ਜਾਣੋੋ, ਸ਼ਿਲਪਾ ਸ਼ੈੱਟੀ ਦੇ ਪਤੀ ਰਾਜ ਕੁੰਦਰਾ ਦੀ ਫਿਲਮ ਦਾ ਹਾਲ

ਮੁੰਬਈ, 4 ਨਵੰਬਰ: ਸ਼ੇਖਰ ਰਾਏ- ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਦੇ ਪਤੀ ਰਾਜ ਕੁੰਦਰਾ ਦੀ ਫਿਲਮ ਯੂਟੀ69 ਬਿਤੇ ਦਿਨ ਰਿਲੀਜ਼ ਹੋ ਗਈ। ਹੁਣ ਜੋ ਲੋਕ ਤਾਂ ਇਸ ਫਿਲਮ ਨੂੰ ਦੇਖ ਆਏ ਉਨ੍ਹਾਂ ਨੂੰ ਤਾਂ ਪਤਾ ਹੈ ਫਿਲਮ ਵਿਚ ਕੀ ਹੈ। ਪਰ ਜੋ ਨਹੀਂ ਦੇਖ ਕੇ ਆਏ ਉਨ੍ਹਾਂ ਨੂੰ ਮੈਂ ਇਸ ਵੀਡੀਓ ਵਿਚ ਦੱਸਣ ਜਾ ਰਿਹਾ ਹੈ ਕਿ ਫਿਲਮ ਵਿਚ ਕੀ ਕੁੱਝ ਹੈ ਪਰ ਤੁਸੀਂ ਚਿੰਤਾ ਨਹੀਂ ਕਰਨੀ ਫਿਲਮ ਦੀ ਕਹਾਣੀ ਦਾ ਸਪੋਲਿੲਰ ਮੈਂ ਤੁਹਾਨੂੰ ਨਹੀਂ ਦਵਾਂਗਾ ਤੁਹਾਡਾ ਫਿਲਮ ਦੇਖਣ ਦਾ ਮਜ਼ਾ ਖਰਾਬ ਨਹੀਂ ਸਗੋਂ ਦੁਗਣਾ ਹੋਵੇਗਾ. ਤੁਹਾਨੂੰ ਦੱਸ ਦਈਏ ਕਿ ਇਹ ਇਕ ਰਿਵੀਓ ਵੀਡੀਓ ਵੀ ਨਹੀਂ ਹੈ। ਤਾਂ ਚਲੋ ਫਿਰ ਸ਼ੁਰੁ ਕਰਦੇ ਹਾਂ।

ਪਿਛਲੇ ਕਾਫੀ ਸਮੇਂ ਤੋਂ ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਦਾ ਪਤੀ ਰਾਜ ਕੁੰਦਰਾ ਆਪਣੀ 3 ਨਵੰਬਰ ਨੂੰ ਰਿਲੀਜ਼ ਹੋਈ ਫਿਲਮ ‘ਯੂ.ਟੀ.69’ ਨੂੰ ਲੈ ਕੇ ਕਾਫੀ ਚਰਚਾ ਵਿਚ ਸੀ। ਬਿਤੇ ਦਿਨ ਇਹ ਫਿਲਮ ਸਿਨੇਮਾ ਘਰਾਂ ਵਿਚ ਰਿਲੀਜ਼ ਹੋ ਗਈ ਹੈ। ਜਿਸਦੇ ਵਿਚ ਰਾਜ ਕੁੰਦਰਾ ਜੋ ਕਿ ਇਕ ਫਿਲਮ ਨਿਰਮਾਤਾ ਹਨ ਪਹਿਲੀ ਵਾਰ ਅਦਾਕਾਰੀ ਕਰਦੇ ਦਿਖਾਈ ਦੇ ਰਹੇ ਹਨ। ਇਸ ਫਿਲਮ ਦੀ ਕਹਾਣੀ ਰਾਜ ਕੰਦਰਾ ਦੀ ਜ਼ਿੰਦਗੀ ਦੇ ਉਸ ਸਮੇਂ ਉੱਪਰ ਅਧਾਰਿਤ ਹੈ ਜਦੋਂ ਰਾਜ ਨੂੰ ਅਸ਼ਲੀਲ ਫਿਲਮਾਂ ਬਣਾਉਣ ਦੇ ਮਾਮਲੇ ਵਿਚ ਜੇਲ੍ਹ ਹੋਈ ਸੀ। ਫਿਲਮ ਵਿਚ ਦਿਖਾਇਆ ਗਿਆ ਹੈ ਕਿ ਮੁੰਬਈ ਦੀ ਆਰਥਰ ਰੋਡ ਜੇਲ੍ਹ ਵਿਚ ਰਾਜ ਕੁੰਦਰਾ ਨੂੰ ਕਿਹੜੀਆਂ-ਕਿਹੜੀਆਂ ਮੁਸ਼ਕਲਾ ਦਾ ਸਾਹਮਣਾ ਕਰਨਾ ਪਿਆ।

ਹਾਲਾਂਕਿ ਇਸ ਫਿਲਮ ਨੂੰ ਦੇਖਣ ਵਾਲੇ ਦਰਸ਼ਕਾਂ ਅਤੇ ਫਿਲਮ ਆਲੋਚਕਾਂ ਵਲੋਂ ਮਿਲਿਆ-ਜੁਲਿਆ ਹੁੰਗਾਰਾ ਮਿਲ ਰਿਹਾ ਹੈ। ਜਿੱਥੇ ਕੁਝ ਲੋਕ ਇਸ ਫਿਲਮ ਨੂੰ ਪਸੰਦ ਕਰ ਰਹੇ ਹਨ, ਉੱਥੇ ਹੀ ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਫਿਲਮ ’ਚ ਕੁਝ ਖਾਸ ਨਹੀਂ ਦੱਸਿਆ ਗਿਆ ਹੈ। ਸ਼ਾਇਦ ਉਹ ਕਿਸੇ ਹੋਰ ਚੀਜ਼ ਦੀ ਉਮੀਦ ਕਰ ਰਹੇ ਸੀ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਇਸ ਫਿਲਮ ’ਚ ਰਾਜ ਕੁੰਦਰਾ ਦੀ ਨਿੱਜੀ ਜ਼ਿੰਦਗੀ ਅਤੇ ਜੇਲ ਨਾਲ ਜੁੜੇ ਕਿਹੜੇ-ਕਿਹੜੇ ਖੁਲਾਸੇ ਕੀਤੇ ਗਏ ਹਨ।

ਸਭ ਤੋਂ ਪਹਿਲਾਂ ਗੱਲ ਕਰਦੇ ਹਾਂ ਫਿਲਮ ਦਾ ਨਾਮ ਯੂਟੀ 69 ਕਿਉਂ ਰੱਖਿਆ ਗਿਆ ਹੈ। ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਸ਼ਿਲਪਾ ਸ਼ੈੱਟੀ ਦੇ ਕਾਰੋਬਾਰੀ ਪਤੀ ਰਾਜ ਕੁੰਦਰਾ ’ਤੇ ਸੁਣਵਾਈ ਚੱਲ ਰਹੀ ਸੀ ਅਤੇ ਉਨ੍ਹਾਂ ਦੀ ਕੈਦੀ ਗਿਣਤੀ 69 ਸੀ। ਇਹੀ ਕਾਰਨ ਹੈ ਕਿ ਉਨ੍ਹਾਂ ਦੀ ਫਿਲਮ ਦਾ ਨਾਂ ‘ਯੂਟੀ 69’ ਰੱਖਿਆ ਗਿਆ ਹੈ। ਜਦੋਂ ਰਾਜ ਕੁੰਦਰਾ ਜੇਲ ਗਏ ਤਾਂ ਕਿਹਾ ਜਾ ਰਿਹਾ ਸੀ ਕਿ ਉਨ੍ਹਾਂ ਦੀ ਪਤਨੀ ਸ਼ਿਲਪਾ ਸ਼ੈੱਟੀ ਉਨ੍ਹਾਂ ਨਾਲ ਗੱਲ ਨਹੀਂ ਕਰ ਰਹੀ ਸੀ ਅਤੇ ਰਿਸ਼ਤਾ ਤੋੜਨ ਵਾਲੀ ਸੀ। ਪਰ ਇਸ ਦੇ ਉਲਟ ਫਿਲਮ ’ਚ ਦਿਖਾਇਆ ਗਿਆ ਹੈ ਕਿ ਰਾਜ ਕੁੰਦਰਾ ਆਪਣੀ ਪਤਨੀ ਸ਼ਿਲਪਾ ਨੂੰ ਜੇਲ ’ਚ ਬੁਲਾਉਂਦੇ ਸਨ। ਸ਼ਿਲਪਾ ਨੇ ਵੀ ਆਪਣੇ ਪਤੀ ਨੂੰ ਵਾਰ-ਵਾਰ ਭਰੋਸਾ ਦਿਵਾਇਆ ਕਿ ਉਹ ਜਲਦੀ ਹੀ ਜ਼ਮਾਨਤ ’ਤੇ ਜੇਲ੍ਹ ਤੋਂ ਬਾਹਰ ਆ ਜਾਵੇਗਾ।

ਫਿਲਮ ’ਚ ਦਿਖਾਇਆ ਗਿਆ ਹੈ ਕਿ ਸ਼ਿਲਪਾ ਸ਼ੈੱਟੀ ਹਰ ਹਫਤੇ ਆਪਣੇ ਪਤੀ ਰਾਜ ਨੂੰ ਚਿੱਠੀਆਂ ਲਿਖਦੀ ਸੀ। ਉਹ ਚਿੱਠੀਆਂ ਵਿੱਚ ਆਪਣੀ ਸ਼ੂਟਿੰਗ ਅਤੇ ਬੱਚਿਆਂ ਬਾਰੇ ਦੱਸਦੀ ਸੀ। ਇੰਨਾ ਹੀ ਨਹੀਂ ਫਿਲਮ ’ਚ ਦਿਖਾਇਆ ਗਿਆ ਹੈ ਕਿ ਜੇਲ ਦੇ ਅੰਦਰ ਰਹਿ ਕੇ ਰਾਜ ਕੁੰਦਰਾ ਸ਼ਾਕਾਹਾਰੀ ਤੋਂ ਮਾਸਾਹਾਰੀ ਵੀ ਬਣ ਗਏ। ਫਿਲਮ ’ਚ ਸੰਜੇ ਦੱਤ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ। ਆਰਥਰ ਰੋਡ ਜੇਲ੍ਹ ਵਿੱਚ ਬੰਦ ਕੈਦੀ ਰਾਜ ਕੁੰਦਰਾ ਨੂੰ ਦੱਸਦਾ ਹੈ ਕਿ ਸੰਜੇ ਦੱਤ ਨੇ ਜੇਲ੍ਹ ਦੇ ਅੰਦਰ ਇੱਕ ਪੱਖਾ ਲਗਾਇਆ ਹੈ। ਜਦੋਂ ਵੀ ਤੁਸੀਂ ਬਾਹਰ ਜਾਂਦੇ ਹੋ, ਕਿਰਪਾ ਕਰਕੇ ਸਾਡੇ ਵਰਗੇ ਲੋਕਾਂ ਦੀ ਮਦਦ ਕਰੋ।

ਇਸ ਫਿਲਮ ’ਚ ਦਿਖਾਇਆ ਗਿਆ ਹੈ ਕਿ ਰਾਜ ਕੁੰਦਰਾ ਦੇ ਨਾਲ ਜੇਲ ਦੇ ਸਾਰੇ ਕੈਦੀ ਸ਼ਿਲਪਾ ਸ਼ੈੱਟੀ ਦਾ ਰਿਐਲਿਟੀ ਸ਼ੋਅ ‘ਸੁਪਰ ਡਾਂਸਰ’ ਦੇਖਦੇ ਸਨ। ਇੱਕ ਦਿਨ ਰਾਤ ਦਾ ਖਾਣਾ ਖਾਂਦੇ ਸਮੇਂ ਇੱਕ ਕੈਦੀ ਨੇ ਰਾਜ ਕੁੰਦਰਾ ਨੂੰ ਪੁੱਛਿਆ ਕਿ ਕੀ ਉਹ ਜਾਂ ਸ਼ਿਲਪਾ ਜੀ ਜ਼ਿਆਦਾ ਪੈਸੇ ਕਮਾਉਂਦੇ ਹਨ। ਪਹਿਲਾਂ ਰਾਜ ਕਾਫੀ ਦੇਰ ਤੱਕ ਹੱਸਦਾ ਰਿਹਾ ਅਤੇ ਫਿਰ ਕਹਿੰਦਾ ਹੈ ਕਿ ਦੋਵੇਂ ਮਿਲ ਕੇ ਚੰਗੀ ਕਮਾਈ ਕਰਦੇ ਹਨ।

ਫਿਲਮ ‘ਯੂਟੀ 69’ ਦੀ ਕਹਾਣੀ ਰਾਜ ਕੁੰਦਰਾ ਦੇ ਜੇਲ੍ਹ ਜਾਣ ਤੋਂ ਸ਼ੁਰੂ ਹੁੰਦੀ ਹੈ ਅਤੇ ਜ਼ਮਾਨਤ ਮਿਲਣ ’ਤੇ ਖ਼ਤਮ ਹੁੰਦੀ ਹੈ। ਸਾਰੇ ਵਿਵਾਦਾਂ ਤੋਂ ਬਚ ਕੇ, ਇਸ ਫਿਲਮ ਨੇ ਸਿਰਫ ਇਹ ਦਿਖਾਇਆ ਹੈ ਕਿ ਇੰਨੀ ਵੱਡੀ ਮਸ਼ਹੂਰ ਹਸਤੀ ਰਾਜ ਕੁੰਦਰਾ ਨੂੰ ਜੇਲ੍ਹ ਦੇ ਅੰਦਰ ਕਿਹੜੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਰਾਜ ਕੁੰਦਰਾ ਨੂੰ ਜੇਲ੍ਹ ’ਚ ਕਿਸ ਤਰ੍ਹਾਂ ਦੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ?

ਰਾਜ ਕੁੰਦਰਾ ਨੂੰ ਅਸ਼ਲੀਲਤਾ ਦੇ ਮਾਮਲੇ ਵਿੱਚ ਕਿਵੇਂ ਫਸਾਇਆ ਗਿਆ ਜਾਂ ਇਹ ਸੱਚ ਹੈ ਕਿ ਉਹ ਅਜਿਹੀਆਂ ਫਿਲਮਾਂ ਬਣਾਉਂਦਾ ਸੀ, ਇਹ ਸਭ ਇਸ ਫਿਲਮ ਵਿੱਚ ਨਹੀਂ ਦਿਖਾਇਆ ਗਿਆ ਹੈ। ਫਿਲਮ ’ਚ ਰਾਜ ਕੁੰਦਰਾ ਦੀ ਐਕਟਿੰਗ ਬਹੁਤ ਵਧੀਆ ਹੈ। ਲੋਕ ਉਸ ਦੀ ਅਦਾਕਾਰੀ ਨੂੰ ਪਸੰਦ ਕਰ ਰਹੇ ਹਨ।