ਅਦਾਕਾਰਾ ਸ਼ਹਿਨਾਜ਼ ਗਿੱਲ ਹਸਪਤਾਲ ਭਰਤੀ

ਮੁੰਬਈ, 10 ਅਕਤੂਬਰ, ਨਿਰਮਲ : ਇਨ੍ਹੀਂ ਦਿਨੀਂ ਸ਼ਹਿਨਾਜ਼ ਗਿੱਲ ਆਪਣੀ ਹਾਲ ਹੀ ’ਚ ਰਿਲੀਜ਼ ਹੋਈ ਫਿਲਮ ‘ਥੈਂਕ ਯੂ ਫਾਰ ਕਮਿੰਗ’ ਨੂੰ ਲੈ ਕੇ ਸੁਰਖੀਆਂ ’ਚ ਹੈ। ਫਿਲਮ ’ਚ ਗਲੈਮਰਸ ਅੰਦਾਜ਼ ਪ੍ਰਸ਼ੰਸਕਾਂ ਨੂੰ ਕਾਫੀ ਪਸੰਦ ਆ ਰਿਹਾ ਹੈ। ਹਾਲਾਂਕਿ ਇਸ ਦੌਰਾਨ ਅਦਾਕਾਰਾ ਨਾਲ ਜੁੜੀ ਇੱਕ ਚਿੰਤਾਜਨਕ ਖਬਰ ਸਾਹਮਣੇ ਆਈ ਹੈ। ਸ਼ਹਿਨਾਜ਼ ਗਿੱਲ ਹਸਪਤਾਲ ਵਿੱਚ ਦਾਖ਼ਲ ਹੈ। ਨਾਲ ਹੀ ਉਸ ਨੂੰ ਮਿਲਣ ਲਈ ਫਿਲਮੀ ਸਿਤਾਰਿਆਂ ਦੇ ਆਉਣ ਦਾ ਸਿਲਸਿਲਾ ਵੀ ਜਾਰੀ ਹੈ।

ਆਖਿਰ ਅਜਿਹਾ ਕੀ ਹੋ ਗਿਆ ਹੈ ਅਭਿਨੇਤਰੀ ਨੂੰ ਜਿਸ ਕਾਰਨ ਉਸ ਨੂੰ ਆਈਸੀਯੂ ’ਚ ਭਰਤੀ ਕਰਨਾ ਪਿਆ, ਆਓ ਜਾਣਦੇ ਹਾਂ - ਸ਼ਹਿਨਾਜ਼ ਗਿੱਲ ਇਸ ਸਮੇਂ ਮੁੰਬਈ ਦੇ ਕੋਕਿਲਾਬੇਨ ਹਸਪਤਾਲ ’ਚ ਦਾਖਲ ਹੈ। ਅਭਿਨੇਤਰੀ ਨੂੰ ਫੂਡ ਪੁਆਇਜ਼ਨਿੰਗ ਹੋ ਗਈ।

ਹਾਲ ਹੀ ’ਚ ਸਨਾ ‘ਥੈਂਕ ਯੂ ਫਾਰ ਕਮਿੰਗ’ ਦਾ ਜ਼ੋਰਦਾਰ ਪ੍ਰਮੋਸ਼ਨ ਕਰਦੀ ਨਜ਼ਰ ਆਈ। ਵਿਆਪਕ ਪ੍ਰਚਾਰ ਦੌਰਾਨ ਉਹ ਬੀਮਾਰ ਹੋ ਗਈ। ਸੋਮਵਾਰ ਦੇਰ ਰਾਤ ਫਿਲਮ ਦੀ ਸਹਿ-ਨਿਰਮਾਤਾ ਰੀਆ ਕਪੂਰ ਉਨ੍ਹਾਂ ਦਾ ਹਾਲ-ਚਾਲ ਪੁੱਛਣ ਹਸਪਤਾਲ ਪਹੁੰਚੀ। ਇੰਸਟਾਗ੍ਰਾਮ ’ਤੇ ਇਕ ਪਾਪਰਾਜ਼ੀ ਅਕਾਊਂਟ ਨੇ ਰੀਆ ਕਪੂਰ ਨੂੰ ਹਸਪਤਾਲ ਛੱਡਣ ਅਤੇ ਆਪਣੀ ਕਾਰ ’ਚ ਬੈਠਣ ਦਾ ਵੀਡੀਓ ਸ਼ੇਅਰ ਕੀਤਾ ਹੈ। ਕਈ ਲੋਕਾਂ ਨੇ ਕਮੈਂਟ ਸੈਕਸ਼ਨ ’ਚ ਸ਼ਹਿਨਾਜ਼ ਦੀ ਸਿਹਤ ਨੂੰ ਲੈ ਕੇ ਚਿੰਤਾ ਜ਼ਾਹਰ ਕੀਤੀ ਹੈ। ਇਕ ਪ੍ਰਸ਼ੰਸਕ ਨੇ ਲਿਖਿਆ, ‘ਜਲਦੀ ਠੀਕ ਹੋ ਜਾਓ… ਆਪਣਾ ਖਿਆਲ ਰੱਖੋ।’

ਇੱਕ ਹੋਰ ਨੇ ਟਿੱਪਣੀ ਕੀਤੀ, ‘ਤੁਸੀਂ ਸਾਡੀ ਸ਼ੇਰਨੀ ਹੋ।’ ਕੁਝ ਲੋਕਾਂ ਨੇ ਕਿਹਾ ਕਿ ਸ਼ਹਿਨਾਜ਼ ’ਤੇ ਬੁਰੀ ਨਜ਼ਰ ਦਾ ਅਸਰ ਹੋਇਆ ਹੈ। ਇੱਕ ਟਿੱਪਣੀ ਵਿੱਚ ਲਿਖਿਆ ਸੀ, ‘ਜਲਦੀ ਠੀਕ ਹੋ ਜਾਓ, ਸ਼ਹਿਨਾਜ਼ ਨਜ਼ਰ ਲੱਗ ਗਈ ਮੇਰੀ ਗੁਡੀਆ ਕੋ।’ ਸ਼ਹਿਨਾਜ਼ ਗਿੱਲ ਨੇ ਪਹਿਲਾਂ ਹਸਪਤਾਲ ਤੋਂ ਇੱਕ ਇੰਸਟਾਗ੍ਰਾਮ ਲਾਈਵ ਕੀਤਾ ਸੀ। ਲਾਈਵ ਸੈਸ਼ਨ ਦਾ ਇੱਕ ਵੀਡੀਓ ਪ੍ਰਸ਼ੰਸਕਾਂ ਦੁਆਰਾ ਆਨਲਾਈਨ ਸ਼ੇਅਰ ਕੀਤਾ ਗਿਆ ਹੈ। ਹਸਪਤਾਲ ਦੇ ਕੱਪੜੇ ਪਾ ਕੇ ਅਤੇ ਹਸਪਤਾਲ ਦੇ ਬੈੱਡ ’ਤੇ ਲੇਟੀ ਹੋਈ ਸਨਾ ਕਹਿੰਦੀ ਦਿਖਾਈ ਦੇ ਰਹੀ ਹੈ, ਥੋੜੇ ਦਿਨਾਂ ਬਾਅਦ ਮੁੜ ਆਵਾਂਗੇ। ਦੋਸਤੋ, ਮੈਂ ਹੁਣ ਠੀਕ ਹਾਂ।