ਸੈਮੀਫਾਈਨਲ ਮੈਚ ਹਾਰਨ ਤੋਂ ਬਾਅਦ ਹੁਣ ਕਾਂਸੀ ਦੇ ਤਗਮੇ ਲਈ ਖੇਡੇਣਗੇ ਲਕਸ਼ੈ ਸੇਨ, ਜਾਣੋ ਖਬਰ

ਪੈਰਿਸ : ਪੈਰਿਸ ਓਲੰਪਿਕ 2024 ਚ ਭਾਰਤ ਦਾ ਬੈਡਮਿੰਟਨ ਚ ਗੋਲਡ ਮੈਡਲ ਜਿੱਤਣ ਦਾ ਸੁਪਨਾ ਫਿਲਹਾਲ ਅਧੂਰਾ ਹੀ ਰਿਹਾ ਗਿਆ ਹੈ , ਜਾਣਕਾਰੀ ਅਨੁਸਾਰ ਭਾਰਤੀ ਬੈਡਮਿੰਟਨ ਖਿਡਾਰੀ ਲਕਸ਼ਯ ਸੇਨ ਪੁਰਸ਼ ਸਿੰਗਲ ਵਰਗ ਦੇ ਸੈਮੀਫਾਈਨਲ ਮੈਚ ਵਿੱਚ ਡੈਨਮਾਰਕ ਦੇ ਵਿਕਟਰ ਐਕਸਲਸਨ ਤੋਂ ਹਾਰ ਗਏ ਨੇ । ਲਕਸ਼ੈ ਨੇ ਮੈਚ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ ਸੀ ਪਰ ਐਕਸਲਸਨ ਨੇ ਦੋਵੇਂ ਗੇਮਾਂ ਵਿੱਚ ਭਾਰਤੀ ਖਿਡਾਰੀ ਨੂੰ ਪਛਾੜ ਦਿੱਤਾ ਅਤੇ ਉਸ ਨੇ ਲਕਸ਼ੈ ਨੂੰ 22-20, 21-14 ਨਾਲ ਹਰਾ ਕੇ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ ।

ਲਕਸ਼ਯ ਸੇਨ ਨੇ ਪਹਿਲੀ ਗੇਮ 'ਚ ਪਿੱਛੇ ਰਹਿ ਕੇ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਇਕ ਸਮੇਂ ਵਿਕਟਰ ਐਕਸਲਸਨ ਨੇ ਭਾਰਤੀ ਖਿਡਾਰੀ 'ਤੇ 3-0 ਦੀ ਬੜ੍ਹਤ ਬਣਾ ਲਈ ਸੀ ਪਰ ਇਸ ਤੋਂ ਬਾਅਦ ਲਕਸ਼ੈ ਨੇ ਵਾਪਸੀ ਕੀਤੀ ਅਤੇ ਸਕੋਰ 6-6 ਨਾਲ ਬਰਾਬਰ ਕਰ ਦਿੱਤਾ। ਇਸ ਤੋਂ ਬਾਅਦ ਲਕਸ਼ੈ ਨੇ ਲੈਅ ਵਿੱਚ ਆਉਂਦੇ ਹੋਏ ਨਜ਼ਰ ਆਏ ਅਤੇ ਸਕੋਰ 7-6 ਕਰ ਦਿੱਤਾ । ਜਿਸ ਤੋਂ ਬਾਅਦ ਡੈਨਮਾਰਕ ਦੇ ਖਿਡਾਰੀ ਵਿਕਟਰ ਐਕਸਲਸਨ ਨੇ ਜਲਦੀ ਹੀ ਸਕੋਰ 7-7 ਨਾਲ ਮੁੜ ਤੋਂ ਬਰਾਬਰ ਕਰ ਦਿੱਤਾ । ਲਕਸ਼ੈ ਨੇ ਫਿਰ ਸਕੋਰ 8-8 ਕਰ ਦਿੱਤਾ । ਟੋਕੀਓ ਓਲੰਪਿਕ ਦੇ ਸੋਨ ਤਮਗਾ ਜੇਤੂ ਵਿਕਟਰ ਨੇ ਸਕੋਰ 9-8 ਕਰ ਦਿੱਤਾ। ਫਿਰ ਲਕਸ਼ੈ ਨੇ ਸਕੋਰ 9-9 ਨਾਲ ਬਰਾਬਰ ਕਰ ਲਿਆ । ਇਸ ਤਰਾਂ ਇਹ ਮੈਚ ਦੂਜੇ ਪੜਾਅ ਤੇ ਪਹੁੰਚਿਆ ਅਤੇ ਹੋਰ ਵੀ ਦਿਲਚਸਪ ਹੋ ਗਿਆ ।

ਲਕਸ਼ੈ ਨੇ ਦੂਜੀ ਗੇਮ ਵਿੱਚ ਚੰਗੀ ਸ਼ੁਰੂਆਤ ਕੀਤੀ ਜਿਸ 'ਚ ਉਹ ਇਕ ਸਮੇਂ 6-0 ਨਾਲ ਅੱਗੇ ਸੀ । ਇਸ ਤੋਂ ਬਾਅਦ ਵਿਕਟਰ ਨੇ ਵਾਪਸੀ ਕਰਦੇ ਹੋਏ ਸਕੋਰ 4-8 ਕਰ ਦਿੱਤਾ । ਲਕਸ਼ਿਆ ਇਸ ਤੋਂ ਬਾਅਦ ਥੋੜ੍ਹਾ ਅਸਹਿਜ ਨਜ਼ਰ ਆਇਆ ਅਤੇ ਵਿਕਟਰ ਨੇ ਸਕੋਰ 11-10 ਕਰ ਦਿੱਤਾ । ਵਿਕਟਰ ਐਕਸਲਸਨ ਨੇ ਫਿਰ ਸਕੋਰ 13-12 ਕਰ ਦਿੱਤਾ । ਇਸ ਤੋਂ ਬਾਅਦ ਦੋ ਅੰਕ ਵਿਕਟਰ ਦੇ ਹੱਕ ਵਿੱਚ ਗਏ ਅਤੇ ਸਕੋਰ 15-12 ਹੋਇਆ । ਵਿਕਟਰ ਨੇ ਇਕ ਤੋਂ ਬਾਅਦ ਇਕ ਅੰਕ ਬਣਾਏ ਅਤੇ 17-13 ਨਾਲ ਦੀ ਲੀਡ ਨਾਲ ਆਪਣੇ ਆਪ ਨੂੰ ਅੱਗੇ ਕੀਤਾ । ਇਸ ਤੋਂ ਬਾਅਦ ਲਕਸ਼ਯ ਵਾਪਸੀ ਨਹੀਂ ਕਰ ਸਕੇ । ਜਿਸ ਤੋਂ ਬਾਅਦ ਵਿਕਟਰ ਨੇ ਦੂਜੀ ਗੇਮ 21-14 ਦੇ ਫਾਸਲੇ ਨਾਲ ਜਿੱਤ ਲਈ ।

ਲਕਸ਼ਿਆ ਭਾਵੇਂ ਸੈਮੀਫਾਈਨਲ ਤੋਂ ਬਾਹਰ ਹੋ ਜਾਣ ਕਾਰਨ ਫਾਈਨਲ ਲਈ ਕੁਆਲੀਫਾਈ ਨਹੀਂ ਕਰ ਸਕਿਆ ਪਰ ਉਸ ਕੋਲ ਅਜੇ ਵੀ ਕਾਂਸੀ ਦਾ ਤਗਮਾ ਜਿੱਤਣ ਦਾ ਮੌਕਾ ਹੈ । ਲਕਸ਼ਿਆ ਓਲੰਪਿਕ ਸੈਮੀਫਾਈਨਲ ਮੈਚ ਖੇਡਣ ਵਾਲਾ ਪਹਿਲਾ ਭਾਰਤੀ ਪੁਰਸ਼ ਸਿੰਗਲ ਖਿਡਾਰੀ ਹੈ । ਉਸ ਕੋਲ ਇਹ ਮੈਚ ਜਿੱਤ ਕੇ ਭਾਰਤ ਲਈ ਤਗਮਾ ਪੱਕਾ ਕਰਨ ਦਾ ਮੌਕਾ ਸੀ, ਪਰ ਉਹ ਅਜਿਹਾ ਨਹੀਂ ਕਰ ਸਕਿਆ । ਕਾਂਸੀ ਤਮਗੇ ਲਈ ਲਕਸ਼ਿਆ ਦਾ ਸਾਹਮਣਾ ਮਲੇਸ਼ੀਆ ਦੇ ਸੱਤਵਾਂ ਦਰਜਾ ਪ੍ਰਾਪਤ ਜੀਆ ਜੀ ਲੀ ਨਾਲ ਇਸ ਮੈਚ ਦਾ ਮੁਕਾਬਲਾ ਹੋਵੇਗਾ । ਅੱਜ ਸੋਮਵਾਰ ਨੂੰ ਖੇਡੇ ਜਾਣ ਵਾਲੇ ਇਸ ਬੈਡਮਿੰਟਨ ਮੈਚ ਤੈਅ ਕਰੇਗਾ ਕਿ ਕਾਂਸੀ ਦੇ ਤਮਗੇ ਲਈ ਦੋਵਾਂ ਖਿਡਾਰੀਆਂ ਚੋਂ ਕੋਣ ਜਿੱਤਦਾ ਹੈ ।