ਸਲਮਾਨ ਖਾਨ ਦੀ Film 'ਟਾਈਗਰ 3' ਦਾ ਦਿੱਲੀ ਵਾਸੀਆਂ ਨੂੰ ਤੋਹਫ਼ਾ

ਨਵੀਂ ਦਿੱਲੀ : ਫਿ਼ਲਮ ਟਾਈਗਰ-3 ਨੇ ਦਿੱਲੀ ਵਾਸੀਆਂ ਨੂੰ ਇਕ ਤੋਹਫ਼ਾ ਦਿੱਤਾ ਹੈ। ਇਹ ਤੋਹਫ਼ਾ ਉਨ੍ਹਾ ਲਈ ਹੈ ਜੋ ਦਿਨ ਤਾਂ ਕੰਮ ਕਾਰ ਕਰਦੇ ਹਨ ਪਰ ਆਪਣੇ ਮਨੋਰੰਜਨ ਲਈ ਸਮਾਂ ਨਹੀਂ ਕੱਢ ਪਾਉਂਦੇ। ਅਸਲ ਵਿਚ ਸਲਮਾਨ ਖਾਨ ਅਤੇ ਕੈਟਰੀਨਾ ਕੈਫ ਸਟਾਰਰ ਫਿਲਮ 'ਟਾਈਗਰ 3' ਨੂੰ ਲੈ ਕੇ ਪ੍ਰਸ਼ੰਸਕਾਂ 'ਚ ਕਾਫੀ ਉਤਸ਼ਾਹ ਹੈ। ਇਸ ਦੀ ਐਡਵਾਂਸ ਬੁਕਿੰਗ ਵੀ ਸ਼ੁਰੂ ਹੋ ਗਈ ਹੈ, ਜਿਸ 'ਚ ਪਹਿਲੇ ਦਿਨ ਹਜ਼ਾਰਾਂ ਟਿਕਟਾਂ ਦੀ ਵਿਕਰੀ ਹੋ ਚੁੱਕੀ ਹੈ। ਇਸ ਦੇ ਨਾਲ ਹੀ ਹੁਣ ਖਬਰ ਹੈ ਕਿ ਲੋਕਾਂ ਦੀ ਭਾਰੀ ਮੰਗ ਤੋਂ ਬਾਅਦ ਇਹ ਫਿਲਮ ਦਿੱਲੀ 'ਚ 24 ਘੰਟੇ ਦਿਖਾਈ ਜਾਵੇਗੀ।

ਯਸ਼ਰਾਜ ਫਿਲਮਜ਼ ਦੇ ਬੈਨਰ ਹੇਠ ਬਣੀ ਸਲਮਾਨ ਖਾਨ ਅਤੇ ਕੈਟਰੀਨਾ ਕੈਫ ਸਟਾਰਰ ਫਿਲਮ 'ਟਾਈਗਰ 3' 12 ਨਵੰਬਰ ਨੂੰ ਰਿਲੀਜ਼ ਹੋਵੇਗੀ। ਇਸ ਦੀਆਂ ਟਿਕਟਾਂ ਦੀ ਐਡਵਾਂਸ ਬੁਕਿੰਗ ਵੀ ਸ਼ੁਰੂ ਹੋ ਗਈ ਹੈ। ਹੁਣ ਖਬਰ ਆ ਰਹੀ ਹੈ ਕਿ ਇਸ ਦੇ ਸ਼ੋਅ ਸਿਨੇਮਾਘਰਾਂ 'ਚ 24×7 ਚੱਲਣ ਲਈ ਤਿਆਰ ਹਨ। ਇਸ ਜਾਸੂਸੀ ਬ੍ਰਹਿਮੰਡ ਫਿਲਮ ਦੀ ਭਾਰੀ ਮੰਗ ਤੋਂ ਬਾਅਦ, ਨਵੀਂ ਦਿੱਲੀ ਅਤੇ ਮੱਧ ਪੂਰਬ ਦੇ ਸਿਨੇਮਾਘਰ 24 ਘੰਟੇ ਫਿਲਮ ਚਲਾਉਣ ਵਾਲੇ ਪਹਿਲੇ ਸਿਨੇਮਾਘਰ ਬਣ ਗਏ ਹਨ।

ਰਿੰਗ ਰੋਡ ਸਥਿਤ 'ਸਿਨੇਸਟਾਰ ਮਿਨੀਪਲੈਕਸ' ਨੇ ਲਕਸ਼ਮੀ ਪੂਜਾ (ਦੀਵਾਲੀ) ਤੋਂ ਬਾਅਦ ਆਉਣ ਵਾਲੇ ਨਵੇਂ ਸਾਲ ਦੇ ਵੱਡੇ ਦਿਨ ਦੁਪਹਿਰ 2 ਵਜੇ ਤੋਂ ਸਲਮਾਨ ਖਾਨ ਅਤੇ ਕੈਟਰੀਨਾ ਕੈਫ ਸਟਾਰਰ ਫਿਲਮ ਦੀ ਸਕ੍ਰੀਨਿੰਗ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ ਹੈ। ਹਾਲਾਂਕਿ, ਮਿਡਲ ਈਸਟ ਵਿੱਚ ਮਿਰਡੀਫ, ਦੁਬਈ ਵਿੱਚ ਵੋਕਸ ਸਿਨੇਮਾ ਵਰਗੇ ਸਿਨੇਮਾਘਰਾਂ ਵਿੱਚ ਸਵੇਰੇ 12.05 ਵਜੇ ਫਿਲਮ ਚੱਲੇਗੀ ਅਤੇ ਨਖੇਲ ਮਾਲ, ਰਿਆਦ, ਸਾਊਦੀ ਅਰਬ ਵਿੱਚ ਸਵੇਰੇ 2 ਵਜੇ ਟਾਈਗਰ 3 ਚੱਲੇਗਾ। ਕਿਉਂਕਿ ਇਨ੍ਹਾਂ ਇਲਾਕਿਆਂ ਵਿੱਚ ਦੀਵਾਲੀ ਦਾ ਕੋਈ ਅਸਰ ਨਹੀਂ!