ਅਫਗਾਨਿਤਸਾਨ ਸਰਹੱਦ ’ਤੇ ਬਾਲਾਕੋਟ ਜਿਹੀ ਏਅਰਸਟ੍ਰਾਇਕ ਕਰਨਾ ਚਾਹੁੰਦੈ ਪਾਕਿਸਤਾਨ

ਇਸਲਾਮਾਬਾਦ, 2 ਅਕਤੂਬਰ, ਹ.ਬ. : ਤਾਲਿਬਾਨ ਦੀ ਹਮਾਇਤ ਕਰ ਕੇ ਪਾਕਿਸਤਾਨ ਨੇ ਅਫਗਾਨਿਸਤਾਨ ਵਿਚ ਤਖ਼ਤਾ ਪਲਟ ਕਰਵਾਇਆ ਸੀ, ਉਹੀ ਤਾਲਿਬਾਨ ਹੁਣ ਪਾਕਿਸਤਾਨ ਲਈ ਮੁਸੀਬਤ ਬਣ ਰਿਹਾ ਹੈ। ਅਜਿਹੇ ’ਚ ਪਾਕਿਸਤਾਨ ਆਪਣੀ ਸਰਹੱਦ ਨਾਲ ਲੱਗਦੇ ਤਾਲਿਬਾਨ ਦੇ ਕੁਝ ਟਿਕਾਣਿਆਂ ’ਤੇ ਵੱਡੇ ਹਮਲੇ ਦੀ ਤਿਆਰੀ ਕਰ ਰਿਹਾ ਹੈ।

ਦਰਅਸਲ, ਪਾਕਿਸਤਾਨ ਬਾਲਾਕੋਟ ਵਾਂਗ ਅਫਗਾਨਿਸਤਾਨ ਵਿੱਚ ਹਵਾਈ ਹਮਲੇ ਕਰਨਾ ਚਾਹੁੰਦਾ ਹੈ। ਉਸ ਨੇ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ (ਟੀਟੀਪੀ) ਦੇ ਕੁਝ ਅੱਤਵਾਦੀ ਕੈਂਪਾਂ ਬਾਰੇ ਜਾਣਕਾਰੀ ਹਾਸਲ ਕੀਤੀ ਹੈ ਜੋ ਉਨ੍ਹਾਂ ਦੀ ਸਰਹੱਦ ਦੇ ਬਹੁਤ ਨੇੜੇ ਹਨ। ਪਾਕਿਸਤਾਨ ਦੀ ਖੁਫੀਆ ਏਜੰਸੀ ਆਈਐਸਆਈ ਦੇ ਗੁਪਤ ਦਸਤਾਵੇਜ਼ ਮਿਲੇ ਹਨ। ਇਨ੍ਹਾਂ ’ਚ ਅਫਗਾਨਿਸਤਾਨ ’ਚ ਵਧ-ਫੁੱਲ ਰਹੇ ਟੀਟੀਪੀ ਦੇ ਸਾਰੇ ਕੈਂਪਾਂ ’ਤੇ ਹਵਾਈ ਹਮਲੇ ਕਰਨ ਦੀ ਲੋੜ ਸਪੱਸ਼ਟ ਤੌਰ ’ਤੇ ਦੱਸੀ ਗਈ ਹੈ।

ਪਾਕਿਸਤਾਨੀ ਖੁਫੀਆ ਏਜੰਸੀ ਦੇ ਇੱਕ ਏਜੰਟ ਨੇ ਜਲਾਲਾਬਾਦ, ਅਫਗਾਨਿਸਤਾਨ ਤੋਂ ਪਾਕਿਸਤਾਨੀ ਦੂਤਾਵਾਸ ਨੂੰ ਈ-ਮੇਲ ਰਾਹੀਂ 4 ਚਿੱਠੀਆਂ ਭੇਜੀਆਂ ਹਨ। ਪਹਿਲਾ ਪੱਤਰ 2 ਜਨਵਰੀ ਨੂੰ ਭੇਜਿਆ ਗਿਆ ਸੀ। ਇਸ ਪ੍ਰਮੁੱਖ ਗੁਪਤ ਈਮੇਲ ਨੂੰ ਸਭ ਤੋਂ ਤੁਰੰਤ ਸ਼੍ਰੇਣੀ ਅਤੇ ਪਾਸਵਰਡ ਸੁਰੱਖਿਅਤ ਵਜੋਂ ਚਿੰਨਿ੍ਹਤ ਕੀਤਾ ਗਿਆ ਸੀ।

ਇਸ ਈ-ਮੇਲ ਵਿੱਚ ਪਾਕਿਸਤਾਨ ਦੇ ਸਰਹੱਦੀ ਖੇਤਰਾਂ ਵਿੱਚ ਦਹਿਸ਼ਤ ਪੈਦਾ ਕਰਨ ਵਾਲੇ ਟੀਟੀਪੀ ਅਤੇ ਉਨ੍ਹਾਂ ਦੇ ਨੇਤਾਵਾਂ ਦੇ ਸਾਰੇ ਛੁਪਣਗਾਹਾਂ ਬਾਰੇ ਇੱਕ ਰਿਪੋਰਟ ਸੀ। ਪਾਕਿਸਤਾਨੀ ਸਰਹੱਦ ’ਤੇ 9 ਅੱਤਵਾਦੀ ਸਿਖਲਾਈ ਕੈਂਪ ਚੱਲ ਰਹੇ ਹਨ। ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਟੀਟੀਪੀ ਲੜਾਕਿਆਂ ਨੂੰ ਸੂਬਾਈ ਗਵਰਨਰ ਮੌਲਵੀ ਅਬਦੁਲ ਸ਼ਕੂਰ ਦੀ ਸੁਰੱਖਿਆ ਹਾਸਲ ਹੈ।