ਕਰੋੜਾਂ ਦੇ ਘਰ ਨੂੰ ਲੈ ਕੇ ਸੁਪਰੀਮ ਕੋਰਟ ਦੇ ਵਕੀਲ ਦਾ ਕਤਲ

ਨੋਇਡਾ : ਸੈਕਟਰ-30 ਦੇ ਡੀ ਬਲਾਕ ਦੀ ਕੋਠੀ ਨੰਬਰ ਡੀ-40 'ਚ ਸੁਪਰੀਮ ਕੋਰਟ ਦੀ ਸੀਨੀਅਰ ਮਹਿਲਾ ਵਕੀਲ ਰੇਣੂ ਸਿਨਹਾ ਦੀ ਹੱਤਿਆ ਦੇ ਮਾਮਲੇ 'ਚ ਨੋਇਡਾ Police ਨੇ ਸੋਮਵਾਰ ਤੜਕੇ ਕਰੀਬ 3 ਵਜੇ ਦੋਸ਼ੀ ਪਤੀ ਨਿਤਿਨ ਨਾਥ ਸਿਨਹਾ ਨੂੰ ਗ੍ਰਿਫਤਾਰ ਕੀਤਾ ਹੈ। ਘਰ ਵੇਚਣ ਨੂੰ ਲੈ ਕੇ ਹੋਏ ਝਗੜੇ ਨੂੰ ਲੈ ਕੇ ਪਤੀ ਨੇ ਔਰਤ ਦਾ ਕਤਲ ਕਰ ਦਿੱਤਾ ਸੀ। ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਉਹ ਘਰ ਦੀ ਪਹਿਲੀ ਮੰਜ਼ਿਲ 'ਤੇ ਸਟੋਰ ਰੂਮ 'ਚ ਲੁਕ ਗਿਆ। ਪੁਲੀਸ ਨੇ ਮ੍ਰਿਤਕ ਦੇ ਭਰਾ ਦੀ ਸ਼ਿਕਾਇਤ ’ਤੇ ਨਿਤਿਨ ਖ਼ਿਲਾਫ਼ ਕਤਲ ਦੀ ਧਾਰਾ ਤਹਿਤ ਕੇਸ ਦਰਜ ਕਰ ਲਿਆ ਸੀ। ਸੀਜੇਐਮ ਅਦਾਲਤ ਨੇ ਮੁਲਜ਼ਮ ਪਤੀ ਨੂੰ 14 ਦਿਨਾਂ ਦੀ ਨਿਆਂਇਕ ਹਿਰਾਸਤ ਲਈ ਜੇਲ੍ਹ ਭੇਜ ਦਿੱਤਾ ਹੈ।

ਡੀਸੀਪੀ ਹਰੀਸ਼ ਚੰਦਰ ਨੇ ਸੋਮਵਾਰ ਨੂੰ ਇਸ ਕਤਲ ਦੀ ਘਟਨਾ ਦਾ ਖੁਲਾਸਾ ਕਰਦੇ ਹੋਏ ਦੱਸਿਆ ਕਿ ਐਤਵਾਰ ਸਵੇਰੇ ਕਰੀਬ 8 ਵਜੇ ਨਿਤਿਨ ਨਾਥ ਸਿਨਹਾ ਉੱਠਿਆ ਅਤੇ ਚਾਹ ਬਣਾ ਲਈ। ਇਸ ਤੋਂ ਬਾਅਦ ਉਹ ਆਪਣੀ ਪਤਨੀ ਨਾਲ ਮਕਾਨ ਵੇਚਣ ਦੀ ਗੱਲ ਕਰਨ ਲੱਗਾ। ਨਿਤਿਨ ਨੇ ਉਸ ਪ੍ਰਾਪਰਟੀ ਡੀਲਰ ਨੂੰ ਐਤਵਾਰ ਨੂੰ ਹੀ ਆਪਣੇ ਘਰ ਬੁਲਾਇਆ ਸੀ। ਜਿਸ ਨਾਲ ਉਸ ਨੇ 4.5 ਕਰੋੜ ਰੁਪਏ ਵਿੱਚ ਘਰ ਦਾ ਸੌਦਾ ਕੀਤਾ ਸੀ। ਇਸ ਦੇ ਬਦਲੇ ਨਿਤਿਨ ਨੇ ਡੀਲਰ ਤੋਂ 55 ਲੱਖ ਰੁਪਏ ਐਡਵਾਂਸ ਵੀ ਲੈ ਲਏ ਸਨ। ਪਤਨੀ ਰੇਣੂ ਸਿਨਹਾ ਨੇ ਘਰ ਵੇਚਣ ਦਾ ਵਿਰੋਧ ਕੀਤਾ ਤਾਂ ਪਤੀ ਨੇ ਉਸ ਨਾਲ ਧੱਕਾ-ਮੁੱਕੀ ਕਰਨੀ ਸ਼ੁਰੂ ਕਰ ਦਿੱਤੀ।
ਇਸ ਦੌਰਾਨ ਉਸ ਨੇ ਆਪਣੀ ਪਤਨੀ ਦਾ ਮੂੰਹ ਬੈੱਡਰੂਮ ਵਿਚ ਸਿਰਹਾਣੇ ਨਾਲ ਦਬਾਇਆ ਅਤੇ ਫਿਰ ਉਸ ਦਾ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ। ਹੱਥੋਪਾਈ ਅਤੇ ਲੜਾਈ ਕਾਰਨ ਔਰਤ ਦੇ ਕੰਨਾਂ ਅਤੇ ਨੱਕ ਵਿੱਚੋਂ ਵੀ ਖੂਨ ਵਹਿ ਰਿਹਾ ਸੀ। ਉਹ ਰੇਣੂ ਦੀ ਲਾਸ਼ ਨੂੰ ਖਿੱਚ ਕੇ ਬਾਥਰੂਮ ਵਿੱਚ ਲੈ ਗਿਆ। ਇਹ ਘਟਨਾ ਸਵੇਰੇ ਦਸ ਵਜੇ ਦੇ ਕਰੀਬ ਗਰਾਊਂਡ ਫਲੋਰ 'ਤੇ ਵਾਪਰੀ। ਘਟਨਾ ਤੋਂ ਕਰੀਬ ਇਕ ਘੰਟੇ ਬਾਅਦ ਇਕ ਪ੍ਰਾਪਰਟੀ ਡੀਲਰ ਨਿਤਿਨ ਨਾਥ ਸਿਨਹਾ ਦੇ ਘਰ ਪਹੁੰਚਿਆ। ਨਿਤਿਨ ਨੇ ਪ੍ਰਾਪਰਟੀ ਡੀਲਰ ਨੂੰ ਪਹਿਲੀ ਮੰਜ਼ਿਲ 'ਤੇ ਬਣੇ ਕਮਰੇ ਸਮੇਤ ਹੋਰ ਥਾਵਾਂ ਦਿਖਾਈਆਂ ਪਰ ਬਾਥਰੂਮ ਦਿਖਾਉਣ ਲਈ ਨਹੀਂ ਲੈ ਕੇ ਗਿਆ।

ਪਤੀ ਫਿਰ ਬਾਥਰੂਮ ਪਹੁੰਚਿਆ ਅਤੇ ਉਸਨੂੰ ਯਕੀਨ ਹੋ ਗਿਆ ਕਿ ਉਸਦੀ ਪਤਨੀ ਮਰ ਚੁੱਕੀ ਹੈ। ਸੋਮਵਾਰ ਨੂੰ ਨੋਇਡਾ ਵਿੱਚ ਹੀ ਔਰਤ ਦਾ ਸਸਕਾਰ ਕਰ ਦਿੱਤਾ ਗਿਆ। ਇਸ ਮੌਕੇ ਬੇਟਾ ਅਮਰੀਕਾ ਤੋਂ ਭਾਰਤ ਨਹੀਂ ਆ ਸਕਿਆ। ਨਜ਼ਦੀਕੀ ਰਿਸ਼ਤੇਦਾਰ ਨੇ ਔਰਤ ਦਾ ਅੰਤਿਮ ਸੰਸਕਾਰ ਕੀਤਾ। ਕੈਂਸਰ ਪੀੜਤ ਪਤਨੀ ਦਾ ਅਮਰੀਕਾ ਤੋਂ ਹੀ ਇਲਾਜ ਚੱਲ ਰਿਹਾ ਸੀ। ਹਾਲਾਂਕਿ, ਦੱਸਿਆ ਗਿਆ ਸੀ ਕਿ ਉਹ ਇੱਕ ਮਹੀਨਾ ਪਹਿਲਾਂ ਕੈਂਸਰ ਤੋਂ ਠੀਕ ਹੋ ਗਏ ਸਨ।

ਘਟਨਾ ਤੋਂ ਬਾਅਦ ਦੋਸ਼ੀ ਪਤੀ ਨੇ ਗਰਾਊਂਡ ਫਲੋਰ 'ਤੇ ਸਾਰੇ ਕਮਰਿਆਂ ਦੇ ਸਾਰੇ ਦਰਵਾਜ਼ੇ ਬੰਦ ਕਰ ਦਿੱਤੇ ਅਤੇ ਬਾਹਰ ਦੀਆਂ ਪੌੜੀਆਂ ਦੀ ਮਦਦ ਨਾਲ ਪਹਿਲੀ ਮੰਜ਼ਿਲ 'ਤੇ ਪਹੁੰਚ ਗਿਆ। ਇਸ ਦੌਰਾਨ ਲੋਕ ਮੋਬਾਈਲ 'ਤੇ ਲਗਾਤਾਰ ਕਾਲ ਕਰ ਰਹੇ ਸਨ। ਮੁਲਜ਼ਮ ਨੇ ਫੋਨ ਕਰਨ ਵਾਲੇ ਗੁਆਂਢੀ ਨੂੰ ਦੱਸਿਆ ਕਿ ਉਹ ਲੋਧੀ ਗਾਰਡਨ ਵਿੱਚ ਹੈ। ਆਪਣੇ ਆਪ ਨੂੰ ਘਿਰਿਆ ਦੇਖ ਕੇ ਉਹ ਪਹਿਲੀ ਮੰਜ਼ਿਲ 'ਤੇ ਸਟੋਰ ਰੂਮ 'ਚ ਲੁਕ ਗਿਆ ਅਤੇ ਆਪਣਾ ਮੋਬਾਈਲ ਬੰਦ ਕਰ ਦਿੱਤਾ।