ਕੈਨੇਡਾ ’ਚ ਸੜਕ ਪਾਰ ਕਰਦੇ ਭਾਰਤੀ ਨੂੰ ਟਰੱਕ ਨੇ ਦਰੜਿਆ

ਬਰੈਂਪਟਨ, 13 ਅਪ੍ਰੈਲ (ਵਿਸ਼ੇਸ਼ ਪ੍ਰਤੀਨਿਧ) : ਸਿਰਫ 7 ਮਹੀਨੇ ਪਹਿਲਾਂ ਕੈਨੇਡਾ ਆਏ ਭਾਰਤੀ ਨੌਜਵਾਨ ਦੀ ਸੜਕ ਹਾਦਸੇ ਦੌਰਾਨ ਮੌਤ ਹੋ ਗਈ। ਹਾਦਸਾ ਬਰੈਂਪਟਨ ਵਿਖੇ ਵਾਪਰਿਆ ਜਿਥੇ ਇਕ ਇੰਟਰਸੈਕਸ਼ਨ ’ਤੇ ਸੜਕ ਪਾਰ ਕਰਦਿਆਂ 20 ਸਾਲ ਦੇ ਮੀਤ ਪਟੇਲ ਨੂੰ ਤੇਜ਼ ਰਫ਼ਤਾਰ ਟੱਕਰ ਨੇ ਦਰੜ ਦਿਤਾ ਅਤੇ ਉਹ ਮੌਕੇ ’ਤੇ ਹੀ ਦਮ ਤੋੜ ਗਿਆ।

ਸਿਰਫ 7 ਮਹੀਨੇ ਪਹਿਲਾਂ ਹੀ ਕੈਨੇਡਾ ਆਇਆ ਸੀ ਮੀਤ ਪਟੇਲ

ਰਿਧੀ ਪਟੇਲ ਵੱਲੋਂ ਗੋਫੰਡਮੀ ਪੇਜ ਸਥਾਪਤ ਕਰਦਿਆਂ ਮੀਤ ਪਟੇਲ ਦੀ ਦੇਹ ਭਾਰਤ ਭੇਜਣ ਵਾਸਤੇ ਆਰਥਿਕ ਸਹਾਇਤਾ ਦੀ ਮੰਗ ਕੀਤੀ ਗਈ ਹੈ ਅਤੇ ਅੰਤਮ ਰਿਪੋਰਟ ਮਿਲਣ ਤੱਕ 54 ਹਜ਼ਾਰ ਡਾਲਰ ਇਕੱਤਰ ਹੋ ਚੁੱਕੇ ਸਨ। ਮੀਤ ਪਟੇਲ ਸਟੱਡੀ ਵੀਜ਼ਾ ’ਤੇ ਕੈਨੇਡਾ ਆਇਆ ਅਤੇ ਵਾਲਮਾਰਟ ਵਿਚ ਕੰਮ ਕਰਨ ਲੱਗਾ। ਬੀਤੇ ਦਿਨੀਂ ਉਹ ਕੰਮ ’ਤੇ ਜਾ ਰਿਹਾ ਸੀ ਜਦੋਂ ਤੇਜ਼ ਰਫਤਾਰ ਟਰੱਕ ਦੀ ਲਪੇਟ ਵਿਚ ਆ ਗਿਆ। ਮੀਤ ਪਟੇਲ ਦੇ ਮਾਪਿਆਂ ਨੇ ਕਰਜ਼ਾ ਚੁੱਕ ਕੇ ਉਸ ਨੂੰ ਕੈਨੇਡਾ ਭੇਜਿਆ ਸੀ ਅਤੇ ਹੁਣ ਉਹ ਸਦੀਵੀ ਵਿਛੋੜਾ ਦੇ ਗਿਆ।