ਚੋਰੀ ਕਰਨ ਆਇਆ ਚੋਰ ਸੌਂ ਗਿਆ, ਕੀਤਾ ਕਾਬੂ

ਫਰੀਦਾਬਾਦ : ਫਰੀਦਾਬਾਦ 'ਚ ਕਾਰ ਚੋਰੀ ਕਰਨ ਆਇਆ ਚੋਰ ਨੀਂਦ ਕਾਰਨ ਫੜਿਆ ਗਿਆ। ਉਸ ਨੇ ਸਕੂਲ ਵੈਨ ਚੋਰੀ ਕਰਨ ਦੇ ਪੂਰੇ ਪ੍ਰਬੰਧ ਕੀਤੇ ਹੋਏ ਸਨ। ਤਾਲਾ ਤੋੜ ਕੇ ਉਹ ਡਰਾਈਵਿੰਗ ਸੀਟ 'ਤੇ ਪਹੁੰਚ ਗਿਆ ਸੀ। ਪਰ ਆਖ਼ਰੀ ਪਲ ਉਸ ਨੂੰ ਇੰਨੀ ਨੀਂਦ ਆਈ ਕਿ ਉਹ ਉੱਥੇ ਹੀ ਸੌਂ ਗਿਆ। ਜਦੋਂ ਸਵੇਰੇ ਵੈਨ ਮਾਲਕ ਆਇਆ ਤਾਂ ਉਸ ਨੇ ਚੋਰ ਨੂੰ ਸੁੱਤੇ ਪਏ ਫੜ ਲਿਆ।

ਮਾਮਲਾ ਫਰੀਦਾਬਾਦ ਦੇ ਕਲਿਆਣਪੁਰੀ ਦਾ ਹੈ। ਇੱਥੇ ਚੋਰ ਇੱਕ ਘਰ ਦੇ ਬਾਹਰ ਖੜ੍ਹੀ ਵੈਨ ਦੇ ਗੇਟ ਦਾ ਤਾਲਾ ਤੋੜ ਕੇ ਅੰਦਰ ਵੜ ਗਏ। ਪਰ ਇਸ ਤੋਂ ਪਹਿਲਾਂ ਕਿ ਉਹ ਕਾਰ ਸਟਾਰਟ ਕਰ ਕੇ ਕਿਤੇ ਲਿਜਾਂਦਾ, ਉਸ ਦੀਆਂ ਅੱਖਾਂ ਵਿਚ ਇੰਨੀ ਨੀਂਦ ਆ ਗਈ ਕਿ ਉਹ ਉਥੇ ਹੀ ਸੌਂ ਗਿਆ। ਜਦੋਂ ਸਵੇਰੇ ਵੈਨ ਮਾਲਕ ਨੇ ਉਸ ਨੂੰ ਦੇਖਿਆ ਤਾਂ ਉਸ ਨੂੰ ਫੜ ਕੇ Police ਹਵਾਲੇ ਕਰ ਦਿੱਤਾ।

ਪੁਲਿਸ ਮੁਤਾਬਕ ਕਲਿਆਣਪੁਰੀ ਦਾ ਰਹਿਣ ਵਾਲਾ ਰਵੀ ਸਕੂਲ ਲਈ ਵੈਨ ਚਲਾਉਂਦਾ ਹੈ। ਉਹ ਹਰ ਰੋਜ਼ ਬੱਚਿਆਂ ਨੂੰ ਸਕੂਲ ਲੈ ਕੇ ਜਾਂਦਾ ਹੈ। ਵੈਨ ਰਾਤ ਨੂੰ ਘਰ ਦੇ ਸਾਹਮਣੇ ਖੜ੍ਹੀ ਸੀ। ਸਵੇਰੇ ਜਦੋਂ ਉਹ ਵੈਨ ਨਾਲ ਰਵਾਨਾ ਹੋਣ ਦੀ ਤਿਆਰੀ ਕਰ ਰਿਹਾ ਸੀ ਤਾਂ ਉਸ ਨੇ ਅੰਦਰ ਜਾ ਕੇ ਦੇਖਿਆ ਤਾਂ ਸੀਟ 'ਤੇ ਇਕ ਨੌਜਵਾਨ ਪਿਆ ਸੀ। ਕਾਰ ਦੇ ਅੰਦਰ ਦੇ ਪੁਰਜ਼ੇ ਖੁੱਲ੍ਹੇ ਹੋਏ ਹਨ। ਸ਼ੱਕ ਸੀ ਕਿ ਨੌਜਵਾਨ ਚੋਰੀ ਕਰਨ ਆਇਆ ਸੀ। ਜ਼ਿਆਦਾ ਨਸ਼ਾ ਹੋਣ ਕਾਰਨ ਉਹ ਅੰਦਰ ਵਾਲੀ ਸੀਟ 'ਤੇ ਹੀ ਸੌਂ ਗਿਆ।