ਝਾਰਖੰਡ 'ਚ ਆਈਈਡੀ ਧਮਾਕੇ ਨਾਲ ਉਡਾ ਦਿੱਤੀ ਰੇਲਵੇ ਲਾਈਨ

ਜਮਸ਼ੇਦਪੁਰ : ਨਕਸਲੀਆਂ ਨੇ ਵੀਰਵਾਰ ਰਾਤ 12 ਵਜੇ ਡੇਰਾਨਵਾ ਅਤੇ ਪੌਸੇਟਾ ਵਿਚਕਾਰ ਤੀਜੀ ਲਾਈਨ ਨੂੰ ਆਈਈਡੀ ਧਮਾਕੇ ਨਾਲ ਉਡਾ ਦਿੱਤਾ। ਧਮਾਕੇ ਨਾਲ ਕਿਲੋਮੀਟਰ ਦੇ ਖੰਭੇ ਨੰਬਰ 356/29ਏ-31ਏ ਦੇ ਨੇੜੇ ਟ੍ਰੈਕ ਪੂਰੀ ਤਰ੍ਹਾਂ ਨੁਕਸਾਨਿਆ ਗਿਆ। ਇਧਰ, ਸੂਚਨਾ ਮਿਲਦੇ ਹੀ ਰੇਲਵੇ ਨੇ ਸਾਵਧਾਨੀ ਵਰਤਦੇ ਹੋਏ ਚੱਕਰਧਰਪੁਰ ਰੇਲਵੇ ਡਵੀਜ਼ਨ ਦੇ ਚੱਕਰਧਰਪੁਰ ਅਤੇ ਮਨੋਹਰਪੁਰ ਵਿਚਕਾਰ ਰੇਲ ਆਵਾਜਾਈ ਨੂੰ ਰੋਕ ਦਿੱਤਾ।

ਧਮਾਕੇ ਦੀ ਘਟਨਾ ਤੋਂ ਬਾਅਦ ਦੋ ਟਰੇਨਾਂ ਹਾਪਾ-ਹਾਵੜਾ ਸੁਪਰ ਫਾਸਟ ਅਤੇ ਸੰਬਲੇਸ਼ਵਰੀ ਐਕਸਪ੍ਰੈੱਸ ਨੂੰ ਮਨੋਹਰਪੁਰ 'ਚ ਰੋਕ ਦਿੱਤਾ ਗਿਆ ਅਤੇ Polilce ਚੌਕਸੀ ਰੱਖ ਰਹੀ ਹੈ। ਸਾਰੇ ਸਟੇਸ਼ਨਾਂ 'ਤੇ ਅਲਰਟ ਜਾਰੀ ਕਰਨ ਦੇ ਨਾਲ-ਨਾਲ ਸੁਰੱਖਿਆ ਬਲਾਂ ਨੂੰ ਵੀ ਅਲਰਟ ਮੋਡ 'ਚ ਰੱਖਿਆ ਗਿਆ ਹੈ।

ਪਤਾ ਲੱਗਾ ਹੈ ਕਿ ਨਕਸਲੀਆਂ (ਸੀਪੀਆਈ ਮਾਓਵਾਦੀ) ਵੱਲੋਂ 16 ਤੋਂ 22 ਦਸੰਬਰ ਤੱਕ ਵਿਰੋਧ ਹਫ਼ਤਾ ਮਨਾਇਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਨਕਸਲੀਆਂ ਨੇਵੀ ਪੋਸਟਰ ਬਣਾ ਕੇ 22 ਦਸੰਬਰ ਨੂੰਭਾਰਤ ਬੰਦ ਦਾ ਸੱਦਾ ਦਿੱਤਾ ਹੈ। ਪ੍ਰਤੀਰੋਧ ਹਫ਼ਤੇ ਦੌਰਾਨ ਨਕਸਲੀ ਆਮ ਤੌਰ 'ਤੇ ਕੋਈ ਨਾ ਕੋਈ ਵੱਡੀ ਵਾਰਦਾਤ ਨੂੰ ਅੰਜਾਮ ਦੇਣ ਦੀ ਯੋਜਨਾ ਬਣਾ ਰਹੇ ਹਨ।