ਪਿਸਤੌਲ ਦੀ ਨੋਕ 'ਤੇ ਪਾਰਕਿੰਗ

ਚੰਡੀਗੜ੍ਹ : ਚੰਡੀਗੜ੍ਹ ਦੇ ਅਟਾਵਾ ਪਿੰਡ 'ਚ ਪਾਰਕਿੰਗ ਨੂੰ ਲੈ ਕੇ ਹੋਏ ਮਾਮੂਲੀ ਝਗੜੇ 'ਚ ਪਿਸਤੌਲ ਤਾਣਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਦਾ ਸੀਸੀਟੀਵੀ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ। ਨੌਜਵਾਨ ਪਹਿਲਾਂ ਪਾਰਕਿੰਗ ਨੂੰ ਲੈ ਕੇ ਲੜਦਾ ਹੈ। ਇਸ ਤੋਂ ਬਾਅਦ ਉਸ ਨੇ ਪਿਸਤੌਲ ਦਿਖਾ ਕੇ ਉੱਥੇ ਮੌਜੂਦ ਲੋਕਾਂ ਨੂੰ ਡਰਾਇਆ। ਘਟਨਾ ਦੇ ਬਾਅਦ ਤੋਂ ਦੋਸ਼ੀ ਨੌਜਵਾਨ ਫਰਾਰ ਹੈ।

ਦੋਸ਼ੀ ਇੱਥੇ ਕਿਰਾਏ 'ਤੇ ਰਹਿੰਦਾ ਹੈ ਅਤੇ ਰੋਜ਼ਾਨਾ ਹੀ ਘਰ ਦੇ ਬਾਹਰ ਐਕਟਿਵਾ ਖੜੀ ਕਰਦਾ ਸੀ। ਇਸ ਸਬੰਧੀ ਉਸ ਨੂੰ ਐਕਟਿਵਾ ਉੱਥੇ ਨਾ ਪਾਰਕ ਕਰਨ ਲਈ ਕਿਹਾ। ਇਸ 'ਤੇ ਉਹ ਗੁੱਸੇ 'ਚ ਆ ਗਿਆ ਅਤੇ ਪਿਸਤੌਲ ਤਾਣ ਕੇ ਉਸ ਨੂੰ ਧਮਕੀਆਂ ਦੇਣ ਲੱਗਾ। ਹੁਣ ਪੁਲਿਸ ਉਸ ਪਿਸਤੌਲ ਨੂੰ ਡਮੀ ਦੱਸ ਰਹੀ ਹੈ।