Begin typing your search above and press return to search.

ਮਰਾਠਾ ਅੰਦੋਲਨਕਾਰੀਆਂ ਨੇ ਬੱਸ ਨੂੰ ਲਗਾਈ ਅੱਗ

ਜਾਲਨਾ, 26 ਫ਼ਰਵਰੀ, ਨਿਰਮਲ : ਮਰਾਠਾ ਅੰਦੋਲਨਕਾਰੀਆਂ ਨੇ ਬੱਸ ਨੂੰ ਅੱਗ ਲਗਾ ਦਿੱਤੀ ਹੈ। ਮਰਾਠਾ ਅੰਦੋਲਨ ਦੇ ਪ੍ਰਦਰਸ਼ਨਕਾਰੀਆਂ ਨੇ ਅੰਬਾਡ ਤਾਲੁਕਾ ਦੇ ਤੀਰਥਪੁਰੀ ਸ਼ਹਿਰ ਵਿਚ ਛਤਰਪਤੀ ਸ਼ਿਵਾਜੀ ਮਹਾਰਾਜ ਚੌਕ ’ਤੇ ਇੱਕ ਸਟੇਟ ਟਰਾਂਸਪੋਰਟ ਬਸ ਨੂੰ ਅੱਗ ਲਗਾ ਦਿੱਤੀ। ਇਸ ਤੋਂ ਬਾਅਦ ਮਹਾਰਾਸ਼ਟਰ ਸਟੇਟ ਰੋਡ ਟਰਾਂਸਪੋਰਟ ਕਾਰਪੋਰੇਸ਼ਨ ਨੇ ਪੁਲਿਸ ਵਿਚ ਸ਼ਿਕਾਇਤ ਦਰਜ ਕਰਵਾਈ ਅਤੇ ਜਾਲਨਾ ਵਿਚ […]

ਮਰਾਠਾ ਅੰਦੋਲਨਕਾਰੀਆਂ ਨੇ ਬੱਸ ਨੂੰ ਲਗਾਈ ਅੱਗ

Editor EditorBy : Editor Editor

  |  26 Feb 2024 2:52 AM GMT

  • whatsapp
  • Telegram
  • koo


ਜਾਲਨਾ, 26 ਫ਼ਰਵਰੀ, ਨਿਰਮਲ : ਮਰਾਠਾ ਅੰਦੋਲਨਕਾਰੀਆਂ ਨੇ ਬੱਸ ਨੂੰ ਅੱਗ ਲਗਾ ਦਿੱਤੀ ਹੈ।

ਮਰਾਠਾ ਅੰਦੋਲਨ ਦੇ ਪ੍ਰਦਰਸ਼ਨਕਾਰੀਆਂ ਨੇ ਅੰਬਾਡ ਤਾਲੁਕਾ ਦੇ ਤੀਰਥਪੁਰੀ ਸ਼ਹਿਰ ਵਿਚ ਛਤਰਪਤੀ ਸ਼ਿਵਾਜੀ ਮਹਾਰਾਜ ਚੌਕ ’ਤੇ ਇੱਕ ਸਟੇਟ ਟਰਾਂਸਪੋਰਟ ਬਸ ਨੂੰ ਅੱਗ ਲਗਾ ਦਿੱਤੀ। ਇਸ ਤੋਂ ਬਾਅਦ ਮਹਾਰਾਸ਼ਟਰ ਸਟੇਟ ਰੋਡ ਟਰਾਂਸਪੋਰਟ ਕਾਰਪੋਰੇਸ਼ਨ ਨੇ ਪੁਲਿਸ ਵਿਚ ਸ਼ਿਕਾਇਤ ਦਰਜ ਕਰਵਾਈ ਅਤੇ ਜਾਲਨਾ ਵਿਚ ਬੱਸ ਸਰਵਿਸ ਨੂੰ ਰੋਕ ਦਿੱਤਾ ਹੈ। ਬੀੜ, ਸੰਭਾਜੀਨਗਰ ਅਤੇ ਜਾਲਨਾ ਵਿਚ ਸ਼ਾਮ ਚਾਰ ਵਜੇ ਤੱਕ ਇੰਟਰਨੈਟ ਸਸਪੈਂਡ ਕਰ ਦਿੱਤਾ ਗਿਆ ਹੈ।


ਮਰਾਠਾ ਅੰਦੋਲਨ ਦੇ ਲੀਡਰ ਮਨੋਜ ਜਰਾਂਗੇ ਪਾਟਿਲ ਜਾਲਨਾ ਤੋਂ ਅਪਣੇ ਪਿੰਡ ਸੈਰਾਤੀ ਪਰਤ ਗਏ ਹਨ। ਉਨ੍ਹਾਂ ਨੂੰ ਮੁੰਬਈ ਜਾਣਾ ਸੀ, ਲੇਕਿਨ ਪੁਲਿਸ ਨੇ ਕੱਲ੍ਹ ਉਨ੍ਹਾਂ ਨੂੰ ਜਾਲਨਾ ਜ਼ਿਲ੍ਹੇ ਦੀ ਸਰਹੱਦ ਵਿਚ ਹੀ ਰੋਕ ਰੱਖਿਆ ਸੀ।


ਮਨੋਜ ਨੂੰ ਉਨ੍ਹਾਂ ਦੇ ਸਿਹਤ ਕਾਰਨਾਂ ਦਾ ਹਵਾਲਾ ਦੇ ਕੇ ਪੁਲਿਸ ਨੇ ਰੋਕਿਆ ਸੀ। ਦੇਰ ਰਾਤ ਉੁਹ ਜਾਲਨਾਂ ਜ਼ਿਲ੍ਹੇ ਦੇ ਭਾਂਬੋਰੀ ਪਿੰਡ ਵਿਚ ਹੀ ਰੁਕੇ ਸੀ।
ਦੇਰ ਰਾਤ ਤੋਂ ਸਵੇਰ ਦੇ ਵਿਚ ਪੁਲਿਸ ਨੇ ਜਰਾਂਗੇ ਪਾਟਿਲ ਦੇ ਕਰੀਬੀਆਂ ਨੂੰ ਹਿਰਾਸਤ ਵਿਚ ਲੈਣਾ ਸ਼ੁਰੂ ਕੀਤਾ। ਸ਼ੈਲੇਂਦਰ ਪਾਵਰ ਅਤੇ ਬਾਲਾ ਸਾਹਿਬ ਇੰਗਲੇ ਸਮੇਤ ਸੀ੍ਰਰਾਮ ਕੁਰਣਕਾਰ ਨੂੰ ਹਿਰਾਸਤ ਵਿਚ ਲਿਆ ਹੈ। ਇਸ ਵਿਚਾਲੇ ਮਨੋਜ ਜਾਰੰਗੇ ਪਾਟਿਲ ਨੇ ਐਲਾਨ ਕੀਤਾ ਕਿ ਉਹ ਮੁੜ ਤੋਂ ਮੁੰਬਈ ਲਈ ਨਿਕਲਣਗੇ।


ਇਸ ਤੋਂ ਬਾਅਦ ਪਿੰਡ ਵਿਚ ਭਾਰੀ ਬੰਦੋਬਸਤ ਤੈਨਾਤ ਕੀਤਾ ਗਿਆ ਹੈ। ਵੱਡੀ ਗਿਣਤੀ ਵਿਚ ਮਰਾਠਾ ਅੰਦੋਲਨਕਾਰੀ ਵੀ ਪੁੱਜਣੇ ਸ਼ੁਰੂ ਹੋ ਗਏ । ਜਾਲਨਾ ਵਿਚ ਵਧਦੇ ਤਣਾਅ ਨੂੰ ਦੇਖਦੇ ਹੋਏ ਜ਼ਿਲ੍ਹੇ ਵਿਚ ਜ਼ਿਲ੍ਹਾ ਮੈਜਿਸਟ੍ਰੇਟ ਨੇ ਧਾਰਾ 144 ਲਗਾ ਦਿੱਤੀ। ਲੋਕਾਂ ਦੇ ਇਕੱਠੇ ਹੋਣ ’ਤੇ ਪਾਬੰਦੀ ਲਗਾਈ ਗਈ ਹੈ।

ਇਹ ਖ਼ਬਰ ਵੀ ਪੜ੍ਹੋ

22 ਸਾਲ ਤੋਂ ਫਰਾਰ ਖਾੜਕੂ ਹਨੀਫ ਨੂੰ ਆਖਰਕਾਰ ਗ੍ਰਿਫਤਾਰ ਕਰ ਹੀ ਲਿਆ ਗਿਆ।

ਸਟੂਡੈਂਟਸ ਇਸਲਾਮਿਕ ਮੂਵਮੈਂਟ ਆਫ ਇੰਡੀਆ (ਸਿਮੀ) ਦੇ ਖਾੜਕੂ ਹਨੀਫ ਸ਼ੇਖ ਨੂੰ ਪੁਲਸ ਨੇ 22 ਸਾਲਾਂ ਬਾਅਦ ਗ੍ਰਿਫਤਾਰ ਕੀਤਾ ਹੈ। 47 ਸਾਲਾ ਹਨੀਫ ਕਈ ਨੌਜਵਾਨਾਂ ਨੂੰ ਅੱਤਵਾਦੀ ਸਿਖਲਾਈ ਦਿੰਦਾ ਸੀ ਅਤੇ ਪਾਬੰਦੀਸ਼ੁਦਾ ਸੰਗਠਨ ਦੇ ਮੈਗਜ਼ੀਨ ਦਾ ਸੰਪਾਦਕ ਵੀ ਸੀ।

ਹਨੀਫ ਸ਼ੇਖ ਨੂੰ 2002 ਵਿੱਚ ਪੁਲਿਸ ਨੇ ਭਗੌੜਾ ਐਲਾਨ ਦਿੱਤਾ ਸੀ। ਹਨੀਫ਼ ਪਿਛਲੇ 22 ਸਾਲਾਂ ਤੋਂ ਭਗੌੜਾ ਸੀ। ਉਸ ਨੂੰ 22 ਫਰਵਰੀ ਨੂੰ ਮਹਾਰਾਸ਼ਟਰ ਦੇ ਭੁਸਾਵਲ ਤੋਂ ਫੜਿਆ ਗਿਆ ਸੀ। ਜਿੱਥੇ ਹਨੀਫ ਆਪਣੀ ਪਛਾਣ ਲੁਕਾ ਕੇ ਰਹਿੰਦਾ ਸੀ ਅਤੇ ਇੱਕ ਉਰਦੂ ਸਕੂਲ ਵਿੱਚ ਅਧਿਆਪਕ ਬਣ ਗਿਆ ਸੀ।

ਡੀਸੀਪੀ ਆਲੋਕ ਕੁਮਾਰ ਨੇ ਦੱਸਿਆ ਕਿ ਹਨੀਫ਼ ਸਿਮੀ ਦਾ ਸਭ ਤੋਂ ਖੂੰਖਾਰ ਅਤੇ ਲੋੜੀਂਦਾ ਅੱਤਵਾਦੀ ਸੀ। ਉਸ ਨੇ ਦੇਸ਼ ਭਰ ਵਿੱਚ ਸਿਮੀ ਦੀਆਂ ਕਈ ਵਾਰਦਾਤਾਂ ਵਿੱਚ ਭੂਮਿਕਾ ਨਿਭਾਈ ਸੀ। ਪੁਲਸ ਨੇ ਦੱਸਿਆ ਕਿ ਹਨੀਫ ਦਾ ਨਾਂ ਸਿਮੀ ਮੈਗਜ਼ੀਨ ’ਚ ਛਪਿਆ ਸੀ, ਜਿਸ ਨੂੰ ਉਸ ਨੇ ਐਡਿਟ ਕੀਤਾ ਸੀ। ਪੁਲਿਸ ਕੋਲ ਇਹੀ ਸੁਰਾਗ ਸੀ, ਜਿਸ ਕਾਰਨ ਉਸ ਦਾ ਸੁਰਾਗ ਲਗਾਉਣਾ ਮੁਸ਼ਕਿਲ ਹੋ ਗਿਆ।

2001 ਵਿੱਚ, ਦਿੱਲੀ ਦੇ ਨਿਊ ਫਰੈਂਡਜ਼ ਕਲੋਨੀ ਪੁਲਿਸ ਸਟੇਸ਼ਨ ਵਿੱਚ ਦੇਸ਼ਧ੍ਰੋਹ ਅਤੇ ਗੈਰਕਾਨੂੰਨੀ ਗਤੀਵਿਧੀਆਂ ਰੋਕਥਾਮ ਐਕਟ (ਯੂਏਪੀਏ) ਦੇ ਤਹਿਤ ਉਸ ਦੇ ਖਿਲਾਫ ਇੱਕ ਕੇਸ ਦਰਜ ਕੀਤਾ ਗਿਆ ਸੀ। ਸਥਾਨਕ ਅਦਾਲਤ ਨੇ ਉਸ ਨੂੰ 2002 ਵਿੱਚ ਭਗੌੜਾ ਕਰਾਰ ਦਿੱਤਾ ਸੀ।

ਸਪੈਸ਼ਲ ਸੈੱਲ ਦੀ ਇੱਕ ਟੀਮ ਨੂੰ ਰਾਜਾਂ ਵਿੱਚ ਭਗੌੜੇ ਸਿਮੀ ਕਾਡਰਾਂ, ਸਮਰਥਕਾਂ ਅਤੇ ਸਲੀਪਰ ਸੈੱਲਾਂ ਬਾਰੇ ਡੇਟਾ, ਜਾਣਕਾਰੀ ਅਤੇ ਬਾਕੀ ਬਚੇ ਡਿਜੀਟਲ ਪੈਰਾਂ ਦੇ ਨਿਸ਼ਾਨ ਇਕੱਠੇ ਕਰਨ ਦਾ ਕੰਮ ਸੌਂਪਿਆ ਗਿਆ ਸੀ। ਟੀਮ ਨੇ ਦੇਸ਼ ਦੇ ਕਈ ਹਿੱਸਿਆਂ ਤੋਂ ਜਾਣਕਾਰੀ ਇਕੱਠੀ ਕੀਤੀ। ਇਸ ਤੋਂ ਬਾਅਦ ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਨੇ ਹਨੀਫ਼ ਤੱਕ ਪਹੁੰਚਣ ਵਿੱਚ ਮਦਦ ਲਈ। ਪੁਲਿਸ ਨੇ ਇੱਕ ਟੀਮ ਬਣਾਈ ਜਿਸ ਨੇ ਹਨੀਫ਼ ਨੂੰ ਫੜਨ ਲਈ ਜਾਲ ਵਿਛਾਇਆ।

22 ਫਰਵਰੀ ਨੂੰ ਦੁਪਹਿਰ 2.50 ਵਜੇ ਦੇ ਕਰੀਬ ਹਨੀਫ ਦੇ ਰੂਪ ’ਚ ਇਕ ਵਿਅਕਤੀ ਮੁਹੰਮਦੂਦੀਨ ਨਗਰ ਤੋਂ ਖੜਕਾ ਰੋਡ ਵੱਲ ਜਾ ਰਿਹਾ ਸੀ। ਜਿਵੇਂ ਹੀ ਟੀਮ ਦੇ ਮੈਂਬਰਾਂ ਨੇ ਉਸ ਨੂੰ ਘੇਰਨਾ ਸ਼ੁਰੂ ਕੀਤਾ ਤਾਂ ਹਨੀਫ ਭੱਜਣ ਲੱਗਾ ਪਰ ਹੱਥੋਪਾਈ ਤੋਂ ਬਾਅਦ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।

ਹਨੀਫ ਸਿਮੀ ’ਚ ਸ਼ਾਮਲ ਹੋਣ ਤੋਂ ਬਾਅਦ ਕੱਟੜਪੰਥੀ ਬਣ ਗਿਆ। ਫਿਰ ਉਸ ਨੇ ਆਪਣੇ ਹਫਤਾਵਾਰੀ ਸਮਾਗਮਾਂ ਵਿੱਚ ਸ਼ਾਮਲ ਹੋਣਾ ਸ਼ੁਰੂ ਕਰ ਦਿੱਤਾ ਅਤੇ ਹੋਰ ਨੌਜਵਾਨਾਂ ਨੂੰ ਕੱਟੜਪੰਥੀ ਬਣਾਉਣਾ ਸ਼ੁਰੂ ਕਰ ਦਿੱਤਾ। ਹਨੀਫ ਨੂੰ 2001 ਵਿੱਚ ਸਿਮੀ ਮੈਗਜ਼ੀਨ ਦੇ ਉਰਦੂ ਐਡੀਸ਼ਨ ਦਾ ਸੰਪਾਦਕ ਬਣਾਇਆ ਗਿਆ ਸੀ।

ਹਨੀਫ ਵਹਾਦਤ-ਏ-ਇਸਲਾਮ ਦੇ ਥਿੰਕ ਟੈਂਕ ਮੈਂਬਰਾਂ ਵਿੱਚੋਂ ਇੱਕ ਸੀ ਅਤੇ ਉਸ ਨੇ ਮਹਾਰਾਸ਼ਟਰ ਅਤੇ ਆਸ-ਪਾਸ ਦੇ ਰਾਜਾਂ ਤੋਂ ਸੰਗਠਨ ਲਈ ਦਹਿਸ਼ਤੀ ਫੰਡ ਇਕੱਠਾ ਕੀਤਾ ਸੀ। ਉਹ ਚੈਰਿਟੀ ਦੀ ਆੜ ਵਿੱਚ ਪੈਸੇ ਇਕੱਠੇ ਕਰਦਾ ਸੀ। 2001 ’ਚ ਦਿੱਲੀ ਤੋਂ ਫਰਾਰ ਹੋਣ ਤੋਂ ਬਾਅਦ ਹਨੀਫ ਪਹਿਲਾਂ ਜਲਗਾਓਂ ਅਤੇ ਫਿਰ ਮਹਾਰਾਸ਼ਟਰ ਦੇ ਭੁਸਾਵਲ ਚਲਾ ਗਿਆ।

Next Story
ਤਾਜ਼ਾ ਖਬਰਾਂ
Share it