ਮਾਇਆਵਤੀ ਵਲੋਂ ਬਸਪਾ ਦੀ ਤੀਜੀ ਸੂਚੀ ਜਾਰੀ 12 ਹੋਰ ਨਾਵਾਂ ਦਾ ਐਲਾਨ

Mayawati released the third list of BSP and announced 12 more names

ਲਖਨਊ : ਮਾਇਆਵਤੀ ਨੇ ਲੋਕ ਸਭਾ ਚੋਣਾਂ ਲਈ ਯੂਪੀ ਤੋਂ ਉਮੀਦਵਾਰਾਂ ਦੀ ਤੀਜੀ ਸੂਚੀ ਜਾਰੀ ਕਰ ਦਿੱਤੀ ਹੈ। ਇਸ ਵਿੱਚ 12 ਉਮੀਦਵਾਰਾਂ ਦਾ ਐਲਾਨ ਕੀਤਾ ਗਿਆ ਹੈ। ਮਥੁਰਾ ਤੋਂ ਟਿਕਟ ਬਦਲੀ ਗਈ ਹੈ। ਇਸ ਤੋਂ ਪਹਿਲਾਂ ਬਸਪਾ ਨੇ 25 ਉਮੀਦਵਾਰਾਂ ਦਾ ਐਲਾਨ ਕੀਤਾ ਸੀ।

ਇਸ ਤਰ੍ਹਾਂ ਬਸਪਾ ਹੁਣ ਤੱਕ ਯੂਪੀ ਵਿੱਚ 80 ਵਿੱਚੋਂ 36 ਨਾਵਾਂ ਦਾ ਐਲਾਨ ਕਰ ਚੁੱਕੀ ਹੈ। ਬੁੱਧਵਾਰ ਨੂੰ ਜਿਨ੍ਹਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਗਿਆ, ਉਨ੍ਹਾਂ 'ਚ ਗਾਜ਼ੀਆਬਾਦ ਤੋਂ ਨੰਦਕਿਸ਼ੋਰ ਪੁੰਡੀਰ, ਅਲੀਗੜ੍ਹ ਤੋਂ ਹਿਤੇਂਦਰ ਕੁਮਾਰ ਉਰਫ ਬੰਟੀ ਉਪਾਧਿਆਏ ਅਤੇ ਮਥੁਰਾ ਤੋਂ ਸੁਰੇਸ਼ ਸਿੰਘ ਨੂੰ ਮੈਦਾਨ 'ਚ ਉਤਾਰਿਆ ਗਿਆ ਹੈ। ਇੱਥੇ ਕਮਲਕਾਂਤ ਉਪਮਨਿਊ ਨੂੰ ਪਹਿਲਾਂ ਟਿਕਟ ਦਿੱਤੀ ਗਈ। ਇਸੇ ਤਰ੍ਹਾਂ ਡਾ.ਗੁਲਸ਼ਨ ਦੇਵ ਸ਼ਾਕਿਆ ਨੂੰ ਮੈਨਪੁਰੀ ਤੋਂ, ਅੰਸ਼ੈ ਕਾਲੜਾ ਰੌਕੀ ਨੂੰ ਖੇੜੀ ਤੋਂ, ਅਸ਼ੋਕ ਕੁਮਾਰ ਪਾਂਡੇ ਨੂੰ ਉਨਾਓ ਤੋਂ, ਰਾਜੇਸ਼ ਕੁਮਾਰ ਉਰਫ਼ ਮਨੋਜ ਪ੍ਰਧਾਨ ਨੂੰ ਮੋਹਨਲਾਲਗੰਜ ਤੋਂ ਮੈਦਾਨ ਵਿਚ ਉਤਾਰਿਆ ਗਿਆ ਹੈ।

ਰਾਜਧਾਨੀ ਲਖਨਊ ਅਤੇ ਕਨੌਜ ਵਿੱਚ ਮੁਸਲਿਮ ਉਮੀਦਵਾਰ ਦਿੱਤੇ ਗਏ ਹਨ। ਲਖਨਊ ਤੋਂ ਸਰਵਰ ਮਲਿਕ ਅਤੇ ਕੰਨੌਜ ਤੋਂ ਇਮਰਾਨ ਬਿਨ ਜ਼ਫਰ ਨੂੰ ਟਿਕਟਾਂ ਦਿੱਤੀਆਂ ਗਈਆਂ ਹਨ। ਸ਼ੁਭ ਨਰਾਇਣ ਕੌਸ਼ੰਬੀ ਤੋਂ, ਡਾਕਟਰ ਇੰਦੂ ਚੌਧਰੀ ਨੂੰ ਲਾਲਗੰਜ ਤੋਂ ਅਤੇ ਮਨੀਸ਼ ਤ੍ਰਿਪਾਠੀ ਨੂੰ ਮਿਰਜ਼ਾਪੁਰ ਤੋਂ ਉਮੀਦਵਾਰ ਬਣਾਇਆ ਗਿਆ ਹੈ।

ਪਿਛਲੇ ਹਫਤੇ, ਬਸਪਾ ਨੇ ਕੁਝ ਘੰਟਿਆਂ ਦੇ ਅੰਤਰਾਲ 'ਤੇ ਯੂਪੀ ਲਈ ਦੋ ਸੂਚੀਆਂ ਜਾਰੀ ਕੀਤੀਆਂ ਸਨ। ਪਹਿਲੀ ਸੂਚੀ 'ਚ 16 ਲੋਕਾਂ ਦੇ ਨਾਂ ਸਨ ਜਦਕਿ ਦੂਜੀ ਸੂਚੀ 'ਚ 9 ਲੋਕਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਗਿਆ ਸੀ। ਇਨ੍ਹਾਂ 9 ਵਿਅਕਤੀਆਂ ਵਿੱਚੋਂ 4 ਐਸਸੀ, 2 ਬ੍ਰਾਹਮਣ ਅਤੇ 3 ਓਬੀਸੀ ਨੂੰ ਉਮੀਦਵਾਰ ਬਣਾਇਆ ਗਿਆ ਸੀ। ਮਾਇਆਵਤੀ ਨੇ ਕਾਨਪੁਰ ਤੋਂ ਕੁਲਦੀਪ ਭਦੌਰੀਆ, ਆਗਰਾ ਤੋਂ ਪੂਜਾ ਅਮਰੋਹੀ ਅਤੇ ਮਥੁਰਾ ਤੋਂ ਕਮਲਕਾਂਤ ਨੂੰ ਟਿਕਟ ਦਿੱਤੀ ਸੀ। ਹਾਥਰਸ ਤੋਂ ਹੇਮਬਾਬੂ ਧਨਗਰ, ਫਤਿਹਪੁਰ ਸੀਕਰੀ ਤੋਂ ਰਾਮ ਨਿਵਾਸ ਸ਼ਰਮਾ, ਫਿਰੋਜ਼ਾਬਾਦ ਤੋਂ ਸਤੇਂਦਰ ਜੈਨ ਸੌਲੀ, ਇਟਾਵਾ ਤੋਂ ਸਾਰਿਕਾ ਸਿੰਘ ਬਘੇਲ, ਅਕਬਰਪੁਰ ਤੋਂ ਰਾਜੇਸ਼ ਕੁਮਾਰ ਦਿਵੇਦੀ ਅਤੇ ਜਾਲੌਨ ਤੋਂ ਸੁਰੇਸ਼ ਚੰਦਰ ਗੌਤਮ ਨੂੰ ਮੈਦਾਨ ਵਿਚ ਉਤਾਰਿਆ ਗਿਆ ਹੈ।

36 'ਚੋਂ 9 ਮੁਸਲਿਮ ਚਿਹਰੇ

ਬਸਪਾ ਦੀ ਪਹਿਲੀ ਸੂਚੀ 'ਚ 16 ਨਾਵਾਂ ਦਾ ਐਲਾਨ ਕੀਤਾ ਗਿਆ। ਇਸ ਵਿੱਚ ਸੱਤ ਮੁਸਲਮਾਨ ਚਿਹਰੇ ਸਨ। ਦੂਜੀ ਸੂਚੀ ਵਿੱਚ ਕੋਈ ਮੁਸਲਮਾਨ ਨਹੀਂ ਸੀ। ਅੱਜ ਤੀਜੀ ਸੂਚੀ ਵਿੱਚ ਦੋ ਮੁਸਲਿਮ ਉਮੀਦਵਾਰਾਂ ’ਤੇ ਦਾਅ ਲਾਇਆ ਗਿਆ ਹੈ। ਸਰਵਰ ਮਲਿਕ ਨੂੰ ਲਖਨਊ ਅਤੇ ਇਮਰਾਨ ਬਿਨ ਜ਼ਫਰ ਨੂੰ ਕਨੌਜ ਤੋਂ ਮੈਦਾਨ ਵਿਚ ਉਤਾਰਿਆ ਗਿਆ ਹੈ। ਇਸ ਤੋਂ ਇਲਾਵਾ ਮਾਇਆਵਤੀ ਨੇ ਰਾਮਪੁਰ ਤੋਂ ਜ਼ੀਸ਼ਾਨ ਖਾਨ, ਸਹਾਰਨਪੁਰ ਤੋਂ ਮਾਜਿਦ ਅਲੀ ਅਤੇ ਮੁਰਾਦਾਬਾਦ ਤੋਂ ਇਰਫਾਨ ਸੈਫੀ, ਸੰਭਲ ਤੋਂ ਸ਼ੌਲਤ ਅਲੀ, ਅਮਰੋਹਾ ਤੋਂ ਮੁਜਾਹਿਦ ਹੁਸੈਨ, ਅਮਲਾ ਤੋਂ ਆਬਿਦ ਅਲੀ, ਪੀਲੀਭੀਤ ਤੋਂ ਅਨੀਸ ਅਹਿਮਦ ਖਾਨ ਉਰਫ਼ ਫੂਲਬਾਬੂ ਨੂੰ ਉਮੀਦਵਾਰ ਬਣਾਇਆ ਹੈ।