Begin typing your search above and press return to search.
ਮੁਹਾਲੀ : ਆਰਪੀਜੇ ਹਮਲੇ ਦੇ ਮੁਲਜ਼ਮ ਕੋਲੋਂ ਜੇਲ੍ਹ ਵਿਚ ਫੋਨ ਮਿਲਿਆ
ਮੁਹਾਲੀ, 19 ਦਸੰਬਰ, ਨਿਰਮਲ : ਮੁਹਾਲੀ ਵਿੱਚ ਪੰਜਾਬ ਪੁਲੀਸ ਦੇ ਇੰਟੈਲੀਜੈਂਸ ਹੈੱਡਕੁਆਰਟਰ ’ਤੇ ਆਰਪੀਜੀ ਹਮਲੇ ਅਤੇ ਸੈਕਟਰ-15 ਵਿੱਚ ਇੱਕ ਪੀਜੀ ਵਿੱਚ ਦਾਖ਼ਲ ਹੋ ਕੇ ਦੋ ਵਿਅਕਤੀਆਂ ਦੀ ਹੱਤਿਆ ਕਰਨ ਦੇ ਮੁਲਜ਼ਮ ਦੀਪਕ ਉਰਫ਼ ਰੰਗਾ (24) ਤੋਂ ਬੁੜੈਲ ਜੇਲ੍ਹ ਵਿੱਚੋਂ ਇੱਕ ਮੋਬਾਈਲ ਫ਼ੋਨ ਮਿਲਿਆ ਹੈ। ਸੈਕਟਰ-49 ਥਾਣੇ ਦੀ ਪੁਲਸ ਨੇ ਰੰਗਾ ਖ਼ਿਲਾਫ਼ ਜੇਲ੍ਹ ਐਕਟ 2011 ਦੀ […]
By : Editor Editor
ਮੁਹਾਲੀ, 19 ਦਸੰਬਰ, ਨਿਰਮਲ : ਮੁਹਾਲੀ ਵਿੱਚ ਪੰਜਾਬ ਪੁਲੀਸ ਦੇ ਇੰਟੈਲੀਜੈਂਸ ਹੈੱਡਕੁਆਰਟਰ ’ਤੇ ਆਰਪੀਜੀ ਹਮਲੇ ਅਤੇ ਸੈਕਟਰ-15 ਵਿੱਚ ਇੱਕ ਪੀਜੀ ਵਿੱਚ ਦਾਖ਼ਲ ਹੋ ਕੇ ਦੋ ਵਿਅਕਤੀਆਂ ਦੀ ਹੱਤਿਆ ਕਰਨ ਦੇ ਮੁਲਜ਼ਮ ਦੀਪਕ ਉਰਫ਼ ਰੰਗਾ (24) ਤੋਂ ਬੁੜੈਲ ਜੇਲ੍ਹ ਵਿੱਚੋਂ ਇੱਕ ਮੋਬਾਈਲ ਫ਼ੋਨ ਮਿਲਿਆ ਹੈ। ਸੈਕਟਰ-49 ਥਾਣੇ ਦੀ ਪੁਲਸ ਨੇ ਰੰਗਾ ਖ਼ਿਲਾਫ਼ ਜੇਲ੍ਹ ਐਕਟ 2011 ਦੀ ਧਾਰਾ 52-ਏ (1) ਤਹਿਤ ਕੇਸ ਦਰਜ ਕੀਤਾ ਹੈ। ਸ਼ਿਕਾਇਤਕਰਤਾ ਸੀਪੀਐਸ ਪ੍ਰਵੀਨ ਕੁਮਾਰ ਹੈ।
ਦੀਪਕ ਮੂਲ ਰੂਪ ਤੋਂ ਝੱਜਰ (ਹਰਿਆਣਾ) ਜ਼ਿਲ੍ਹੇ ਦੇ ਪਿੰਡ ਸੁਰਖਪੁਰ ਦਾ ਰਹਿਣ ਵਾਲਾ ਹੈ ਅਤੇ ਸ਼ਾਰਪ ਸ਼ੂਟਰ ਹੈ। ਜੇਲ੍ਹ ਪ੍ਰਸ਼ਾਸਨ ਨੂੰ ਸ਼ੱਕ ਸੀ ਕਿ ਉਸ ਕੋਲ ਮੋਬਾਈਲ ਫ਼ੋਨ ਹੋ ਸਕਦਾ ਹੈ। 17 ਦਸੰਬਰ ਨੂੰ ਬੈਰਕ ਨੰਬਰ ਨੌਂ ਵਿੱਚ ਬੰਦ ਦੀਪਕ ਦੀ ਸ਼ੱਕ ਦੇ ਆਧਾਰ ’ਤੇ ਤਲਾਸ਼ੀ ਲਈ ਗਈ ਤਾਂ ਉਸ ਕੋਲੋਂ ਇੱਕ ਮੋਬਾਈਲ ਫੋਨ ਬਰਾਮਦ ਹੋਇਆ। ਪੁਲਿਸ ਹੁਣ ਇਸ ਗੱਲ ਦੀ ਜਾਂਚ ਕਰ ਰਹੀ ਹੈ ਕਿ ਇਹ ਮੋਬਾਈਲ ਫ਼ੋਨ ਜੇਲ੍ਹ ਵਿੱਚ ਉਸ ਕੋਲ ਕਿਵੇਂ ਪਹੁੰਚਿਆ ਅਤੇ ਮੁਲਜ਼ਮ ਨੇ ਇਸ ਤੋਂ ਕਿੱਥੋਂ ਅਤੇ ਕਿੰਨੀਆਂ ਕਾਲਾਂ ਕੀਤੀਆਂ।
ਸੂਤਰਾਂ ਅਨੁਸਾਰ ਪੇਸ਼ੀ ਲਈ ਆਉਣ ਵਾਲੇ ਕੈਦੀ ਕਈ ਵਾਰ ਨਸ਼ੀਲੇ ਪਦਾਰਥਾਂ ਜਾਂ ਛੋਟੇ ਮੋਬਾਈਲ ਫੋਨਾਂ ਨੂੰ ਸਰੀਰ ਦੇ ਖੋਖਿਆਂ ਵਿਚ ਛੁਪਾ ਲੈਂਦੇ ਹਨ। ਦੀਪਕ ਕੋਲੋਂ ਜ਼ਬਤ ਕੀਤਾ ਗਿਆ ਮੋਬਾਈਲ ਫ਼ੋਨ ਵੀ ਨੰਬਰਾਂ ਵਾਲਾ ਛੋਟਾ ਚੀਨੀ ਫ਼ੋਨ ਹੈ। ਦੱਸ ਦੇਈਏ ਕਿ ਸਾਲ 2019 ਵਿੱਚ ਬੁੜੈਲ ਵਿੱਚ ਹੋਏ ਸੋਨੂੰ ਸ਼ਾਹ ਕਤਲ ਕੇਸ ਵਿੱਚ ਦੀਪਕ ਦਾ ਨਾਮ ਵੀ ਸਾਹਮਣੇ ਆਇਆ ਸੀ। ਇਲਜ਼ਾਮ ਅਨੁਸਾਰ ਉਸ ਨੇ ਘਟਨਾ ਤੋਂ ਬਾਅਦ ਦਹਿਸ਼ਤ ਫੈਲਾਉਣ ਲਈ ਹਵਾ ਵਿੱਚ ਗੋਲੀ ਵੀ ਚਲਾਈ ਸੀ।
ਦੀਪਕ ਰੰਗਾ ਦਾ ਨਾਂ ਰਾਣਾ ਕੰਦੋਵਾਲੀਆ ਦੇ ਕਤਲ ਨਾਲ ਵੀ ਜੁੜਿਆ ਸੀ। ਇਲਜ਼ਾਮ ਅਨੁਸਾਰ ਲਾਰੈਂਸ ਦੇ ਨਿਰਦੇਸ਼ਾਂ ’ਤੇ ਦੀਪਕ ਰੰਗਾ ਨੇ ਨਾਬਾਲਗ ਸੋਨੂੰ ਡਾਗਰ ਅਤੇ ਹੈਪੀ ਨਾਲ ਮਿਲ ਕੇ ਕੇਡੀ ਹਸਪਤਾਲ ਅੰਮ੍ਰਿਤਸਰ ਵਿਖੇ ਰਾਣਾ ਕੰਦੋਵਾਲੀਆ ਦਾ ਕਤਲ ਕਰ ਦਿੱਤਾ ਸੀ। ਇਸ ਤੋਂ ਬਾਅਦ ਦੀਪਕ ਰੰਗਾ ਅੱਤਵਾਦੀ ਰਿੰਦਾ ਦੇ ਸੰਪਰਕ ’ਚ ਆਇਆ ਅਤੇ ਉਸ ਦੇ ਕਹਿਣ ’ਤੇ ਉਸ ਨੇ ਨਾਬਾਲਗ ਦੋਸ਼ੀ ਨਾਲ ਮਿਲ ਕੇ ਮਹਾਰਾਸ਼ਟਰ ’ਚ ਸੰਜੇ ਬਿਆਨੀ ਨਾਂ ਦੇ ਵਿਅਕਤੀ ਦਾ ਕਤਲ ਕਰ ਦਿੱਤਾ।
ਪੁਲਿਸ ਪੁੱਛਗਿੱਛ ਦੌਰਾਨ ਰੰਗਾ ਨੇ ਮੰਨਿਆ ਕਿ ਗੈਂਗਸਟਰਾਂ ਲਾਰੈਂਸ ਬਿਸ਼ਨੋਈ ਅਤੇ ਰਾਜੂ ਬਸੌਦੀ ਦੇ ਕਹਿਣ ’ਤੇ ਉਸ ਨੇ ਰਾਜਨ, ਮਨਜੀਤ ਮੋਟਾ, ਸ਼ੁਭਮ ਬਿਗਨੀ ਅਤੇ ਅਭਿਸ਼ੇਕ ਉਰਫ਼ ਬੰਟੀ ਨਾਲ ਮਿਲ ਕੇ 28 ਸਤੰਬਰ 2019 ਨੂੰ ਬੁਡੈਲ ਵਿੱਚ ਸੋਨੂੰ ਸ਼ਾਹ ਦਾ ਕਤਲ ਕੀਤਾ ਸੀ। ਇਸ ਮਾਮਲੇ ਵਿੱਚ ਚੰਡੀਗੜ੍ਹ ਪੁਲਸ ਨੇ ਉਸ ਨੂੰ ਅੰਮ੍ਰਿਤਸਰ ਕੇਂਦਰੀ ਜੇਲ੍ਹ ਤੋਂ ਪੁੱਛਗਿੱਛ ਲਈ ਪ੍ਰੋਡਕਸ਼ਨ ਵਾਰੰਟ ’ਤੇ ਲਿਆਂਦਾ ਸੀ।
ਸੋਨੂੰ ਸ਼ਾਹ ਦੇ ਕਤਲ ਤੋਂ ਇਲਾਵਾ ਦੀਪਕ ਨੇ ਸਾਲ 2019 ’ਚ ਹੀ ਚੰਡੀਗੜ੍ਹ ਸੈਕਟਰ-15 ’ਚ ਕਾਲਜ ਦੇ ਦੋ ਵਿਦਿਆਰਥੀਆਂ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਸੀ। ਸੂਤਰਾਂ ਮੁਤਾਬਕ ਉਸ ਨੇ ਇਸ ਦੇ ਲਈ 2 ਤੋਂ 3 ਲੱਖ ਰੁਪਏ ਲਏ ਸਨ। ਇਸ ਦੇ ਨਾਲ ਹੀ ਮੋਹਾਲੀ ਆਰਪੀਜੀ ਹਮਲੇ ਲਈ ਉਸ ਨੂੰ 10 ਤੋਂ 15 ਲੱਖ ਰੁਪਏ ਮਿਲੇ ਸਨ, ਜੋ ਰਿੰਦਾ ਨੇ ਭੇਜੇ ਸਨ।
Next Story