ਚਲਦੇ ਸ਼ੋਅ ‘ਚ ਦਿਲਜੀਤ ਨਾਲ ਇੱਕ ਫੈਨ ਦੀ ਸ਼ਰਮਨਾਕ ਕਰਤੂਤ!

ਜਲੰਧਰ (ਕਵਿਤਾ) : ਇਨ੍ਹੀਂ ਦਿਨੀਂ ਲੋਕਾਂ ਵਿੱਚ ਪੰਜਾਬੀ ਗਾਇਕਾਂ ਦਾ ਕ੍ਰੇਜ਼ ਵਧਦਾ ਜਾ ਰਿਹਾ ਹੈ। ਇਹੀ ਕਾਰਨ ਹੈ ਕਿ ਭਾਵੇਂ ਕੋਈ ਸੰਗੀਤ ਸਮਾਰੋਹ ਹੋਵੇ ਜਾਂ ਤਿਉਹਾਰ, ਉਨ੍ਹਾਂ ਦੀਆਂ ਟਿਕਟਾਂ ਮਿੰਟਾਂ ਵਿੱਚ ਹੀ ਵਿਕ ਜਾਂਦੀਆਂ ਹਨ। ਪਰ ਇਸ ਦੌਰਾਨ ਕੁਝ ਘਟਨਾਵਾਂ ਵੀ ਸਾਹਮਣੇ ਆਉਂਦੀਆਂ ਹਨ, ਜੋ ਪੂਰੇ ਸ਼ੋਅ ਦਾ ਮਾਹੌਲ ਖਰਾਬ ਕਰ ਦਿੰਦੀਆਂ ਹਨ। ਹਾਲ ਹੀ 'ਚ ਪੰਜਾਬੀ ਗਾਇਕ ਕਰਨ ਔਜਲਾ ਦੇ ਯੂਕੇ ਕੰਸਰਟ 'ਤੇ ਕਿਸੇ ਨੇ ਬੂਟ ਸੁੱਟ ਦਿੱਤਾ ਸੀ। ਬੂਟ ਸਿੱਧਾ ਕਰਨ ਔਜਲਾ ਦੇ ਮੂੰਹ ਉੱਤੇ ਜਾ ਕੇ ਵੱਜਿਆ ਸੀ ਜਿਸਤੋਂ ਬਾਅਦ ਕਰਨ ਔਜਲਾ ਨੇ ਅੱਧ ਵਿਚਾਲੇ ਆਪਣਾ ਸ਼ੋਅ ਛੱਡ ਦਿੱਤਾ ਸੀ ਅਤੇ ਹੁਣ ਅਜਿਹੀ ਹੀ ਇੱਕ ਘਟਨਾ ਪੰਜਾਬੀ ਗਾਇਕ ਅਤੇ ਅਦਾਕਾਰ ਦਿਲਜੀਤ ਦੋਸਾਂਝ ਦੇ ਸ਼ੋਅ ਤੋਂ ਵੀ ਸਾਹਮਣੇ ਆ ਰਹੀ ਹੈ।

ਦਰਅਸਲ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਦੇ ਪੈਰਿਸ ਵਿੱਚ ਕਾਨਸਰਟ ਦੌਰਾਨ ਜਦੋ ਦਿਲਜੀਤ ਪਟਿਆਲਾ ਪੈੱਗ ਗਾਣਾ ਗਾ ਰਹੇ ਸੀ ਓਸ ਵੇਲੇ ਭੀੜ ਵਿੱਚੋਂ ਇੱਕ ਸਖ਼ਸ਼ ਨੇ ਆਪਣਾ ਫੋਨ ਦਿਲਜੀਤ ਦੋਸਾਂਝ ਵੱਲ ਵਗਾ ਕੇ ਮਾਰਿਆ। ਗਾਇਕ ਨੇ ਫੈਨ ਨੂੰ ਸਟੇਜ 'ਤੇ ਫੋਨ ਸੁੱਟਦੇ ਦੇਖ ਲਿਆ ਸੀ। ਜਿਸ ਤੋਂ ਬਾਅਦ ਗੀਤ ਅਤੇ ਬੈਂਡ ਬੰਦ ਕਰ ਦਿੱਤੇ ਗਏ। ਦਿਲਜੀਤ ਨੇ ਕਿਹਾ- ਅਜਿਹਾ ਕਰਨ ਦਾ ਕੀ ਫਾਇਦਾ ਹੋਇਆ? ਜੇਕਰ ਤੁਹਾਡਾ ਫ਼ੋਨ ਟੁੱਟ ਜਾਂਦਾ ਹੈ ਜਾਂ ਖਰਾਬ ਹੋ ਜਾਂਦਾ ਹੈ, ਤਾਂ ਤੁਹਾਨੂੰ ਨੁਕਸਾਨ ਹੋਵੇਗਾ। ਅਜਿਹਾ ਪਲ ਨਾ ਵਿਗਾੜੋ, ਭਰਾ। ਹਾਲਾਂਕਿ ਇਹ ਫੋਨ ਦਿਲਜੀਤ ਦੇ ਵੱਜਿਆ ਨਹੀਂ ਪਰ ਉਹ ਇਸ ਨੂੰ ਦੇਖ ਕੇ ਡਰ ਗਿਆ।

ਦਿਲਜੀਤ ਨੇ ਪਹਿਲਾਂ ਤਾਂ ਉਸ ਫੋਨ ਨੂੰ ਪੈਰ ਨਾਲ ਸਟੇਜ ਤੋਂ ਹੇਠਾਂ ਸੁੱਟਣ ਦੀ ਕੋਸ਼ਿਸ਼ ਕੀਤੀ ਫਿਰ ਦਿਲਜੀਤ ਨੇ ਸਟੇਜ 'ਤੇ ਫੋਨ ਸੁੱਟਣ ਵਾਲੇ ਫੈਨ 'ਤੇ ਗੁੱਸਾ ਕਰਨ ਦੀ ਬਜਾਏ ਉਸ ਨਾਲ ਪਿਆਰ ਨਾਲ ਗੱਲ ਕੀਤੀ। ਦਿਲਜੀਤ ਨੇ ਅੱਗੇ ਕਿਹਾ- ਤੁਹਾਨੂੰ ਅਜਿਹਾ ਨਹੀਂ ਕਰਨਾ ਚਾਹੀਦਾ। ਮੈਂ ਤੁਹਾਨੂੰ ਪਿਆਰ ਕਰਦਾ ਹਾਂ। ਜੇ ਅਸੀਂ ਪਿਆਰ ਕਰਦੇ ਹਾਂ, ਤਾਂ ਅਸੀਂ ਪਿਆਰ ਦੀ ਪ੍ਰਕਿਰਿਆ ਵਿਚ ਆਪਣਾ ਫੋਨ ਕਿਉਂ ਖਰਾਬ ਕਰੀਏ? ਜਿਸ ਤੋਂ ਬਾਅਦ ਦਿਲਜੀਤ ਨੇ ਫੋਨ ਵਾਪਸ ਫੈਨ ਨੂੰ ਦੇ ਦਿੱਤਾ। ਇੰਨਾ ਹੀ ਨਹੀਂ ਦਿਲਜੀਤ ਨੇ ਉਸ ਦਰਸ਼ਕ ਨੂੰ ਆਪਣੀ ਜੈਕੇਟ ਉਤਾਰ ਕੇ ਗਿਫਟ ਕਰ ਦਿੱਤੀ ਅਤੇ ਬੋਲਿਆ 'ਆਈ ਲਵ ਯੂ'। ਦਿਲਜੀਤ ਨੇ ਕਿਹਾ- ਹੁਣ ਮੈਨੂੰ ਫਿਰ ਤੋਂ ਸ਼ੁਰੂ ਤੋਂ ਹੀ ਗਾਉਣਾ ਪਵੇਗਾ।

ਸਟੇਜ 'ਤੇ ਫੋਨ ਸੁੱਟੇ ਜਾਣ ਦਾ ਵੀਡੀਓ ਵੀ ਸਾਹਮਣੇ ਆਇਆ ਹੈ। ਫਿਲਹਾਲ ਇਸ ਬਾਰੇ ਦਿਲਜੀਤ ਦੀ ਟੀਮ ਜਾਂ ਕਿਸੇ ਹੋਰ ਵਿਅਕਤੀ ਵੱਲੋਂ ਕੋਈ ਬਿਆਨ ਸਾਹਮਣੇ ਨਹੀਂ ਆਇਆ ਹੈ। ਤੁਹਾਨੂੰ ਦੱਸ ਦਈਏ ਕਿ ਦਿਲਜੀਤ ਦੁਸਾਂਝ ਜਲੰਧਰ ਦੇ ਗੁਰਾਇਆ ਕਸਬੇ ਦੇ ਇੱਕ ਛੋਟੇ ਜਿਹੇ ਪਿੰਡ ਦੁਸਾਂਝ ਕਲਾਂ ਦੇ ਵਸਨੀਕ ਹੈ। 2004 ਵਿੱਚ, ਦਲਜੀਤ ਨੇ ਆਪਣੀ ਪਹਿਲੀ ਐਲਬਮ 'ਇਸ਼ਕ ਦਾ ਉਦਾ ਅੱਡਾ' ਰਿਲੀਜ਼ ਕੀਤੀ। ਇਸ ਦੌਰਾਨ ਨਾਮ ਦਲਜੀਤ ਤੋਂ ਬਦਲ ਕੇ ਦਿਲਜੀਤ ਹੋ ਗਿਆ। 2011 ਵਿੱਚ, ਉਸਨੇ ਫਿਲਮ ਦ ਲਾਇਨ ਆਫ ਪੰਜਾਬ ਨਾਲ ਡੈਬਿਊ ਕੀਤਾ, ਪਰ ਇਹ ਫਿਲਮ ਫਲਾਪ ਰਹੀ ਪਰ ਉਸਦਾ ਇੱਕ ਗੀਤ ਸੁਪਰਹਿੱਟ ਹੋ ਗਿਆ ਅਤੇ ਪਹਿਲੀ ਵਾਰ ਬੀਬੀਸੀ ਦੀ ਏਸ਼ੀਅਨ ਡਾਉਨਲੋਡ ਚੈਟ ਵਿੱਚ ਕਿਸੇ ਗੈਰ-ਬਾਲੀਵੁੱਡ ਗਾਇਕ ਦਾ ਗੀਤ ਸਿਖਰ 'ਤੇ ਪਹੁੰਚਿਆ।

ਸਾਲ 2016 'ਚ ਫਿਲਮ 'ਉੜਤਾ ਪੰਜਾਬ' ਨਾਲ ਬਾਲੀਵੁੱਡ 'ਚ ਐਂਟਰੀ ਕੀਤੀ। ਇਸ ਤੋਂ ਬਾਅਦ ਉਸ ਨੇ ਫਿਲੌਰੀ, ਸੂਰਮਾ, ਅਰਜੁਨ ਪਟਿਆਲਾ, ਗੁੱਡ ਨਿਊਜ਼ ਅਤੇ ਸੂਰਜ ਪੇ ਮੰਗਲ ਭਾਰੀ ਵਿੱਚ ਕੰਮ ਕੀਤਾ। ਲਾਕਡਾਊਨ ਦੌਰਾਨ ਉਨ੍ਹਾਂ ਨੇ ਆਪਣੀ ਮਿਊਜ਼ਿਕ ਐਲਬਮ 'G.O.A.T.' ਰਿਲੀਜ਼ ਕੀਤੀ ਹੈ।