ਚਾਰ ਵਾਰ ਹਿੱਲੀ ਧਰਤੀ, ਨੇਪਾਲ 'ਚ ਤਬਾਹੀ

ਨਵੀਂ ਦਿੱਲੀ : ਦਿੱਲੀ ਅਤੇ ਐਨਸੀਆਰ ਸਮੇਤ ਦੇਸ਼ ਦੇ ਕਈ ਹਿੱਸਿਆਂ ਵਿੱਚ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਹਾਲਾਂਕਿ, ਭੂਚਾਲ ਇਕ-ਦੋ ਵਾਰ ਨਹੀਂ, ਸਗੋਂ ਚਾਰ ਵਾਰ ਆਇਆ। ਇਸ ਭੂਚਾਲ ਦਾ ਕੇਂਦਰ ਨੇਪਾਲ ਦੱਸਿਆ ਗਿਆ ਹੈ, ਜਿੱਥੇ ਵੀ ਤਬਾਹੀ ਹੋਈ ਹੈ। ਨੇਪਾਲ 'ਚ ਮਕਾਨਾਂ ਨੂੰ ਭਾਰੀ ਨੁਕਸਾਨ ਪਹੁੰਚਿਆ ਹੈ। ਭੂਚਾਲ ਦਾ ਕੇਂਦਰ ਨੇਪਾਲ ਦੇ ਬਝਾਂਗ ਜ਼ਿਲੇ 'ਚ ਸੀ ।

ਰਾਸ਼ਟਰੀ ਭੂਚਾਲ ਵਿਗਿਆਨ ਕੇਂਦਰ ਮੁਤਾਬਕ ਮੰਗਲਵਾਰ ਨੂੰ ਪਹਿਲਾ ਭੂਚਾਲ ਸਵੇਰੇ 11.6 ਵਜੇ, ਦੂਜਾ ਦੁਪਹਿਰ 1.18 'ਤੇ, ਤੀਜਾ 2.25 'ਤੇ ਅਤੇ ਚੌਥਾ 2.51 'ਤੇ ਆਇਆ। ਪਹਿਲੇ ਭੂਚਾਲ ਦਾ ਕੇਂਦਰ ਹਰਿਆਣਾ ਦਾ ਸੋਨੀਪਤ ਸੀ ਅਤੇ ਇਸ ਦੀ ਤੀਬਰਤਾ 2.7 ਸੀ। ਭੂਚਾਲ ਦਾ ਦੂਜਾ ਕੇਂਦਰ ਅਸਾਮ ਵਿੱਚ ਕਾਰਬੀ ਐਂਗਲੌਂਗ ਸੀ ਅਤੇ ਇਸਦੀ ਤੀਬਰਤਾ 3.0 ਸੀ। ਤੀਜੇ ਭੂਚਾਲ ਦੀ ਤੀਬਰਤਾ 4.6 ਸੀ ਅਤੇ ਸਭ ਤੋਂ ਖਤਰਨਾਕ ਚੌਥਾ ਭੂਚਾਲ ਸੀ, ਜਿਸ ਦੀ ਤੀਬਰਤਾ 6.2 ਸੀ।

ਦੋਵਾਂ ਭੂਚਾਲਾਂ ਦਾ ਕੇਂਦਰ ਨੇਪਾਲ ਦਾ ਬਝਾਂਗ ਜ਼ਿਲ੍ਹਾ ਦੱਸਿਆ ਗਿਆ ਹੈ। ਬਝੰਗ ਵਿੱਚ ਪਹਿਲਾ ਭੂਚਾਲ 5.3 ਤੀਬਰਤਾ ਦਾ ਸੀ ਜੋ ਦੁਪਹਿਰ 2.45 ਵਜੇ ਆਇਆ। ਇਸ ਤੋਂ ਬਾਅਦ ਦੂਜਾ ਝਟਕਾ ਦੁਪਹਿਰ 3.06 ਵਜੇ ਆਇਆ, ਜਿਸ ਦਾ ਕੇਂਦਰ ਬਝੰਗ ਦੇ ਚੈਨਪੁਰ 'ਚ ਸੀ। ਇਸ ਭੂਚਾਲ ਦੀ ਤੀਬਰਤਾ 6.2 ਸੀ।ਬਝੰਗ ਜ਼ਿਲ੍ਹੇ 'ਚ ਭੂਚਾਲ ਦਾ ਅਸਰ ਉੱਤਰਾਖੰਡ ਤੋਂ ਲੈ ਕੇ ਦਿੱਲੀ ਤੱਕ ਦੇਖਣ ਨੂੰ ਮਿਲਿਆ। ਬਝਾਂਗ ਜ਼ਿਲ੍ਹਾ ਕਾਠਮੰਡੂ ਤੋਂ ਲਗਭਗ 450 ਕਿਲੋਮੀਟਰ ਦੀ ਦੂਰੀ 'ਤੇ ਹੈ। ਇਸ ਦਾ ਅਸਰ ਨੇਪਾਲ ਦੇ ਕੈਨਾਲੀ, ਕੰਚਨਪੁਰ ਅਤੇ ਲੁੰਬੀਨੀ ਸਮੇਤ ਕਈ ਹੋਰ ਜ਼ਿਲ੍ਹਿਆਂ ਵਿੱਚ ਦੇਖਣ ਨੂੰ ਮਿਲਿਆ।