ਪੰਜਾਬੀ ਗਾਇਕ ਹਾਰਡੀ ਸੰਧੂ ਨਾਲ ਹੋਈ ਕੋਝੀ ਹਰਕਤ!

ਚੰਡੀਗੜ੍ਹ, 1 ਨਵੰਬਰ: ਸ਼ੇਖਰ ਰਾਏ- ਪੰਜਾਬੀ ਮਿਉਜ਼ਿਕ ਤੇ ਫਿਲਮ ਇੰਡਸਟਰੀ ਦੀ ਮਸ਼ਹੂਰ ਨਾਮ ਹਾਰਡੀ ਸੰਧੂ ਜਿਨ੍ਹਾਂ ਦੀ ਚਰਚਾ ਬਾਲੀਵੁੱਡ ਤੱਕ ਹੈ। ਹਾਰਡੀ ਸੰਧੂ ਨੂੰ ਲੈ ਕੇ ਇਕ ਵੱਡੀ ਖਬਰ ਸਾਹਮਣੇ ਆਈ ਹੈ ਜਿਸਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਕਮਾਲ ਦੀ ਆਵਾਜ਼ ਦੇ ਮਾਲਕ ਹਾਲਡੀ ਸੰਧੂ ਦੀ ਪ੍ਰਸਨੈਲਟੀ ਨੂੰ ਵੀ ਲੋਕ ਕਾਫੀ ਪਸੰਦ ਕਰਦੇ ਹਨ। ਹਰ ਕੋਈ ਹਾਰਡੀ ਸੰਧੂ ਨੂੰ ਸੁਨਣਾ ਅਤੇ ਉਸ ਨਾਲ ਤਸਵੀਰਾਂ ਖਿਚਵਾਉਣਾ ਚਾਹੁੰਦਾ ਹੈ ਪਰ ਹਾਲ ਹੀ ਵਿਚ ਹਾਰਡੀ ਸੰਧੂ ਨੇ ਅਜਿਹਾ ਖੁਲਾਸਾ ਕੀਤਾ ਹੈ ਜਿਸ ਨੂੰ ਜਾਣਕੇ ਤੁਸੀਂ ਚੌਕ ਜਾਓਗੇ ਜੀ ਹਾਲਡੀ ਸੰਧੂ ਨੇ ਉਸ ਨਾਲ ਹੋਈ ਛੇੜਛਾੜ ਬਾਰੇ ਗੱਲ ਕੀਤੀ ਹੈ।
ਪੰਜਾਬੀ ਗਾਇਕ ਤੇ ਐਕਟਰ ਹਾਰਡੀ ਸੰਧੂ ਬਾਰੇ ਆਈ ਖਬਰ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਤੁਸੀਂ ਆਮ ਤੌਰ ਤੇ ਸੁਣਿਆ ਹੋਣਾ ਕਿ ਕੁੜੀਆਂ ਨਾਲ ਜਾਂ ਐਕਟਰਸਜ਼ ਨਾਲ ਛੇੜਛਾੜ ਹੋਈ ਪਰ ਸ਼ਾਇਦ ਹੀ ਤੁਸੀਂ ਸੁਣਿਆ ਹੋਵੇ ਕਿ ਕਿਸੇ ਮੇਲ ਸਿੰਗਰ ਜਾਂ ਐਕਟਰ ਨਾਲ ਛੇੜਛਾੜ ਹੋਈ ਜੀ ਹਾਂ ਅਜਿਹਾ ਹੋ ਚੁੱਕਾ ਪੰਜਾਬੀ ਗਾਇਕ ਤੇ ਐਕਟਰ ਹਾਰਡੀ ਸੰਧੂ ਦੇ ਨਾਲ ਪੂਰਾ ਮਾਮਲਾ ਕੀ ਹੈ ਆਓ ਤੁਹਾਨੂੰ ਵਿਸਥਾਰ ’ਚ ਦੱਸਦੇ ਹਾਂ।
ਹਾਰਡੀ ਸੰਧੂ ਪੰਜਾਬੀ ਮਿਉਜ਼ਿਕ ਇੰਡਸਟਰੀ ਵਿਚ ਹੀ ਨਹੀਂ ਸਗੋਂ ਬਾਲੀਵੁੱਡ ਤੱਕ ਮਸ਼ਹੂਰ ਨੇ, ਆਪਣੀ ਆਵਾਜ਼ ਦੇ ਦਮ ’ਤੇ ਉਨ੍ਹਾਂ ਨੇ ਮਿਊਜ਼ਿਕ ਇੰਡਸਟਰੀ ’ਚ ਆਪਣੀ ਵੱਖਰੀ ਪਛਾਣ ਬਣਾਈ ਹੈ। ਲੋਕ ਉਸ ਦੇ ਗੀਤਾਂ ਦੇ ਦੀਵਾਨੇ ਹਨ।
ਇਨ੍ਹੀਂ ਦਿਨੀਂ ਉਹ ਮੈਡ ਇਨ ਇੰਡੀਆ ਟੂਰ ’ਤੇ ਗਏ ਹੋਏ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਹੈਰਾਨ ਕਰਨ ਵਾਲਾ ਖੁਲਾਸਾ ਵੀ ਕੀਤਾ ਹੈ। ਉਸ ਨੇ ਦੱਸਿਆ ਹੈ ਕਿ ਕਿਵੇਂ ਇਕ ਵਾਰ ਉਸ ਨੂੰ ਛੇੜਛਾੜ ਦੇ ਦਰਦ ਦਾ ਸਾਹਮਣਾ ਕਰਨਾ ਪਿਆ ਅਤੇ ਉਸ ਦੌਰਾਨ ਉਸ ਨੂੰ ਕਿਵੇਂ ਮਹਿਸੂਸ ਹੋਇਆ।
ਹਿੰਦੁਸਤਾਨ ਟਾਈਮਜ਼ ਨਾਲ ਗੱਲਬਾਤ ਕਰਦਿਆਂ ਹਾਰਡੀ ਸੰਧੂ ਨੇ ਆਪਣੇ ਨਾਲ ਵਾਪਰੀ ਇੱਕ ਵੱਡੀ ਘਟਨਾ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਹੈ। ਉਸ ਨੇ ਦੱਸਿਆ ਕਿ ਉਹ ਇਕ ਵਿਆਹ ਵਿਚ ਸਟੇਜ ’ਤੇ ਪਰਫਾਰਮ ਕਰ ਰਿਹਾ ਸੀ ਜਦੋਂ ਇਕ ਅੱਧਖੜ ਉਮਰ ਦੀ ਔਰਤ ਨੇ ਉਸ ਨਾਲ ਛੇੜਛਾੜ ਕੀਤੀ। ਇਸ ਘਟਨਾ ਦਾ ਜ਼ਿਕਰ ਕਰਦਿਆਂ ਹਾਰਡੀ ਸੰਧੂ ਭਾਵੁਕ ਹੋ ਗਏ।
ਹਾਰਡੀ ਸੰਧੂ ਨੇ ਕਿਹਾ- ਕਰੀਬ ਦੋ ਸਾਲ ਪਹਿਲਾਂ ਮੈਂ ਇੱਕ ਵਿਆਹ ਸਮਾਗਮ ਵਿੱਚ ਪਰਫਾਰਮ ਕਰਨ ਆਇਆ ਸੀ। ਮੇਰੇ ਸਾਹਮਣੇ ਤਕਰੀਬਨ 45 ਕੁ ਸਾਲਾਂ ਦੀ ਔਰਤ ਮੌਜੂਦ ਸੀ। ਉਹ ਮੇਰੇ ਗੀਤਾਂ ’ਤੇ ਜ਼ੋਰਦਾਰ ਨੱਚ ਰਹੀ ਸੀ ਅਤੇ ਮੈਨੂੰ ਦੱਸ ਰਹੀ ਸੀ ਕਿ ਉਹ ਮੇਰੇ ਨਾਲ ਕੁਝ ਸਮੇਂ ਲਈ ਸਟੇਜ ’ਤੇ ਆਉਣਾ ਚਾਹੁੰਦੀ ਹੈ।
ਹਾਰਡੀ ਸੰਧੂ ਨੇ ਅੱਗੇ ਕਿਹਾ- ਮੈਂ ਉਸ ਨੂੰ ਕਿਹਾ ਸੀ ਕਿ ਜੇਕਰ ਮੈਂ ਤੁਹਾਨੂੰ ਬੁਲਾਵਾਂਗਾ ਤਾਂ ਹੋਰ ਲੋਕ ਵੀ ਇਹੀ ਚਾਹੁਣਗੇ ਅਤੇ ਮੇਰੇ ਲਈ ਇਹ ਮੁਸ਼ਕਲ ਹੋਵੇਗਾ। ਪਰ ਉਹ ਨਾ ਮੰਨੀ ਅਤੇ ਸਟੇਜ ’ਤੇ ਆਉਣ ’ਤੇ ਜ਼ੋਰ ਦਿੱਤਾ। ਫਿਰ ਮੈਂ ਹਾਰ ਮੰਨ ਲਈ ਅਤੇ ਕਿਹਾ ਕਿ ਤੁਸੀਂ ਸਟੇਜ ’ਤੇ ਆਓ।
ਹਾਰਡੀ ਨੇ ਦੱਸਿਆ- ਜਿਵੇਂ ਹੀ ਮੈਂ ਸਟੇਜ ’ਤੇ ਆਇਆ ਤਾਂ ਔਰਤ ਨੇ ਮੈਨੂੰ ਜੱਫੀ ਪਾਉਣ ਦੀ ਇਜਾਜ਼ਤ ਮੰਗੀ। ਮੈਂ ਵੀ ਬਿਨਾਂ ਸੋਚੇ ਹਾਂ ਕਹਿ ਦਿੱਤਾ। ਇਸ ਤੋਂ ਬਾਅਦ ਉਸਨੇ ਮੈਨੂੰ ਜੱਫੀ ਪਾ ਲਈ ਅਤੇ ਮੇਰੇ ਕੰਨ ਚੱਟਣ ਲੱਗੀ। ਮੈਂ ਬਹੁਤ ਡਰਿਆ ਹੋਇਆ ਸੀ। ਮੈਂ ਕੁਝ ਸਮੇਂ ਤੋਂ ਨਹੀਂ ਆ ਰਿਹਾ ਹਾਂ। ਮੈਨੂੰ ਲੱਗਾ ਕਿ ਮੇਰੇ ਨਾਲ ਛੇੜਛਾੜ ਹੋ ਰਹੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਹਾਰਡੀ ਸੰਧੂ ਦਾ ਅਸਲੀ ਨਾਂ ਹਰਦਵਿੰਦਰ ਸਿੰਘ ਸੰਧੂ ਹੈ। ਉਸ ਨੇ ਆਪਣੇ ਗਾਇਕੀ ਕਰੀਅਰ ਦੀ ਸ਼ੁਰੂਆਤ ਆਪਣੇ ਪਹਿਲੇ ਗੀਤ ’ਟਕੀਲਾ ਸ਼ਾਟ’ ਨਾਲ ਕੀਤੀ ਸੀ। ਹਾਲਾਂਕਿ ਉਨ੍ਹਾਂ ਨੇ 2013 ’ਚ ਰਿਲੀਜ਼ ਹੋਏ ਗੀਤ ’ਸੋਚ’ ਨਾਲ ਪ੍ਰਸਿੱਧੀ ਹਾਸਲ ਕੀਤੀ। ਉਸ ਨੇ ਹੁਣ ਤੱਕ ਕਈ ਦਮਦਾਰ ਗੀਤ ਗਾਏ ਹਨ। ਲੋਕ ਉਸ ਦੇ ਮਿਊਜ਼ਿਕ ਵੀਡੀਓਜ਼ ਦੇ ਦੀਵਾਨੇ ਹਨ।