ਹਾਈਵੇ 'ਤੇ ਖੜ੍ਹੇ ਕੰਟੇਨਰ 'ਚ ਸਕਾਰਪੀਓ ਟਕਰਾਈ; 7 ਦੀ ਮੌਤ

ਰਾਂਚੀ : ਬਿਹਾਰ ਦੇ ਸਾਸਾਰਾਮ ਵਿੱਚ ਵਾਪਰੇ ਇੱਕ ਭਿਆਨਕ ਸੜਕ ਹਾਦਸੇ ਵਿੱਚ ਸੱਤ ਲੋਕਾਂ ਦੀ ਮੌਤ ਹੋ ਗਈ ਅਤੇ ਚਾਰ ਗੰਭੀਰ ਜ਼ਖ਼ਮੀ ਹੋ ਗਏ। ਇਹ ਹਾਦਸਾ ਬੁੱਧਵਾਰ ਤੜਕੇ ਕਰੀਬ 3 ਵਜੇ ਸ਼ਿਵਸਾਗਰ ਥਾਣਾ ਖੇਤਰ 'ਚ ਨੈਸ਼ਨਲ ਹਾਈਵੇਅ ਨੰਬਰ 2 'ਤੇ ਵਾਪਰਿਆ। ਇੱਕ ਤੇਜ਼ ਰਫ਼ਤਾਰ ਸਕਾਰਪੀਓ ਕਾਰ ਹਾਈਵੇਅ ’ਤੇ ਖੜ੍ਹੇ ਇੱਕ ਕੰਟੇਨਰ ਵਿੱਚ ਜਾ ਟਕਰਾਈ। ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਗੱਡੀ ਬੁਰੀ ਤਰ੍ਹਾਂ ਨੁਕਸਾਨੀ ਗਈ ਅਤੇ ਸਵਾਰੀਆਂ ਫਸ ਗਈਆਂ। ਕਾਫੀ ਮੁਸ਼ੱਕਤ ਤੋਂ ਬਾਅਦ ਉਸ ਨੂੰ ਬਾਹਰ ਕੱਢ ਕੇ ਹਸਪਤਾਲ ਲਿਜਾਇਆ ਗਿਆ।

ਹਾਦਸੇ 'ਚ ਮਾਰੇ ਗਏ ਚਾਰ ਲੋਕਾਂ ਦੀ ਪਛਾਣ ਕਰ ਲਈ ਗਈ ਹੈ, ਜਦਕਿ ਬਾਕੀ ਤਿੰਨ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।ਮਰਨ ਵਾਲਿਆਂ ਵਿੱਚ ਰਾਜਮਤੀ ਦੇਵੀ (50), ਆਦਿਤਿਆ ਕੁਮਾਰ (12), ਰਾਣੀ ਪ੍ਰੇਮਲਤਾ (35), ਰਵੀਨੰਦਨ ਕੁਮਾਰ (30) ਸ਼ਾਮਲ ਹਨ।ਇਸ ਤੋਂ ਇਲਾਵਾ 5 ਅਤੇ 16 ਸਾਲ ਦੇ ਦੋ ਬੱਚੇ ਅਤੇ ਇੱਕ ਹੋਰ ਵਿਅਕਤੀ ਹੈ।