂਦਾ ਹੈ ਜਾਂ ਨਹੀਂ ਬੱਸ ਇਕ ਇਹੀ ਗੁਰਨਾਮ ਭੁੱਲਰ ਨੇ ਆਪਣੇ ਇਸ ਖੁਬਸੂਰਤ ਕਿਰਦਾਰ ਨਾਲ ਬਿਆਨ ਕਰਨ ਦੀ ਕੋਸ਼ੀਸ਼ ਕੀਤੀ ਹੈ। ਜਿਸਦੇ ਵਿਚ ਉਹ ਕਾਫੀ ਹੱਦ ਤੱਕ ਕਾਮਿਆਬ ਦਿਖਾਈ ਦੇ ਰਹੇ ਹਨ।
ਗੁਰਨਾਮ ਭੁੱਲਰ ਦੇ ਆਪਾਜ਼ਿਟ ਤੁਹਾਨੂੰ ਪੰਜਾਬੀ ਅਦਾਕਾਰਾ ਰੁਪੀ ਗਿੱਲ ਦਿਖਾਈ ਦੇ ਰਹੀ ਹੈ। ਰੁਪੀ ਗਿੱਲ ਦੀ ਸਾਦਗੀ ਤੁਹਾਨੂੰ ਆਪਣਾ ਦਿਵਾਨਾ ਬਣਾ ਲਵੇਗੀ। ਟ੍ਰੇਲਰ ਵਿਚ ਜਿੰਨੇ ਵੀ ਸੀਨ ਰੁਪੀ ਗਿੱਲ ਦੇ ਦਿਖਾਈ ਦਿੰਦੇ ਹਨ। ਉਹ ਹਰ ਸੀਨ ਨੂੰ ਆਪਣੇ ਐਕਸਪ੍ਰੈਸ਼ਨਜ਼ ਨਾਲ ਹੀ ਜਿੱਤ ਲੈਂਦੀ ਹੈ। ਟ੍ਰੇਲਰ ਵਿਚ ਪੂਰੇ 2 ਮਿੰਟ ਉੱਪਰ ਦਿਖਾਈ ਦੇਣ ਵਾਲਾ ਰੁਪੀ ਗਿੱਤ ਤੇ ਗੁਰਨਾਮ ਭੁੱਲਰ ਵਾਲਾ ਸੀਨ ਤੁਹਾਡੇ ਹੋਸ਼ ਉਡਾ ਦਵੇਗਾ3 ਸੀਨ ਵਿਚ ਕੀ ਹੈ ਮੈਂ ਨਹੀਂ ਦਸਾਂਗਾ ਨਹੀਂ ਤਾਂ ਤੁਹਾਡਾ ਟ੍ਰੇਲਰ ਦੇਖਣ ਦਾ ਮਜ਼ਾ ਖਰਾਬ ਹੋ ਜਾਏਗਾ।
ਜਿਥੇ ਇਕ ਹਿਰੋ ਹੁੰਦਾ ਹੈ। ਉਥੇ ਵਿਲਨ ਨਾ ਹੋਵੇ ਤਾਂ ਗੱਲ ਨਹੀਂ ਬਣਦੀ.. ਸੋ ਇਸ ਫਿਲਮ ਵਿਚ ਤੁਹਾਨੂੰ ਗਾਇਕੀ ਤੋਂ ਬਾਅਦ ਪਹਿਲੀ ਵਾਰ ਅਦਾਕਾਰੀ ਦੀ ਸ਼ੁਰੂਆਤ ਕਰਨ ਵਾਲਾ ਗੁਰਨਜ਼ਰ ਚੱਠਾ ਦਿਖਾਈ ਦੇ ਰਿਹਾ ਹੈ। ਜਿਸ ਨੇ ਪਹਿਲੀ ਵਾਰ ਵਿਚ ਹੀ ਆਪਣੀ ਦਮਦਾਰ ਅਦਾਕਾਰੀ ਦਾ ਸਬੂਤ ਦੇ ਦਿੱਤਾ ਹੈ। ਟ੍ਰੇਲਰ ਦੇ ਜਿੰਨੇ ਸੀਨਜ਼ ਵਿਚ ਗੁਰਨਜ਼ਰ ਨਜ਼ਰ ਆਉਂਦਾ ਹੈ ਆਪਣੇ ਕਿਰਦਾਰ ਨਾਲ ਜੁੜਿਆ ਹੋਇਆ ਦਿਖਾਈ ਦਿੰਦਾ ਹੈ ਅਤੇ ਜੋ ਡਾਇਲਾਗਜ਼ ਗੁਰਨਜ਼ਰ ਨੋ ਬੋਲੇ ਉਨ੍ਹਾਂ ਨੂੰ ਬੋਲਣ ਦਾ ਅੰਦਾਜ਼ ਅਤੇ ਉਸਦੀ ਆਵਾਜ਼ ਨੂੰ ਸੁਣਕੇ ਇਹ ਨਹੀਂ ਲਗਦਾ ਕਿ ਇਹ ਉਸਦੀ ਪਹਿਲੀ ਫਿਲਮ ਹੈ। ਸਾਡੇ ਵੱਲੋਂ ਗੁਰਨਜ਼ਰ ਚੱਠਾ ਨੂੰ ਇਸ ਚੰਗੀ ਸ਼ੁਰੂਆਤ ਲਈ ਮੁਬਾਰਕਾਂ।
’ਪਰਿੰਦਾ ਪਾਰ ਗਿਆ’ ਦੀ ਕਹਾਣੀ ਥਾਪਰ ਨੇ ਲਿੱਖੀ ਹੈ ਅਤੇ ਇਸ ਫਿਲਮ ਨੂੰ ਕਸ਼ਿਤਿਜ ਚੌਧਰੀ ਨੇ ਡਾਇਰੈਕਟ ਕੀਤਾ ਹੈ। ਇਸ ਫਿਲਮ ਨੂੰ ਗੁਰਪ੍ਰੀਤ ਸਿੰਘ ਗੋਗਾ, ਰਵੀ ਢਿੱਲੋਂ, ਜਗਦੀਪ ਰੈਹਲ, ਜਸਵਿੰਦਰ ਤੂਰ ਵੱਲੋਂ ਪ੍ਰੋਡਿਊਸ ਕੀਤਾ ਗਿਆ ਹੈ।
ਕਿਉਂਕੀ ਫਿਲਮ ਇਕ ਮਿਉਜ਼ਿਕਲ ਫਿਲਮ ਹੈ ਇਸ ਲਈ ਤੁਹਾਨੂੰ ਬੜੇ ਹੀ ਕਮਾਲ ਦੇ ਗਾਣੇ ਫਿਲਮ ਵਿਚ ਗੁਰਨਾਮ ਭੁੱਲਰ ਅਤੇ ਗੁਰਨਜ਼ਰ ਚੱਠਾ ਦੀ ਆਵਾਜ਼ ਵਿਚ ਸੁਣਾਈ ਦੇਣ ਵਾਲੇ ਹਨ। ਕੁੱਝ ਗਾਣੇ ਪਹਿਲਾਂ ਵੀ ਰਿਲੀਜ਼ ਕੀਤੇ ਜਾ ਚੁੱਕੇ ਹਨ ਜਿਨ੍ਹਾਂ ਵਿਚੋਂ ਇਕ ਫਿਲਮ ਦਾ ਟਾਈਟਲ ਟ੍ਰੈਕ ’ਪਰਿੰਦਾ ਪਾਰ ਗਿਆ’ ਹੈ ਅਤੇ ਦੂਜਾ ਇਜਾਜ਼ਤ ਗਾਣਾ ਹੈ। ਤੁਹਾਨੂੰ ਦੱਸ ਦਈਏ ਕਿ ਫਿਲਮ 24 ਨਵੰਬਰ ਨੂੰ ਦੁਨੀਆ ਭਰ ਦੇ ਸਿਨੇਮਾ ਘਰਾਂ ਵਿਚ ਰਿਲੀਜ਼ ਹੋਣ ਜਾ ਰਹੀ ਹੈ।