ਕੀ ਸੱਚਮੁੱਚ ਕੋਸਾ ਪਾਣੀ ਨਾਲ ਘੱਟਦਾ ਭਾਰ? ਜਾਣੋ ਇਸਦੇ ਪਿੱਛੇ ਦੇ ਤੱਥ

ਚੰਡੀਗੜ੍ਹ: ਪਿਛਲੇ ਕੁਝ ਸਾਲਾਂ ਤੋਂ, ਅਸੀਂ ਸਾਰਿਆਂ ਨੇ ਸੋਸ਼ਲ ਮੀਡੀਆ 'ਤੇ ਸਵੇਰੇ ਖਾਲੀ ਪੇਟ ਕੋਸੇ ਪਾਣੀ ਪੀਣ ਦੇ ਫਾਇਦਿਆਂ ਬਾਰੇ ਬਹੁਤ ਕੁਝ ਪੜ੍ਹਿਆ ਹੈ। ਦਰਅਸਲ, ਖਾਲੀ ਪੇਟ ਕੋਸਾ ਪਾਣੀ ਪੀਣ ਦੇ ਇੱਕ ਜਾਂ ਦੋ ਨਹੀਂ ਸਗੋਂ ਕਈ ਫਾਇਦੇ ਹੁੰਦੇ ਹਨ। ਇਹ ਕਿਹਾ ਜਾਂਦਾ ਹੈ ਕਿ ਇਹ ਪਾਚਨ ਨੂੰ ਸੁਧਾਰਦਾ ਹੈ, ਜਿਸ ਨਾਲ ਤੁਹਾਡੀ ਪ੍ਰਤੀਰੋਧਕ ਸ਼ਕਤੀ ਵਧਦੀ ਹੈ ਅਤੇ ਤੁਹਾਨੂੰ ਬਿਮਾਰੀਆਂ ਤੋਂ ਬਚਾਉਂਦੀ ਹੈ। ਇਸ ਦੇ ਨਾਲ ਹੀ ਇਹ ਤੁਹਾਡੀ ਚਮੜੀ ਨੂੰ ਵੀ ਲਾਭ ਪਹੁੰਚਾਉਂਦਾ ਹੈ ਅਤੇ ਭਾਰ ਵੀ ਘੱਟ ਕਰਦਾ ਹੈ। ਖਾਸ ਕਰਕੇ ਕੋਸੇ ਪਾਣੀ ਨਾਲ ਭਾਰ ਘਟਾਉਣ ਜਾਂ ਪੇਟ ਦੀ ਚਰਬੀ ਘਟਾਉਣ ਦਾ ਦਾਅਵਾ ਬਹੁਤ ਮਸ਼ਹੂਰ ਹੈ।

ਚਾਹ ਅਤੇ ਕੌਫੀ ਵਰਗੇ ਉੱਚ ਕੈਲੋਰੀ ਵਾਲੇ ਪੀਣ ਵਾਲੇ ਪਦਾਰਥਾਂ ਦੇ ਮੁਕਾਬਲੇ ਗਰਮ ਜਾਂ ਕੋਸਾ ਪਾਣੀ ਉਬਲਦਾ ਪਾਣੀ ਚਰਬੀ ਨੂੰ ਨਹੀਂ ਸਾੜਦਾ ਪਰ ਸਰੀਰ ਨੂੰ ਚੰਗੀ ਤਰ੍ਹਾਂ ਹਾਈਡਰੇਟ ਰੱਖਣਾ ਅਤੇ ਗਰਮ ਪਾਣੀ ਦੀ ਚੋਣ ਕਰਨਾ ਤੁਹਾਡੇ ਸਮੁੱਚੇ ਭਾਰ ਘਟਾਉਣ ਦੇ ਟੀਚੇ ਵਿੱਚ ਮਦਦ ਕਰਦਾ ਹੈ। ਇਸ ਦੇ ਨਾਲ, ਜੇਕਰ ਤੁਸੀਂ ਸੰਤੁਲਿਤ ਖੁਰਾਕ ਅਤੇ ਨਿਯਮਤ ਸਰੀਰਕ ਗਤੀਵਿਧੀ ਕਰਦੇ ਹੋ, ਤਾਂ ਤੁਹਾਨੂੰ ਜਲਦੀ ਵਧੀਆ ਨਤੀਜੇ ਮਿਲਣਗੇ।

ਕੀ ਕਹਿੰਦੇ ਹਨ ਡਾਕਟਰ

ਡਾਕਟਰਾਂ ਦਾ ਕਹਿਣਾ ਹੈ ਕਿ ਗਰਮ ਪਾਣੀ ਪੀਣ ਨਾਲ ਤੁਹਾਡੇ ਸਰੀਰ ਨੂੰ ਭੋਜਨ ਵਿਚਲੇ ਚਰਬੀ ਦੇ ਅਣੂਆਂ ਨੂੰ ਵਧੇਰੇ ਕੁਸ਼ਲਤਾ ਨਾਲ ਤੋੜਨ ਵਿਚ ਮਦਦ ਮਿਲਦੀ ਹੈ, ਜੋ ਸਰੀਰ ਨੂੰ ਭਾਰ ਘਟਾਉਣ ਦੀ ਪ੍ਰਕਿਰਿਆ ਵਿਚ ਮਦਦ ਕਰਦਾ ਹੈ। ਇੱਥੇ ਇਹ ਯਕੀਨੀ ਬਣਾਉਣਾ ਵੀ ਜ਼ਰੂਰੀ ਹੈ ਕਿ ਪਾਣੀ ਤੁਹਾਡੇ ਸਰੀਰ ਲਈ ਸਹਿਣਯੋਗ ਤਾਪਮਾਨ 'ਤੇ ਹੋਵੇ ਤਾਂ ਕਿ ਤੁਹਾਡਾ ਮੂੰਹ ਨਾ ਸੜ ਜਾਵੇ, ਯਾਨੀ ਹਮੇਸ਼ਾ ਕੋਸਾ ਪਾਣੀ ਪੀਓ।

ਗਰਮ ਪਾਣੀ ਦੇ ਕੀ ਫਾਇਦੇ

ਕੋਸਾ ਪੀਣ ਨਾਲ ਪਾਚਨ ਕਿਰਿਆ ਵਿੱਚ ਸੁਧਾਰ ਹੁੰਦਾ ਹੈ ਜੋ ਪੌਸ਼ਟਿਕ ਤੱਤਾਂ ਦੀ ਸਮਾਈ ਅਤੇ ਮੈਟਾਬੋਲਿਜ਼ਮ ਨੂੰ ਵਧਾਉਂਦਾ ਹੈ। ਮਾਹਰ ਨੇ ਕਿਹਾ ਕਿ ਗਰਮ ਪਾਣੀ ਖੁਸ਼ਕ ਚਮੜੀ ਲਈ ਵੀ ਫਾਇਦੇਮੰਦ ਹੁੰਦਾ ਹੈ ਅਤੇ ਕਬਜ਼ ਤੋਂ ਰਾਹਤ ਦਿਵਾਉਣ ਵਿਚ ਮਦਦ ਕਰਦਾ ਹੈ। ਡਾਕਟਰ ਗਿੱਲ ਦਾ ਕਹਿਣਾ ਬਿਹਤਰ ਨਤੀਜਿਆਂ ਲਈ ਸਵੇਰੇ ਉੱਠਦੇ ਹੀ ਅਤੇ ਭੋਜਨ ਤੋਂ ਪਹਿਲਾਂ ਗਰਮ ਪਾਣੀ ਪੀਓ। ਨਹਾਉਣ ਤੋਂ ਪਹਿਲਾਂ ਇੱਕ ਗਲਾਸ ਕੋਸੇ ਪਾਣੀ ਦਾ ਸੇਵਨ ਵੀ ਤੁਹਾਡੇ ਬਲੱਡ ਪ੍ਰੈਸ਼ਰ ਨੂੰ ਘੱਟ ਕਰਨ ਵਿੱਚ ਮਦਦ ਕਰ ਸਕਦਾ ਹੈ। ਇਸ ਤੋਂ ਇਲਾਵਾ ਭੋਜਨ ਤੋਂ ਪਹਿਲਾਂ ਪਾਣੀ ਪੀਣ ਨਾਲ ਤੁਹਾਨੂੰ ਪੇਟ ਭਰਿਆ ਮਹਿਸੂਸ ਹੁੰਦਾ ਹੈ, ਜਿਸ ਨਾਲ ਕੈਲੋਰੀ ਦੀ ਮਾਤਰਾ ਘੱਟ ਹੋ ਸਕਦੀ ਹੈ। ਮਾਹਰਾਂ ਦੇ ਅਨੁਸਾਰ, ਗਰਮ ਪਾਣੀ ਬਲੱਡ ਪ੍ਰੈਸ਼ਰ ਨੂੰ ਕੰਟਰੋਲ ਕਰਨ, ਚਮੜੀ ਦੀ ਚਮਕ ਵਧਾਉਣ, ਪਾਚਨ ਵਿੱਚ ਸਹਾਇਤਾ ਕਰਨ, ਸਰੀਰ ਵਿੱਚੋਂ ਜ਼ਹਿਰੀਲੇ ਪਦਾਰਥਾਂ ਨੂੰ ਬਾਹਰ ਕੱਢਣ ਅਤੇ ਪੀਰੀਅਡਸ ਨਾਲ ਸਬੰਧਤ ਸਮੱਸਿਆਵਾਂ ਨੂੰ ਘੱਟ ਕਰਨ ਵਿੱਚ ਮਦਦ ਕਰਦਾ ਹੈ।