ਰਿਸ਼ਵਤ ਮੰਗਣ ਦਾ ਵੀਡੀਓ ਵਾਇਰਲ, 2 ਖ਼ਿਲਾਫ਼ ਕੇਸ ਦਰਜ

ਨਯਾ ਗਾਓਂ, 7 ਅਕਤੂਬਰ, ਨਿਰਮਲ : ਮੋਹਾਲੀ ਜ਼ਿਲੇ ਦੇ ਨਯਾਗਾਓਂ ’ਚ ਨਗਰ ਨਿਗਮ ’ਚ ਆਊਟਸੋਰਸ ਕਰਮਚਾਰੀ ਜੈਕੁਮਾਰ ਅਤੇ ਉਸ ਦੇ ਸਾਥੀ ਸੁਰਿੰਦਰ ਕੁਮਾਰ ਵਲੋਂ ਪੈਸੇ ਮੰਗਣ ਦਾ ਵੀਡੀਓ ਸਾਹਮਣੇ ਆਇਆ ਹੈ। ਜਿਸ ਵਿੱਚ ਦੋਵੇਂ ਮਕਾਨ ਬਣਾਉਣ ਵਾਲੇ ਵਿਅਕਤੀ ਤੋਂ ਉਸਾਰੀ ਦਾ ਕੰਮ ਨਾ ਰੋਕਣ ਲਈ ਕਹਿ ਕੇ 40 ਹਜ਼ਾਰ ਰੁਪਏ ਦੀ ਮੰਗ ਕਰਦੇ ਨਜ਼ਰ ਆ ਰਹੇ ਹਨ। ਨਗਰ ਨਿਗਮ ਦੇ ਕਾਰਜਸਾਧਕ ਅਫ਼ਸਰ (ਈਓ) ਦੀ ਸ਼ਿਕਾਇਤ ’ਤੇ ਪੁਲਸ ਨੇ ਦੋਵਾਂ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ।

ਵੀਡੀਓ ’ਚ ਜੈਕੁਮਾਰ 40 ਹਜ਼ਾਰ ਰੁਪਏ ਦੀ ਮੰਗ ਕਰ ਰਿਹਾ ਹੈ। ਇਸ ਵਿੱਚ ਪੀੜਤ ਉਸ ਨੂੰ ਦੱਸਦਾ ਹੈ ਕਿ 40 ਹਜ਼ਾਰ ਰੁਪਏ ਬਹੁਤ ਜ਼ਿਆਦਾ ਹਨ। ਇਸ ’ਤੇ ਜੈਕੁਮਾਰ ਦਾ ਕਹਿਣਾ ਹੈ ਕਿ ਪੈਸੇ 3 ਅਫਸਰਾਂ ਵਿਚ ਵੰਡਣੇ ਹਨ। ਉਹ ਆਪ ਕੰਮ ਨੂੰ ਰੋਕਣਾ ਨਹੀਂ ਚਾਹੁੰਦਾ। ਨਾਜਾਇਜ਼ ਉਸਾਰੀ ਲਈ ਨੋਟਿਸ ਤਿਆਰ ਹੈ। ਈ.ਓ ਸਾਹਬ ਦੇ ਆਉਂਦੇ ਹੀ ਇਸ ’ਤੇ ਦਸਤਖਤ ਹੋ ਜਾਣਗੇ।