ਕੈਨੇਡਾ ’ਚ ਤੇਲ ਕੀਮਤਾਂ ਮੁੜ ਰਿਕਾਰਡ ਤੋੜਨ ਦੀ ਤਿਆਰੀ ਵਿਚ

ਵੈਨਕੂਵਰ, 28 ਅਗਸਤ (ਵਿਸ਼ੇਸ਼ ਪ੍ਰਤੀਨਿਧ) : ਕੈਨੇਡਾ ਵਿਚ ਤੇਲ ਕੀਮਤਾਂ ਮੁੜ ਰਿਕਾਰਡ ਤੋੜਨ ਦੀ ਤਿਆਰੀ ਵਿਚ ਨਜ਼ਰ ਆ ਰਹੀਆਂ ਹਨ। ਬੀ.ਸੀ. ਦੇ ਪੋਰਟ ਕੌਕੁਇਟਲੈਮ ਵਿਖੇ ਗੈਸੋਲੀਨ ਦਾ ਭਾਅ 2.14 ਡਾਲਰ ਪ੍ਰਤੀ ਲਿਟਰ ਤੱਕ ਪੁੱਜ ਗਿਆ ਹੈ ਅਤੇ ਆਉਣ ਵਾਲੇ ਦਿਨਾਂ ਵਿਚ 8 ਸੈਂਟ ਦਾ ਹੋਰ ਵਾਧਾ ਹੋਣ ਦੀ ਪੇਸ਼ੀਨਗੋਈ ਕੀਤੀ ਗਈ ਹੈ। ਤੇਲ ਖੇਤਰ ਦੇ ਮਾਹਰ ਡੈਨ ਮੈਕਟੀਗ ਨੇ ਦੱਸਿਆ ਕਿ ਲੂਈਜ਼ਿਆਨਾ ਵਿਚ ਤੇਲ ਰਿਫਾਇਨਰੀ ਨੂੰ ਲੱਗੀ ਅੱਗ ਅਤੇ ਕੈਨੇਡੀਅਨ ਡਾਲਰ ਦੀ ਡਿਗਦੀ ਕੀਮਤ ਇਸ ਰੁਝਾਨ ਦਾ ਮੁੱਖ ਕਾਰਨ ਮੰਨੇ ਜਾ ਸਕਦੇ ਹਨ ਪਰ ਕੌਮਾਂਤਰੀ ਕਾਰਨਾਂ ਨੂੰ ਵੀ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ।