55ਵੇਂ ਜਨਮਦਿਨ ’ਤੇ ‘ਕੰਗੂਵਾ’ ਤੋਂ ਬੌਬੀ ਦੀ ਪਹਿਲੀ ਝਲਕ ਜਾਰੀ, ਦਿਖਾਈ ਦਿੱਤਾ ਬੌਬੀ ਦਾ ਖ਼ਤਰਨਾਕ ਰੂਪ

ਮੁੰਬਈ, 27 ਜਨਵਰੀ: ਸ਼ੇਖਰ ਰਾਏ- ਫਿਲਮ ‘ਐਨੀਮਲ’ ਤੋਂ ਵੱਡੇ ਪਰਦੇ ਉੱਪਰ ਵਾਪਸੀ ਕਰਨ ਵਾਲੇ ਬੌਬੀ ਦਿਓਲ ਆਪਣਾ 55ਵਾਂ ਜਨਮਦਿਨ ਮਨਾ ਰਹੇ ਹਨ ਅਤੇ ਇਸਦੇ ਨਾਲ ਹੀ ਬੌਬੀ ਨੇ ਆਪਣੇ ਫੈਨਜ਼ ਨੂੰ ਇਕ ਤੋਹਫ਼ਾ ਵੀ ਦਿੱਤਾ ਹੈ ਜੀ ਹਾਂ ਬੌਬੀ ਨੇ ਆਪਣੀ ਆਉਣ ਵਾਲੀ ਫਿਲਮ ‘ਕੰਗੂਵਾ’ ਤੋਂ ਆਪਣਾ ਪਹਿਲਾਂ ਲੁੱਕ ਰਿਵੀਲ ਕੀਤਾ ਹੈ ਜਿਸ ਨੂੰ ਦੇਖਣ ਤੋਂ ਬਾਅਦ ਬੌਬੀ ਦਿਓਲ ਦਾ ਸੋਸ਼ਲ ਮੀਡੀਆ ਹੈਂਡਲ ਜਨਮਦਿਨ ਦੀਆਂ ਵਧਾਈਆਂ ਦੇ ਨਾਲ ਨਾਲ ਉਨ੍ਹਾਂ ਦੀ ਇਸ ਜ਼ਬਰਦਸਤ ਲੁੱਕ ਦੀਆਂ ਤਰੀਫਾਂ ਨਾਲ ਭਰ ਗਿਆ।
ਆਪਣੀ ਜ਼ਿੰਦਗੀ ਵਿਚ ਭਰਭੂਰ ਸੰਘਰਸ਼ ਦੇਖਣ ਮਗਰੋਂ ਹੁਣ ਬੌਬੀ ਦਿਓਲ ਦੇ ਸਿਤਾਰੇ ਚਮਕ ਉੱਠੇ ਹਨ। 27 ਜਨਵਰੀ 2024 ਨੂੰ ਬੌਬੀ ਪੂਰੇ 55 ਸਾਲਾਂ ਦੇ ਹੋ ਗਏ ਪਰ ਇਹ ਇੰਝ ਹੈ ਜਿਵੇਂ ਉਨ੍ਹਾਂ ਦੇ ਸਟਾਰਡਮ ਨੂੰ ਲੈ ਕੇ ਉਨ੍ਹਾਂ ਦਾ ਇਕ ਵਾਰੀ ਫਿਰ ਤੋਂ ਜਨਮ ਹੋਇਆ ਹੋਵੇ। ਫਿਲਮ ‘ਐਨੀਮਲ’ ਨੇ ਜਿਥੇ ਬੌਬੀ ਦਿਓਲ ਨੂੰ ਇਕ ਬਲਾਕਬਸਟਰ ਸਟਾਰ ਬਣਾ ਦਿੱਤਾ ਉਥੇ ਹੀ ਲੋਕਾਂ ਦੇ ਦਿਲਾਂ ਵਿਚ ਬੌਬੀ ਨੂੰ ਲੈ ਕੇ ਇਕ ਵੱਖਰੇ ਕਿਸਮ ਦੀ ਚਾਹਤ ਨੇ ਵੀ ਜਨਮ ਲਿਆ। ਖੈਰ ਹੁਣ ਬੌਬੀ ਦਿਓਲ ਨੂੰ ਉਨ੍ਹਾਂ ਦੇ ਫੈਨਜ਼ ਹੋਰ ਵੀ ਨਵੇਂ ਨਵੇਂ ਕਿਰਦਾਰਾਂ ਵਿਚ ਦੇਖਾ ਚਾਹੁੰਦੇ ਹਨ। ਦਰਸ਼ਕਾਂ ਦੀ ਇਸੇ ਮੰਗ ਨੂੰ ਪੂਰਾ ਕਰਦਾ ਬੌਬੀ ਦਿਓਲ ਦੀ ਅਗਲੀ ਫਿਲਮ ‘ਕੰਗੂਵਾ’ ਦੇ ਮੇਕਰਜ਼ ਨੇ ਬੌਬੀ ਦਾ ਫਰਸਟ ਲੁੱਕ ਰਿਵੀਲ ਕੀਤਾ ਹੈ। ਇਸ ਪੋਸਟਰ ਵਿਚ ਬੌਬੀ ਬੇਹਦ ਹੀ ਖਤਰਨਾਕ ਅੰਦਾਜ਼ ਵਿਚ ਦਿਖਾਈ ਦੇ ਰਹੇ ਹਨ।
ਫਿਲਮ ‘ਕੰਗੂਵਾ’ ਤੋਂ ਬੌਬੀ ਦੇ ਪੋਸਟਰ ਨੂੰ ਸਾਂਝਾ ਕਰਦੇ ਹੋਏ, ਨਿਰਮਾਤਾਵਾਂ ਨੇ ਲਿਖਿਆ, ‘ਬੇਰਹਿਮ, ਸ਼ਕਤੀਸ਼ਾਲੀ ਅਤੇ ਕਦੇ ਨਾ ਭੁੱਲਣ ਵਾਲਾ… ਸਾਡੇ ਉਧਰ ਬੌਬੀ ਦਿਓਲ ਨੂੰ ਜਨਮਦਿਨ ਦੀਆਂ ਮੁਬਾਰਕਾਂ…’ ‘ਕੰਗੂਆ’ ਇੱਕ ਪੈਨ ਇੰਡੀਆ ਫਿਲਮ ਹੈ ਜੋ ਲਗਭਗ 38 ਭਾਸ਼ਾਵਾਂ ਵਿੱਚ ਰਿਲੀਜ਼ ਹੋਵੇਗੀ। ਇਹ ਫਿਲਮ ਇਸ ਸਾਲ ਰਿਲੀਜ਼ ਕੀਤੀ ਜਾਵੇਗੀ। ਫਿਲਮ ’ਚ ਬੌਬੀ ਦਿਓਲ ਵਿਲੇਨ ਉਧੀਰਨ ਦੀ ਭੂਮਿਕਾ ’ਚ ਨਜ਼ਰ ਆਉਣਗੇ। ਬੌਬੀ ਅਤੇ ਸੂਰਿਆ ਤੋਂ ਇਲਾਵਾ ਦਿਸ਼ਾ ਪਟਾਨੀ, ਜਗਪਤੀ ਬਾਬੂ ਅਤੇ ਯੋਗੀ ਬਾਬੂ ਵੀ ਅਹਿਮ ਭੂਮਿਕਾਵਾਂ ’ਚ ਨਜ਼ਰ ਆਉਣਗੇ।
ਨਾਲ ਹੀ ਹਰ ਕੋਈ ਬੌਬੀ ਨੂੰ ਉਨ੍ਹਾਂ ਦੇ ਜਨਮਦਿਨ ਦੀਆਂ ਵਧਾਈਆਂ ਦੇ ਰਿਹਾ ਹੈ। ਬੌਬੀ ਦੇ ਪਰਿਵਾਰ ਦੀ ਗੱਲ ਕੀਤੀ ਜਾਵੇ ਤਾਂ ਭਰਾ ਸੰਨੀ ਦਿਓਲ ਅਤੇ ਭੈਣ ਈਸ਼ਾ ਦਿਓਲ ਨੇ ਵੀ ਉਨ੍ਹਾਂ ਨੂੰ ਜਨਮਦਿਨ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ। ਸੋਸ਼ਲ ਮੀਡੀਆ ’ਤੇ ਬੌਬੀ ਨਾਲ ਕਈ ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ ਸੰਨੀ ਦਿਓਲ ਨੇ ਲਿਖਿਆ, ‘ਹੈਪੀ ਬਰਥਡੇ ਮਾਈ ਲਿਟਲ #ਲੌਰਡਬੌਬੀ’ ਆਪਣੇ ਭਰਾ ਨੂੰ ਜਵਾਬ ਦਿੰਦੇ ਹੋਏ ਬੌਬੀ ਨੇ ਟਿੱਪਣੀ ਕੀਤੀ, ‘ਲਵ ਯੂ ਭਰਾ, ਤੁਸੀਂ ਮੇਰਾ ਸਭ ਕੁਝ ਹੋ..’
ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਬੌਬੀ ਦਿਓਲ ਦੀ ਹਾਲ ਹੀ ’ਚ ਰਿਲੀਜ਼ ਹੋਈ ਫਿਲਮ ‘ਐਨੀਮਲ’ ਸੀ ਜਿਸ ਨੇ ਉਸ ਦੇ ਕਰੀਅਰ ਨੂੰ ਫਿਰ ਤੋਂ ਹੁਲਾਰਾ ਦਿੱਤਾ ਹੈ। ਰਣਬੀਰ ਕਪੂਰ ਸਟਾਰਰ ਇਸ ਫਿਲਮ ’ਚ ਉਹ ਖਲਨਾਇਕ ਦੀ ਭੂਮਿਕਾ ’ਚ ਨਜ਼ਰ ਆਏ ਸਨ। ਇਨ੍ਹੀਂ ਦਿਨੀਂ ‘ਕੰਗੂਵਾ’ ਤੋਂ ਇਲਾਵਾ ਉਸ ਕੋਲ ਪਵਨ ਕਲਿਆਣ ਸਟਾਰਰ ’ਹਰੀ ਹਰ ਵੀਰਾ ਮੱਲੂ’ ਵੀ ਹੈ। ਇਸ ਤੋਂ ਇਲਾਵਾ ਉਹ ਨੰਦਾਮੁਰੀ ਬਾਲਕ੍ਰਿਸ਼ਨ ਸਟਾਰਰ ਫਿਲਮ ‘ਐਨਬੀਕੇ109’ ’ਚ ਵੀ ਨਜ਼ਰ ਆ ਸਕਦੇ ਹਨ। ਬੌਬੀ ਕੋਲ ਇਨ੍ਹੀਂ ਦਿਨੀਂ ਬਾਲੀਵੁੱਡ ’ਚ ਵੀ ਕਈ ਵੱਡੇ ਆਫਰ ਹਨ।