'3 ਅਮਰੀਕੀ ਸੈਨਿਕਾਂ ਦੀ ਮੌਤ ਦਾ ਈਰਾਨ ਤੋਂ ਬਦਲਾ ਲਓ', ਬਿਡੇਨ 'ਤੇ ਵਧਿਆ ਦਬਾਅ

ਅਮਰੀਕਾ : ਜਾਰਡਨ ਵਿਚ ਟਾਵਰ 22 ਮਿਲਟਰੀ ਪੋਸਟ 'ਤੇ ਅੱਤਵਾਦੀਆਂ ਦੇ ਡਰੋਨ ਹਮਲੇ ਵਿਚ 3 ਅਮਰੀਕੀ ਸੈਨਿਕਾਂ ਦੀ ਮੌਤ ਹੋ ਗਈ। ਇਸ ਮਾਮਲੇ 'ਤੇ ਅਮਰੀਕੀ ਰਾਸ਼ਟਰਪਤੀ ਜੋ ਬਿਡੇਨ ਨੇ ਜਵਾਬ ਦਿੱਤਾ ਕਿ ਅਸੀਂ ਢੁਕਵਾਂ ਜਵਾਬ ਦੇਵਾਂਗੇ। ਪਰ ਤਿੰਨ ਸੈਨਿਕਾਂ ਦੀ ਮੌਤ 'ਤੇ ਅਮਰੀਕਾ 'ਚ ਕਾਫੀ ਪ੍ਰਤੀਕਿਰਿਆਵਾਂ ਆ ਰਹੀਆਂ ਹਨ। ਇਸ ਦੌਰਾਨ ਰਿਪਬਲਿਕਨ ਪਾਰਟੀ ਦੇ ਜੋਅ ਬਿਡੇਨ 'ਤੇ ਇਸ ਹਮਲੇ ਦਾ ਢੁੱਕਵਾਂ ਜਵਾਬ ਦੇਣ ਲਈ ਭਾਰੀ ਦਬਾਅ ਪਾਇਆ ਜਾ ਰਿਹਾ ਹੈ।

ਜਾਣਕਾਰੀ ਮੁਤਾਬਕ ਅਮਰੀਕੀ ਰਾਸ਼ਟਰਪਤੀ ਜੋਅ ਬਿਡੇਨ 'ਤੇ ਰਿਪਬਲਿਕਨ ਪਾਰਟੀ ਵੱਲੋਂ ਈਰਾਨ ਖਿਲਾਫ ਜਵਾਬੀ ਕਾਰਵਾਈ ਲਈ ਦਬਾਅ ਪਾਇਆ ਜਾ ਰਿਹਾ ਹੈ। ਹੁਣ ਤੱਕ ਮੱਧ ਪੂਰਬ 'ਚ ਅਮਰੀਕੀ ਟਿਕਾਣਿਆਂ 'ਤੇ 150 ਮਿਜ਼ਾਈਲ ਹਮਲੇ ਹੋ ਚੁੱਕੇ ਹਨ। ਘੱਟੋ-ਘੱਟ ਤਿੰਨ ਅਮਰੀਕੀ ਸੈਨਿਕ ਮਾਰੇ ਗਏ ਅਤੇ 34 ਤੋਂ ਵੱਧ ਜ਼ਖਮੀ ਹੋ ਗਏ। ਇਸ ਤੋਂ ਬਾਅਦ ਰਾਸ਼ਟਰਪਤੀ ਜੋਅ ਬਿਡੇਨ 'ਤੇ ਰਿਪਬਲਿਕਨ ਪਾਰਟੀ (ਜੀਓਪੀ/ਗ੍ਰੈਂਡ ਓਲਡ ਪਾਰਟੀ) ਵੱਲੋਂ ਈਰਾਨ 'ਤੇ ਜਵਾਬੀ ਕਾਰਵਾਈ ਕਰਨ ਦਾ ਦਬਾਅ ਹੈ।

ਮੱਧ ਪੂਰਬ 'ਚ ਅਮਰੀਕੀ ਟਿਕਾਣਿਆਂ 'ਤੇ ਹੁਣ ਤੱਕ 150 ਮਿਜ਼ਾਈਲ ਹਮਲਿਆਂ 'ਚੋਂ ਇਹ ਪਹਿਲੀ ਵਾਰ ਹੈ ਜਦੋਂ ਅੱਤਵਾਦੀਆਂ ਨੇ ਪੈਂਟਾਗਨ ਦੀ ਰੱਖਿਆ ਢਾਲ ਦੀ ਉਲੰਘਣਾ ਕੀਤੀ ਹੈ ਅਤੇ ਫੌਜੀ ਜਵਾਨਾਂ ਨੂੰ ਮਾਰਿਆ ਹੈ।