ਸ਼ੇਅਰ ਬਾਜ਼ਾਰ : ਸੈਂਸੈਕਸ 225 ਅੰਕਾਂ ਦੀ ਛਾਲ ਨਾਲ ਖੁੱਲ੍ਹਿਆ

ਮੁੰਬਈ : ਪਿਛਲੇ ਕੁਝ ਸੈਸ਼ਨਾਂ ਤੋਂ ਸੁਸਤ ਚੱਲ ਰਿਹਾ ਬਾਜ਼ਾਰ ਵੀਰਵਾਰ ਨੂੰ ਸਕਾਰਾਤਮਕ ਨੋਟ 'ਤੇ ਖੁੱਲ੍ਹਿਆ। ਬੰਬਈ ਸਟਾਕ ਐਕਸਚੇਂਜ ਯਾਨੀ ਬੀਐਸਈ ਦਾ ਸੂਚਕ ਅੰਕ ਸੈਂਸੈਕਸ ਅੱਜ ਸਵੇਰੇ 9.15 ਵਜੇ 224.65 ਅੰਕਾਂ ਦੀ ਛਾਲ ਨਾਲ 71882.36 ਦੇ ਪੱਧਰ 'ਤੇ ਖੁੱਲ੍ਹਿਆ। ਇਸੇ ਤਰ੍ਹਾਂ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਬੈਂਚਮਾਰਕ ਨਿਫਟੀ ਵੀ 77.4 ਅੰਕਾਂ ਦੇ ਵਾਧੇ ਨਾਲ 21696.10 ਦੇ ਪੱਧਰ 'ਤੇ ਖੁੱਲ੍ਹਿਆ। ਨਿਫਟੀ ਬੈਂਕ 'ਚ ਵੀ ਤੇਜ਼ੀ ਦੇਖਣ ਨੂੰ ਮਿਲੀ। ਇਸ ਨੇ 192.95 ਅੰਕਾਂ ਦੇ ਵਾਧੇ ਨਾਲ 47553.80 ਦੇ ਪੱਧਰ 'ਤੇ ਕਾਰੋਬਾਰ ਸ਼ੁਰੂ ਕੀਤਾ।

ਇਹ ਵੀ ਪੜ੍ਹੋ : ਨਵਜੋਤ ਸਿੱਧੂ ਹੁਣ 21 ਜਨਵਰੀ ਨੂੰ ਮੋਗਾ ‘ਚ ਕਰਨਗੇ ਰੈਲੀ

ਮਨੀ ਕੰਟਰੋਲ ਦੇ ਅਨੁਸਾਰ, ਹੀਰੋ ਮੋਟੋਕਾਰਪ, ਆਈਸ਼ਰ ਮੋਟਰਜ਼, ਐਕਸਿਸ ਬੈਂਕ, ਬਜਾਜ ਫਿਨਸਰਵ ਅਤੇ ਐੱਮਐਂਡਐੱਮ ਨਿਫਟੀ 'ਤੇ ਸਭ ਤੋਂ ਵੱਧ ਲਾਭਕਾਰੀ ਸਨ, ਜਦੋਂ ਕਿ ਡਾ. ਰੈੱਡੀਜ਼ ਲੈਬਾਰਟਰੀਜ਼, ਐਚਸੀਐਲ ਟੈਕਨਾਲੋਜੀਜ਼ ਅਤੇ ਇਨਫੋਸਿਸ ਨੂੰ ਨੁਕਸਾਨ ਹੋਇਆ।

ਇਹ ਵੀ ਪੜ੍ਹੋ : ਚੀਨ ਅਤੇ ਮਾਲਦੀਵ ਵਿਚਾਲੇ 20 ਸਮਝੌਤਿਆਂ ‘ਤੇ ਦਸਤਖਤ

ਸ਼ੇਅਰ ਬਾਜ਼ਾਰ 'ਚ ਖਾਸ ਤੌਰ 'ਤੇ ਅੱਜ ਨਤੀਜੇ ਜਾਰੀ ਕਰਨ ਵਾਲੀਆਂ ਕੰਪਨੀਆਂ 'ਤੇ ਖਾਸ ਧਿਆਨ ਰਹੇਗਾ। ਜਿਨ੍ਹਾਂ ਕੰਪਨੀਆਂ ਦੇ ਨਤੀਜੇ ਐਲਾਨੇ ਜਾਣਗੇ ਉਨ੍ਹਾਂ ਵਿੱਚ TCS, Infosys, HDFC AMC, 5 ਪੈਸੇ ਕੈਪੀਟਲ, ਗੁਜਰਾਤ ਹੋਟਲਸ ਅਤੇ ਕਈ ਹੋਰ ਸ਼ਾਮਲ ਹਨ। ਅੱਜ ਸਵੇਰੇ 9 ਵਜੇ ਤੋਂ ਪਹਿਲਾਂ ਦੀ ਸ਼ੁਰੂਆਤ 'ਚ ਸ਼ੇਅਰ ਬਾਜ਼ਾਰ 'ਚ ਤੇਜ਼ੀ ਆਈ ਸੀ। ਸੈਂਸੈਕਸ 'ਚ ਕਰੀਬ 306 ਅੰਕਾਂ ਦਾ ਵਾਧਾ ਦੇਖਿਆ ਗਿਆ। ਨਿਫਟੀ ਨੇ ਵੀ 106 ਅੰਕਾਂ ਦੀ ਛਾਲ ਮਾਰੀ ਹੈ। ਮਾਹਰਾਂ ਦਾ ਮੰਨਣਾ ਹੈ ਕਿ ਨਿਫਟੀ 'ਚ ਅੱਜ ਉਤਾਰ-ਚੜ੍ਹਾਅ ਦੇਖਣ ਨੂੰ ਮਿਲ ਸਕਦੇ ਹਨ।

ਇਹ ਵੀ ਪੜ੍ਹੋ : ਦਿੱਲੀ, ਹਰਿਆਣਾ ਅਤੇ ਪੰਜਾਬ ਵਿੱਚ ਸਖ਼ਤ ਠੰਡ ਦਾ ਅਲਰਟ

ਅੰਤਰਰਾਸ਼ਟਰੀ ਬਾਜ਼ਾਰ ਦੇ ਰੁਝਾਨ
ਏਸ਼ੀਆਈ ਸ਼ੇਅਰ ਬਾਜ਼ਾਰ 'ਚ ਮਜ਼ਬੂਤੀ ਦਾ ਰੁਝਾਨ ਹੈ। ਕੁੱਲ ਮਿਲਾ ਕੇ, ਗਲੋਬਲ ਸਿਗਨਲ ਅੱਜ ਚੰਗੇ ਲੱਗ ਰਹੇ ਹਨ. ਨਿੱਕੇਈ 'ਚ 1.5 ਫੀਸਦੀ ਦੀ ਉਛਾਲ ਦੇਖਣ ਨੂੰ ਮਿਲੀ। ਅਮਰੀਕੀ ਬਾਜ਼ਾਰ 'ਚ ਵੀ ਚੰਗਾ ਵਾਧਾ ਦੇਖਣ ਨੂੰ ਮਿਲਿਆ। ਅਮਰੀਕਾ 'ਚ ਕੱਚੇ ਤੇਲ ਦੀ ਇਨਵੈਂਟਰੀ ਕਾਰਨ ਕੀਮਤਾਂ 'ਤੇ ਦਬਾਅ ਦੇਖਿਆ ਗਿਆ। ਦੀ ਕੀਮਤ 77 ਡਾਲਰ ਪ੍ਰਤੀ ਬੈਰਲ ਦੇ ਪੱਧਰ 'ਤੇ ਆ ਗਈ ਹੈ।

ਇਹ ਵੀ ਪੜ੍ਹੋ : ਠੰਡ ਤੋਂ ਬਚਣ ਲਈ ਜਗਾਈ ਅੰਗੀਠੀ, ਦਮ ਘੁੱਟਣ ਨਾਲ ਪਤੀ-ਪਤਨੀ ਦੀ ਮੌਤ

ਪਿਛਲੇ ਸੈਸ਼ਨ 'ਚ ਬਾਜ਼ਾਰ ਕਿਵੇਂ ਰਿਹਾ?
ਪਿਛਲੇ ਸੈਸ਼ਨ ਵਿੱਚ ਭਾਵ 10 ਜਨਵਰੀ, 2024 ਨੂੰ, ਬੀਐਸਈ ਸੈਂਸੈਕਸ 271.50 ਅੰਕਾਂ ਦੇ ਵਾਧੇ ਨਾਲ 71.657.71 ਦੇ ਪੱਧਰ 'ਤੇ ਬੰਦ ਹੋਇਆ ਸੀ। ਇਸੇ ਤਰ੍ਹਾਂ ਨਿਫਟੀ ਵੀ ਕਾਰੋਬਾਰ ਦੇ ਅੰਤ 'ਚ 73.90 ਅੰਕਾਂ ਦੀ ਛਲਾਂਗ ਲਗਾ ਕੇ 21618.70 ਦੇ ਪੱਧਰ 'ਤੇ ਬੰਦ ਹੋਇਆ।