ਅਮਰੀਕਾ : ਹੁਣ ਤਕ ਹਵਾਈ 'ਚ 89 ਲੋਕਾਂ ਦੀ ਮੌਤ, ਜੰਗਲਾਂ ਚ ਲੱਗੀ ਅੱਗ ਹੋਰ ਭੜਕੀ

ਨਿਊਯਾਰਕ : ਅਮਰੀਕਾ ਦੇ ਜੰਗਲਾਂ ਵਿਚ ਲੱਗੀ ਅੱਗ ਕਾਰਨ ਮੌਈ ਅਤੇ ਲਹੈਨਾ ਵਰਗੇ ਸ਼ਹਿਰਾਂ ਵਿੱਚ 2 ਹਜ਼ਾਰ ਤੋਂ ਵੱਧ ਇਮਾਰਤਾਂ ਨੂੰ ਸਾੜ ਦਿੱਤਾ ਗਿਆ ਹੈ। ਗਵਰਨਰ ਗ੍ਰੀਨ ਮੁਤਾਬਕ ਹਰ ਰੋਜ਼ ਕਰੀਬ 15,000 ਲੋਕਾਂ ਨੂੰ ਘਰ ਛੱਡਣਾ ਪੈਂਦਾ ਹੈ। ਦੂਜੇ ਪਾਸੇ ਜਿਹੜੇ ਲੋਕ ਹੁਣ ਵਾਪਸ ਪਰਤ ਰਹੇ ਹਨ, ਉਹ ਆਪਣੇ ਸੜੇ ਹੋਏ ਘਰਾਂ ਨੂੰ ਦੇਖ ਕੇ ਹੈਰਾਨ ਹਨ। ਹਵਾਈ ਦੇ ਕਹਲੁਈ ਹਵਾਈ ਅੱਡੇ ਦਾ ਇੱਕ ਰਨਵੇ ਰਾਹਤ ਸਮੱਗਰੀ ਲਈ ਰਾਖਵਾਂ ਰੱਖਿਆ ਗਿਆ ਹੈ।

ਅਸਲ ਵਿਚ ਅਮਰੀਕਾ ਦੇ ਹਵਾਈ ਸੂਬੇ ਦੇ ਜੰਗਲਾਂ 'ਚ ਅੱਗ ਲੱਗਣ ਕਾਰਨ 89 ਲੋਕਾਂ ਦੀ ਮੌਤ ਹੋ ਗਈ ਹੈ। ਅਮਰੀਕਾ ਦੇ ਜੰਗਲਾਂ ਵਿੱਚ ਪਿਛਲੇ 100 ਸਾਲਾਂ ਵਿੱਚ ਇਹ ਸਭ ਤੋਂ ਭਿਆਨਕ ਅੱਗ ਹੈ। ਹਵਾਈ ਦੇ ਗਵਰਨਰ ਜੋਸ਼ ਗ੍ਰੀਨ ਨੇ ਖਦਸ਼ਾ ਪ੍ਰਗਟਾਇਆ ਹੈ ਕਿ ਮਰਨ ਵਾਲਿਆਂ ਦੀ ਗਿਣਤੀ ਹੋਰ ਵਧ ਸਕਦੀ ਹੈ। ਸੀਐਨਐਨ ਮੁਤਾਬਕ ਗਵਰਨਰ ਨੇ ਦੱਸਿਆ ਕਿ ਅੱਗ ਕਾਰਨ ਹਵਾਈ ਵਿੱਚ 49.77 ਹਜ਼ਾਰ ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ।

ਮਾਉਈ ਵਿੱਚ ਲੱਗੀ ਅੱਗ 85% ਕੰਟਰੋਲ ਵਿੱਚ ਇਸ ਦੇ ਨਾਲ ਹੀ ਲਾਹਾਇਵਾ 'ਚ ਪੁਲੇਹੂ ਦੇ ਜੰਗਲਾਂ 'ਚ ਲੱਗੀ ਅੱਗ ਨੂੰ ਵੀ 80 ਫੀਸਦੀ ਤੱਕ ਬੁਝਾਇਆ ਜਾ ਚੁੱਕਾ ਹੈ। ਨਿਊਯਾਰਕ ਟਾਈਮਜ਼ ਮੁਤਾਬਕ ਜੰਗਲ ਦੀ ਅੱਗ ਸ਼ਹਿਰ ਦੇ ਦਰੱਖਤਾਂ ਦੀਆਂ ਜੜ੍ਹਾਂ ਤੱਕ ਪਹੁੰਚ ਗਈ ਹੈ। ਅੱਗ ਬੁਝਾਉਣ ਲਈ ਹੈਲੀਕਾਪਟਰਾਂ ਤੋਂ ਪਾਣੀ ਸੁੱਟੇ ਜਾਣ ਦੇ ਬਾਵਜੂਦ ਜ਼ਮੀਨ ਹੇਠਾਂ ਦਰੱਖਤਾਂ ਦੀਆਂ ਜੜ੍ਹਾਂ ਸੜ ਰਹੀਆਂ ਹਨ, ਜਿਸ ਕਾਰਨ ਅੱਗ ਦੁਬਾਰਾ ਫੈਲਣ ਦਾ ਖਤਰਾ ਬਣਿਆ ਹੋਇਆ ਹੈ।